吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我的極品姑9！成日講傷人同難聽既說話

婆媳關係今日: 0|主題: 27766

收藏本版

發帖

返回列表

跳至頁

查看: 3656 | 回覆: 52

我的極品姑9！成日講傷人同難聽既說話 [複製鏈接]

12 3

琪琪3838

複式洋房

積分: 237

1^#

發表於 15-5-1 00:37 |只看該作者 |倒序瀏覽 |打印

呢條友既性格真係不得了，要講佢啲極品野真係有排都講唔完，唯有講近排既事，佢呢個人就自認為自己係姑9就大Q曬，要全世界遷就曬佢，佢講既野就係對的，人地發表既野佢就永遠唔會贊同，就算你講既野係岩，佢都要潤下你，串下你，傷下你佢先開心，佢老公都怕左佢，因為佢發脾氣會打爛野的，佢對住佢阿媽講野都係超級惡，真係少少既禮貌都無個隻，佢對住屋企人就聲大大，中意話咩就話咩，皇后咁款，但係呢，對住出面既人就溫柔好多，我點解要忍到今時今日呢，係因為我總愛我老公，無可能為左個姑9而同我老公分開架嗎，唔係為左我老公，我真係爆左好耐，但係我而家可以點呢？好辛苦，同埋個姑9好中意搵我，佢咁極品，我平時避得就避，唔覆佢wtsapp佢就係咁問我做乜唔覆佢，我是但講個藉口，佢就好唔like咁，西聲西氣，大佬啊，得罪你咩？可能係佢個定義裡面，逆佢意或者唔係佢所想既野就係得罪左佢啦，如果佢安排左一件事，你say no既話就會有排煩，姐係佢叫你做咩做咩，你拒絕，就日日不停收到佢煩你既wtsapp，吵到你順佢意應成佢為止，之前大家講笑叫佢上港女果個節目，佢就發曬脾氣，話自己好過果啲港女好多，話自己點好點好咁，佢發脾氣，難道我地聽完佢話自己點好點好我地總要話唔係咩？點知佢會唔會打爛野呀，總之佢話咩大家就要跟佢個套做！人同人之間最基本禮貌上既相處佢從來都唔會有，佢講野靜係識潤人，串人，笑人同鬧人！呢個人都係難搞架啦，佢串人就得，人地串返佢既下場就好慘，無人治到佢，佢係咁就係咁，我老公就好遷就佢，因為佢覺得佢個家姐來架，無得搞架啦，無曬計啦，就得就就啦，唔係可以點？唉，真係好頭痕，我都係呻下，唔講出黎我會癲囉，總有好多佢既極品事，唔講得太明確啦，點知佢有無玩呢個論壇，而家呻完，個心舒服啲

0 1 0

私人傳訊

waiiwaii0611

男爵府

積分: 5714

2^#

發表於 15-5-1 01:19 |只看該作者

回覆：琪琪3838 的帖子

佢有冇小朋友

私人傳訊

琪琪3838

複式洋房

積分: 237

3^#

發表於 15-5-1 01:40 |只看該作者

回覆：waiiwaii0611 的帖子

佢無呀，可能佢由細到大同屋企人既相處方式就係咁霸道！但係我唔係，我同我家人既關係感情好好，唔會好似我老公家人個種既相處方式，所以覺得我姑9十分霸道！

私人傳訊

leunggood

大宅

積分: 1670

4^#

發表於 15-5-1 08:04 |只看該作者

回覆：我的極品姑9！成日講傷人同難聽既說話

距港女性格系你地遷就出來的，你試下吾就距睇下有無兇呀。

私人傳訊

Clarielulu

大宅

積分: 3823

5^#

發表於 15-5-1 08:14 |只看該作者

你哋一齊住?

私人傳訊

Yingwang

大宅

積分: 1843

6^#

發表於 15-5-1 09:46 |只看該作者

回覆：琪琪3838 的帖子

我都同你一樣有個勁麻煩姑奶！咁大個女都未試過咁唔鍾意一個人！佢仲要係我奶奶面前中傷我！我自問冇做錯野佢顛倒是非！攪到我奶奶老爺都覺得我有問題！一向我同奶奶老爺都冇野！最慘我奶奶佢地成日以為自己個大女好乖！佢講o既係唔哂！只不過佢識係我奶奶佢地面前做戲！我同我老公姑仔唔識！次次都係因為佢先攪到屋企唔開心！我真係想永遠都見佢唔到！我都呻完！

私人傳訊

chanlouisa

大宅

積分: 1348

7^#

發表於 15-5-1 10:46 |只看該作者

回覆：我的極品姑9！成日講傷人同難聽既說話

同我姑9一樣，又係極端港女性格，乜都要人就晒佢，我99同佢意見相反既話，佢一定發晒脾氣，搞到我99事事遷就，經過上次晚飯後，我發誓永遠都要同佢保持距離
事緣係咁，佢在fb打左好難聽既說話，叫我早日安息，我睇到真係嬲到震，覺得呢個人把口好毒，我同番C6講，佢都叫我唔好理佢家姐，因為佢都知佢家姐把口係咁臭。真係抵佢到而家都未嫁(佢仲未拍拖架，無男朋友)