點解冇霞姐?
反而有 Susanna Kwan (李佳芯 飾) 飾任我行(楊明飾)嘅前妻
處境劇《愛·回家》播映超過三年，劇中唔少演員成功入屋。一星期五日，食飯時間打開電視都會見到佢哋，唔少劇中角色更加深入民心。劇組喺微博宣佈第804集全劇終，亦即係下星期五(7月3日)大結局，雖然做完《愛·回家》之後都係《愛·回家》，不過就以新人物新故事重新出發。有網民可能眼見就嚟「家不成家」，就喺網上搞咗個《愛·回家》女神選舉，大家睇下以下top5結果係唔係大家嘅心水啦！
第五位：管美琪Maggie姐 (何綺雲 飾)
由查李施律師事務所查生(Damon，黄子雄飾)嘅秘書，去到而家戴守查律師事務所守生(鄭子誠飾) 嘅秘書，《愛·回家》做咗7百幾集，大家都覺得佢人靚、細心又善解人意。雖然年齡係女人嘅秘密，不過何綺雲keep得咁好都唔怕比人知啦！唔講唔知原來何綺雲已經41歲，就算拍埋其他年輕過佢嘅女藝人身邊，都一啲都唔輸蝕。
第四位：樓尚好Amanda (姚瑩瑩 飾)
唔少觀眾好關心Amanda、查生及KC嘅感情會點樣發展落去，查生同KC經常為Amanda爭執，去到上星期終於有新發展。樓尚友暗示家姐其實已默許佢嘅心意，Amanda仲應承KC一齊同佢個女過父親節。其實唔少觀眾都估Amanda會同查生係返埋一齊，呢個結果真係有少少意外。
第三位：Susanna Kwan (李佳芯 飾)
李佳芯(Ali) 果然深受網民歡迎，喺劇中只係喺第568集中出現，飾演任我行(楊明飾)嘅前妻，就成為女神第三位。
第二位：李思思 (湯洛雯 飾)
港姐出身嘅湯洛雯雖然三甲不入，但好快已經被安排加入《愛·回家》呢個大家庭。李思思呢個角色一出現即受網民歡迎，大讚佢人靚腳靚。自從由查李施轉咗去戴守查之後，劇中演員大換血，思思因為喺大馬嘅老豆病咗，被安排跟阿哥醒哥(朱匯林飾) 返大馬。
第一位：尹德如Alex (朱慧敏 飾)
唔少觀眾都好關心Alex同馬壯呢條感情線會點樣發展，希望佢哋可以大團圓結局。演員大換血後，Alex被安排挖角去D&L律師樓而離開劇組，《愛·回家》更安排Lovely(高海寧飾)同馬壯發展新戀情，但觀眾未有受落，於是劇組安排朱慧敏回歸，結局會集中喺馬壯同Alex，以及馬柔同裘亞域呢兩pair身上。監製徐遇安早前表示會順應民意。Alex同馬壯呢一pair已經成功入屋，Alex係第一位真係一啲都唔意外。
發表於 
返回列表
