夫婦情感今日: 10|主題: 42736

收藏本版

發帖

返回列表

跳至頁

查看: 30853 | 回覆: 1235

12 3 4 5...62

積分: 47014

開心吸收勳章

1^#

發表於 15-6-16 17:35 |只看該作者 |倒序瀏覽 |打印

本帖最後由 wing1388 於 15-6-16 17:44 編輯

最近有一位女性朋友搵我談近況，其實佢每次搵親我都唔慌有好嘢，唔係叫我幫佢搭單買嘢就係感情方面有問題，一定係是但一瓣，不過作為一個吹水閒聊嘅朋友，佢都算非常「稱職」，起碼鑊鑊新鮮。

以下簡稱佢為A，先講講下佢嘅背境。A係普通文員一名，結婚十年有一個囝囝讀緊小學，有個非常錫佢嘅老公，基本上乜都以佢為先，佢老公算靚仔，如果高多幾吋就更加無敵了！公一份婆一份同6299同住，搵得唔算多，當年奉子成婚，除中港澳地區之外，從未去過其他地方旅行...M渴望可以去日本去歐洲，更想擁有自己物業，搬離6299。

一直以來A都有同我講話都有幾多男性向佢表白，有公司上司，有樓下舖頭個老闆，同事，朋友...基本上可以接觸到嘅男性都有機會（大家唔使問我有冇，因為我識得佢老公，更加唔會做勾義嫂呢啲咁嘅事！！！）曾經試過同樓下舖頭老闆及朋友去飲酒，幾乎俾人夾咗上的士，好彩仲未醉得晒識搵人求救！

言歸正傳，今次呢一單佢話新鮮滾熱辣，最近朋友聚會經朋友介紹識咗一位單身嘅P先生，抄咗牌之後P先生開始同佢聊天，約見面，好快就撻著咗！P先生知佢係有夫之婦，但不減對佢嘅熱情，仲不時煲湯煮飯俾A食...基本上拍拖嘅事都做過了！

A話對方好體諒佢，話怕佢俾人閒言閒語，覺得P好愛佢...我聽完之後真係得啖笑！A年紀唔輕了接近40歲，有時好奇怪，以佢一個拍拖經驗不少又結婚多年嘅女人來講，點解仲可以保持住一果顆無知少女之心？

我當然同佢分析其實呢個男人想點啦，如無估錯當然係貪佢「人妻」少手尾，此刻正宗瓷器撼缸瓦，到最後有乜事，損失慘重嘅仲會係邊個吖！

幾日後A話約咗P出嚟食晚飯想同佢講清楚大家做返朋友咁話，聽完我又係笑咗！其實床都上埋仲可以做得返普通朋友真係少之有少，仲要咁好氣氛食晚飯講，即係A個心想P挽留想繼續吧！我同佢講其實同P識咗日子唔算長，而且亦冇必要見面講，SEND個MESSAGE就可以了！之後我當然將我嘅睇法同對P有乜企圖，用男性角度講俾佢聽，聽完佢基本接受...又幾日之後...

A同我講約咗P見面講咗，話應該會做返朋友咁話喎...A話點都要面對面清清楚楚交代，但我好唔客氣地回佢一句：「你哋兩個根本已經係唔清唔楚了！」我又即管放長雙眼睇下二人可以維持到「朋友」關係吧！

有時見到佢老公依然對佢咁好，人前人後SWEET SWEET個樣，作為朋友嘅我嘅心情確實難以形容！