親子旅遊 今日: 5 | 主題: 161724

積分: 1970

1^#

發表於 15-5-25 22:01 |只看該作者 |倒序瀏覽 |打印

本帖最後由 vafamily 於 15-6-5 08:35 編輯

之前喺呢度參考咗好多JM嘅資料，好有用，所以返嚟都想同大家分享吓，希望我嘅小小分享，可以幫到大家。

我哋一行五人, 兩公婆 + 亞爸亞媽 + 亞囡 (age 5)，頭兩日去宜蘭，之後兩日喺台北。共五日，日日都落雨，但好彩雨勢唔算好大，所以好多地方都冇問題。

Day 1: 香港->台北->京站饗食天堂-＞礁溪筑翫民宿 -> 甕窯雞

搭09:50長榮機出發，到達桃園機場Terminal 2後, 喺等緊過關之前，見到有ATM機，即刻去㩒錢，冇人排，好快好方便，用有銀聯標誌嘅恒生卡(記得要開通海外提款功能設定)，當日匯率連手續費係3.91，機場兌換店係3.85 左右，所以㩒機好d, 又唔使等。大約12:45攞晒行李出去，然後買大哥大上網卡，好多人，等咗大約15分鐘先搞惦。之後搭國光巴士去台北車站。

落車後經地下街過去京站饗食天堂食下午茶buffet, 14:20開始，時間啱啱好。同好多JM嘅comments一樣，食物好多選擇，雖然冇乜名貴嘢食，但咁嘅價錢，我哋覺得好抵食，d嘢都好味，同埋冇諗過平日下午茶都有好多台灣人嚟食，食咗兩個鐘，跟住去坐葛碼蘭客運去礁溪，由京站行通道過去台北轉運站，唔使淋雨，所以好方便。

大約一個鐘車程，到達礁溪下車處，轉的士上筑翫，5分鐘車程便到。今次book咗兩間房，一間3樓，另一間4樓連天台。兩間房都好正，同官網影d相一樣咁靚。我哋住4樓，有個閣仔，亞囡勁開心，走上走落，話要自己一個人瞓閣仔喎。不過可能因為落雨，所以有蚊，如果大家呢d月份去，都係帶定蚊怕水穩陣d。放好d嘢後，梗係第一時間泡過溫泉先喇!

因之前食到好飽，所以我哋抖到8點半先再出去食晚飯，去咗甕窯雞，叫咗隻雞同兩碟餸，隻雞好味，但其他餸就麻麻地。之後坐的士返民宿又浸過，完成第一日嘅行程。

待續……

0 0 0

私人傳訊

積分: 1970

2^#

發表於 15-5-25 22:27 |只看該作者

回覆：分享~宜蘭台北五天遊

係頭三日喺宜蘭，後兩日喺台北至啱

私人傳訊

積分: 1970

3^#

發表於 15-5-25 23:07 |只看該作者

回覆：分享~宜蘭台北五天遊

Day 2: 山泉飯店玩溫泉魚SPA -> 正常小籠包 -> 國立傳藝中心 -> 返民宿休息 -> 錢塘江餐飲工藝會館 -> 羅東夜市

第二日繼續落雨，我哋食完早餐後，再浸多一次溫泉，11點check out, 留低行李喺筑翫，跟住去玩溫泉魚SPA, 幾得意，初初覺得好痕，好酸咁，感覺特別，值得一試。T$100一個人，小童$50，玩半個鐘。之後見冇落雨，我哋就沿直路一直行，行到見到正常小籠包，就坐低食午餐，幾好味，佢d小籠包係包咗好多蔥喺裡面嘅，同平時食嗰d唔同。食飽後喺附近行咗一陣，坐的士返筑翫攞行李，然後原車出發去聖荷緹先放低行李(因未夠鐘check in)，再去傳藝中心。喺傳藝行咗兩個鐘左右，就返亞囡一直期待嘅聖荷緹check in。一上到房，亞囡係超開心，我哋book咗兩間房，一間係安東尼，另一間係法蘭吉斯，d房都係同官網d相一樣, 好靚，雖然有好多公仔，但感覺乾淨，基本上亞囡淨係掛住玩滑梯同千揪，都冇玩過d公仔。晚餐，我哋book咗錢塘江食無菜單料理，book嘅時候已揀咗食T$600 一個人嘅菜式，亞囡5歲唔使計。總共食咗大約12道菜 (連甜品)，好多嘢食，份量好足夠，d嘢都好好食，食到第9道菜左右已經好飽。我見好多人，後尾d餸都係打包攞走。食飽後，想行吓，所以去咗羅東夜市行吓，之後再返民宿同亞囡玩。

待續……

私人傳訊

amon28

積分: 7204

4^#

發表於 15-5-25 23:19 |只看該作者

回覆 vafamily 的帖子

我6月中都book左筑翫兩晚，諗住唔包車，容易坐的士嗎？

私人傳訊

積分: 1970

5^#

發表於 15-5-25 23:31 |只看該作者

引用：回覆 vafamily 的帖子我6月中都book左筑翫

原帖由 amon28 於 15-05-25 發表
回覆 vafamily 的帖子

我6月中都book左筑翫兩晚，諗住唔包車，容易坐的士嗎？ ...

你意思係由客運下車處再搭的士上去易有的士？還是邊度坐的士去？

私人傳訊

amon28

積分: 7204

6^#

發表於 15-5-25 23:33 |只看該作者

景點容易找的士去下個景點嗎？

私人傳訊

積分: 1970

7^#

發表於 15-5-25 23:46 |只看該作者

引用：景點容易找的士去下個景點嗎？

原帖由 amon28 於 15-05-25 發表
景點容易找的士去下個景點嗎？

如果喺大街，都算ok。不過同台北好唔同，台北周圍都見到的士，但宜蘭唔係好多。所以有時，我哋係call車嘅，例如由筑翫去食飯，咁筑翫會幫我哋call車，食完飯返去，我哋就叫餐廳幫我哋call車。嗰日喺山泉玩完溫泉魚，如果落大雨嘅話，我哋都會叫山泉幫我哋call車。所以如果你plan嘅地方係屬於點對點，可以叫佢哋幫你call車。

私人傳訊

dvdbb2003

積分: 8679

8^#

發表於 15-5-26 00:08 |只看該作者

回覆：vafamily 的帖子

追

私人傳訊

積分: 1970

9^#

發表於 15-5-26 08:36 |只看該作者

引用：追

原帖由 dvdbb2003 於 15-05-26 發表
追

多謝你

我仲以為冇乜人睇添

私人傳訊

snoopychan13

別墅

積分: 623

10^#

發表於 15-5-26 10:00 |只看該作者

回覆 vafamily 的帖子

謝謝分享! 我們都訂了聖荷緹, 很期待! 你們有冇借聖荷緹的單車玩?

私人傳訊

ccfj

子爵府

積分: 11342

2025勳章 2025勳章蛇年勳章 2024年龍年勳章

11^#

發表於 15-5-26 10:13 |只看該作者

私人傳訊

ononchu

積分: 2073

12^#

發表於 15-5-26 10:15 |只看該作者

引用：Quote:原帖由+amon28+於+15-05-25+發表景點

原帖由 vafamily 於 15-05-25 發表
如果喺大街，都算ok。不過同台北好唔同，台北周圍都見到的士，但宜蘭唔係好多。所以有時，我哋係call車嘅， ...

你的資料很有參考價值！

想請問在傳藝中心可以call 的士去另外的景點嗎？我們找到一所民宿，幾近冬山河親水公園，見到有jm 話冬山河公園內有船可坐到傳藝中心，我想知道傳藝中心可否幫人call 車，我們有興趣到羅東林業文化園區。

唔知羅東林業文化園區又有冇得call車到夜市？

我們plan 其中一天：冬山河親水公園～傳藝中心～羅東林業文化園區～羅東夜市～民宿，會否太趕呢？

麻煩各位指教。:yummy

私人傳訊

dvdbb2003

積分: 8679

13^#

發表於 15-5-26 12:02 |只看該作者

回覆：vafamily 的帖子

我都想帶亞仔去你去的民宿，所以做吓research

私人傳訊

積分: 1970

14^#

發表於 15-5-26 12:54 |只看該作者

引用：回覆 vafamily 的帖子謝謝分享! 我們都訂了

原帖由 snoopychan13 於 15-05-26 發表
回覆 vafamily 的帖子

謝謝分享! 我們都訂了聖荷緹, 很期待! 你們有冇借聖荷緹的單車玩?

冇呀，因為落雨，所以冇玩呀，其實亞囡喺房玩，都已經唔願出去。

私人傳訊