吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公話要分開，冷靜一排！

夫婦情感今日: 0|主題: 42737

收藏本版

發帖

返回列表

跳至頁

查看: 4285 | 回覆: 31

老公話要分開，冷靜一排！ [複製鏈接]

琪琪3838

複式洋房

積分: 237

1^#

發表於 15-5-28 05:14 |只看該作者 |倒序瀏覽 |打印

最近好辛苦，C6變得好情緒化，心情唔好就搵其他人發洩，我呢排成日無端端比佢鬧，佢之前唔係咁的！自問佢都算愛我，我地經歷左好多野，佢都未試過放手，平時雖然都會鬧下交，次次都好小事，格一陣就會好返，但今次就唔同曬，都係因為啲雞毛蒜皮既事，但係佢已不同往日，今次話要分開冷靜下，可能我都係一個硬頸既人，忍唔到佢話要分開，我就話咁我搬返娘家住，之前試過鬧交我話返娘家住，佢都會拉住我唔比走，今次佢無，仲幫我汁野，我個刻好傷心！講返c6既性格方面先，佢係一個脾氣唔多好既人，少少野都會煩躁咁，同佢咁多年黎鬧交都鬧到怕左，佢唔係搵到錢既人，但係佢好大洗，平時佢搵既錢普普通通夠食夠住，我就唔需要佢養的，咁多年黎我幫佢搞掂好多野，佢有困難都係我一手搞掂，我知自己好傻，將自己所有野都比曬佢咁，錢又係擺係度佢想拎就拎，事因係佢成日唔夠錢開支會問我拎，因為我覺得佢愛我既我就會付出一切，我幫佢幫到佢家人都覺得我對我c6真係好好，好到有啲誇張，佢地話比住佢地唔會咁樣幫個老公，我自問脾氣都一般，但係我唔會亂發癲個種，有分寸，但係我c6點解仲覺得我做得唔夠好？大佬，仲想我點呀，佢話之前唔分開係因為念起我對佢唔差，我幫左佢好多，但係而家就開始覺得我地夾唔黎，性格火星撞地球，相處唔到落去，我曾經都有同佢講過同樣既說話，但係我唔係真係想分開，我都係想佢哄下我姐，但係佢唔係，佢係發自內心咁講，我真係好唔甘心呀，八年幾時間，我付出既所有野，你一句話想分開要我點承受？我應該可以點做？我咩都無曬咁，又要自己一個從頭來過？我總愛佢，我要點忘記？真係好唔甘心就咁完啊，我哭左好耐好耐，點解自己咁傻，當初咁天真信曬個男人，覺得自己付出既愛係有回報架，原來個事實唔係咁架，男人當初就講到點點點，而家就另一回事，我好累了，我唔知我下一步可以點行落去

0 0 0

私人傳訊

eggpudding

子爵府

積分: 14327

2^#

發表於 15-5-28 07:37 |只看該作者

回覆：老公話要分開，冷靜一排！

其實每個人個故事大同小異
你要接受現實向前行
唔好諗以前又或者付出幾多
當一個人唔愛另一個人的時候
乜都唔記得
相信時間幫到你啦
頭三個月最難受
半年到心開始平復
每個人都係咁過
個世界唔會因你而停止
堅強去面對，企番起身，向前行就夠
加油

未經本人同意,請勿轉載內容!

私人傳訊

alphabetagamma

珊瑚宮

積分: 108855

環保接龍勳章

3^#

發表於 15-5-28 09:40 |只看該作者

回覆：老公話要分開，冷靜一排！

所以女人成日要人氹，男人一開始唔氹就閉家伙。成日話分開嚇人想人氹，男人真係會諗清楚的，唔係你講句話只想人氹咁簡單。

慢慢來，可能大家現在鬥氣啫。

人邁向新的一天跨新步放眼遠方迎來朝暉將人照亮

私人傳訊

kkkk9527

男爵府

積分: 5164

4^#

發表於 15-5-28 10:26 |只看該作者

Never test love or your husband

私人傳訊

Nancy20090615

瑪瑙宮

積分: 136591

5^#

發表於 15-5-28 10:44 |只看該作者

之前試過鬧交我話返娘家住，佢都會拉住我唔比走，今次佢無，........我曾經都有同佢講過同樣既說話，但係我唔係真係想分開，

您呢 D 格其實對男人黎講好難頂, 唔 enjoy 同您一齊, 次次都係扮走想等人留, 您諗下咁多年佢攰唔攰? 可能佢都好攰.

私人傳訊

wing1388

珍珠宮

積分: 47014

開心吸收勳章

6^#

發表於 15-5-28 10:47 |只看該作者

琪琪3838 發表於 15-5-28 05:14
最近好辛苦，C6變得好情緒化，心情唔好就搵其他人發洩，我呢排成日無端端比佢鬧，佢之前唔係咁的！自問佢都 ...

事出必有因，如果一個人嘅脾氣突然改變，除非佢更年期啦，否則一定係發生咗一啲令佢困擾嘅事，而男人不外乎錢銀同女人，如果妳講佢一向大使錢，咁有可能係佢金錢上出咗問題，妳要留意佢有冇欠債之類，而欠債嘅原因又有可能同賭，女人....等等有關，妳需要細心先可以觀察到。

百花叢裡過，片葉不沾身。

私人傳訊

hello_kristy

男爵府

積分: 8463

7^#

發表於 15-5-28 11:03 |只看該作者

回覆：琪琪3838 的帖子

曾經，有男人話我好計較。當時唔明白，亦都好嬲，為佢做咁多野，出錢出力，都無叫佢還返d乜野比我，亦無要求任何野…計咩較!? 但後來明白，有d人覺得，你記得自己為佢付出過既野，亦可以清清楚楚講返出黎，就係計較…久而久之佢就會覺得段關係唔平等，覺得對方好計較，好煩厭，都無要你做咁多野，係你自己要做咋嘛，咪成個大恩人咁呀…

樓主，睇完你既文字，唔知點解會聯想起哩d野，雖然，你既情況未必係咁，但係我想講既係，一個好既人，係唔會不停佔伴侶便宜，然後仲話之前覺得你對佢好先唔走住，係好既，就會做好自己令段關係更平衡。

分開左，邊個損失條數好易計，止蝕都未嘗唔係一個好既想法。

點評

miumiu21

發表於 15-5-29 01:28

yeunghung

發表於 15-5-28 14:23

TiffChan

發表於 15-5-28 11:58

私人傳訊

豬兜有情人

子爵府

積分: 13995

8^#

發表於 15-5-28 11:40 |只看該作者

hello_kristy 發表於 15-5-28 11:03
曾經，有男人話我好計較。當時唔明白，亦都好嬲，為佢做咁多野，出錢出力，都無叫佢還返d乜野比我，亦無要 ...

hello_kristy 好同意妳的說法!

私人傳訊

豬兜有情人

子爵府

積分: 13995

9^#

發表於 15-5-28 11:44 |只看該作者

本帖最後由豬兜有情人於 15-5-28 11:57 編輯

Nancy20090615 發表於 15-5-28 10:44
之前試過鬧交我話返娘家住，佢都會拉住我唔比走，今次佢無，........我曾經都有同佢講過同樣既說話，但係我唔係真係想分開，

您呢 D 格其實對男人黎講好難頂, 唔 enjoy 同您一齊, 次次都係扮走想等人留, 您諗下咁多年佢攰唔攰? 可能佢都好攰.

我反而覺得樓主C6好難頂, 一齊八年個男人可以收入不多吓吓要老婆照顧埋他的經濟開支, 完全沒有責任, 可想樓主脾氣差都是由他起, 不過男人可以咁都要怪女人太寵佢吧!