自由講場今日: 1327|主題: 1332455

收藏本版

發帖

返回列表

跳至頁

查看: 285 | 回覆: 5

希望歷史唔會重演 fw [複製鏈接]

good_pig

寶石宮

積分: 318142

開心吸收勳章 hashtag旅遊勳章大廚勳章畀面勳章 BK Milk勳章

1^#

發表於 15-5-4 18:49 |只看該作者 |倒序瀏覽 |打印

一個九七樓蟹的告白
《金融Loser》- Loser
6小時16分前
炒股廿年輸多贏少，見盡人家起跌，體會到炒股唔好諗贏而系諗唔好輸。

當時朋友諗，自住冇問題，最多捱吓，從來未見過樓市衰多過三年。

最近識到個地產經紀朋友，大家講起樓市，佢老哥即刻專家上身，侃侃而談：「供應唔夠，息口又咁低，大陸咁多人嚟香港，樓價點會跌？好似邊個邊個咁，早兩年唔聽我講買樓，今日咪後悔囉！」

樓價究竟會升定跌，真係唔夠膽講，但你話個市係咪好似湯文亮咁講會就爆煲，似乎又睇唔到；之但係金融Loser喺市場蒲咗咁多年，睇過幾個風浪，都想跟大家分享吓一個朋友嘅故事。

朋友喺九六年買咗層近三百萬嘅樓，首期俾咗九十萬，問銀行借兩百萬，當時樓市好旺，樓價好快已經上咗幾成，佢好鬼開心，諗住自己眼光奇佳。點知冇耐九七金融風暴，董建華又推八萬五，樓價開始急插，唔使一年已經冇咗三成。

朋友諗，自住冇問題，最多捱吓，從來未見過樓市衰多過三年。點知經濟一年比一年差，公司唔好話冇人工加，仲開始大削福利。九七年之前嘅打工仔大概都記得，當年幾乎家家公司有雙糧，但喺金融風暴後，大部份公司都取消咗雙糧。

過咗冇幾耐，好多公司話要減人工，朋友都難逃一劫，人工被減一成。過去大家都會咁諗，供層貴樓冇問題，因為年年加薪，過多幾年就輕鬆晒，現時就相反，年年減薪，愈嚟愈冇閒錢使。好喇，朋友心諗，不如搬返屋企跟老竇老母住，將層樓出租幫補供樓，忍吓幾年應該可以渡過難關。

以為有人幫手供樓，負擔會輕啲，殊不知租金係咁跌，原本租萬二，下一次租期跌到一萬，再之後跌到八千，最慘當時開始，業主租樓要全包管理費、差餉地租，結果七除八扣，實收得番六千蚊。

咁都未算，經濟持續差勁，朋友被公司裁員，冇嘢做，但個個月要供樓，點算好？最終把心一橫，決定壯士斷臂，賣咗層樓。不過佢想賣都唔係咁易，事關樓價喺過去幾年係咁跌，層樓只值一百萬，但朋友借咗銀行兩百萬，已經變咗負資產，想賣都唔得。

事關賣咗層樓攞返一百萬，都仲未夠還俾銀行，要補返供銀行筆差價，即係要籌多一百萬先可以甩身，結果點呢？佢把心一橫索性唔要層樓走佬，至於後尾點，由於小弟驚佢問我借錢，都冇跟呢位朋友聯絡。

喺呢個時候講個咁嘅故仔唔係想嚇大家，只不過希望大家參考吓歷史，唔好只從往好嘅一面諗。