吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 點解死佬有婚外情，好多時JM們都會將責任指向小三? ...

夫婦情感今日: 0|主題: 42768

收藏本版

發帖

返回列表

跳至頁

查看: 1506 | 回覆: 11

點解死佬有婚外情，好多時JM們都會將責任指向小三? [複製鏈接]

Bb700

複式洋房

積分: 464

1^#

發表於 15-7-8 00:54 |只看該作者 |倒序瀏覽 |打印

本帖最後由 Bb700 於 15-7-8 01:11 編輯

真人真事，發生係我朋友A小姐身上，A單身，年近30，身邊朋友及家人影響心感壓力，想搵個男友拍拖、結婚....

係上年中於某APP上認識B先生，B約33-4歲，話自己單身(同之前女友散左年幾，分手係因為忙冇時間陪女友所以分手)，自己接ORDER做大廈冷氣工程，與父母同住。佢地同一般故事情節咁，由認識好好傾到見面再發展為情侶 (真係橋唔怕舊，最重要係洗得)。

佢地主要係WHATAPP溝通為主(日日都傾)，由於B工作關係，好多時七、八點先收工，所以好多時都係A等佢收工再食飯行街睇戲拍拖，主要都係夜晚相處時間多，咁當然一對正常女男，加上節日等，拍左幾個月上床都正常既，間唔中一次唔多，出街好似一般情侶拖手等行為，都係去尖沙咀、旺角、荃灣個D多人既地方，本身B工作忙，又好少題佢D朋友，所以A以為佢冇咩朋友，加上拍拖唔係好耐，唔會諗想識B既朋友或者見佢家人個D。而A本身都幾獨立，星期六日放假，但B好多時假日都話要做野，所以陪唔到A出街，加上識個時佢都成日講做野好忙 (雖然有時投訴下、發下脾氣，B又會抽到時間陪佢假日出去，可能老婆放人吧)，所以A從來都冇諗過原來佢係結左婚。直至某日夜晚食飯，平時B手機都會袋係身或者反轉放係枱，咁岩有次B行開左出去羅野食，個WHATAPP彈左個信息係WXNG SEND比佢打"係邊?"，女人既直覺比A覺得有D野，個刻A好想打開佢電話睇，佢大約知B個電話PASSWORD係咩圖案，但又怕睇左佢會發現，所以最後忍手冇睇，辦冇野咁食飯。返到屋企就係FB到SEARCH WXNX，搵左好耐比佢搵到，最係搵到張幾年前 WXNX個朋友POST出黎既相，相中係一家三口 (B+女人+女兒)疑似飲宴既相，就係咁樣A就發現左，當晚B WHATAPP比A既時候，A就問B有冇野騙佢？B當然係話冇問佢講咩等等，仲好快咁打左比A，A問左幾次，B都唔話冇騙佢，之後A同B講"我知道左喇，你唔好再搵我"之後就收左線，而B又真係冇再搵佢或解釋什麼的。

就係咁A小姐就做左JM問口中既小三，A小姐知道左亦即刻斬籃，冇拖拖拉拉，亦都冇爆佢大鑊同WXNX講或透露，因為A怕會拆散左WXNX頭家，A覺得佢老婆同個女比佢更慘更無辜。但我覺得個賤男係食家囉，偷食仲去咁多人既地方，都唔怕比親友撞到 (不過,可能佢賤到唔怕老婆知)，被A發現左之後我諗佢應該搵第二個目標，再獵食。所以JM們，就算你個死佬收工同假日既時間都陪你都好喇，手機WHATAPP、WECHAT個D間唔中都要睇下(雖然佢要騙你可以刪除信息，但總會有D蛛絲馬跡有機會發現)，唔係佢偷食你都唔知發生咩事，好彩既係佢地冇愛到拖拖拉拉，唔好彩攪出人命或者愛到死去活來，最無辜既都係你同小朋友囉.

PS: 其實我都希望WXNX有緣睇到E個POST，唔好再比個賤男出黎害人。

0 0 0

私人傳訊

ms_ck

子爵府

積分: 13291

2^#

發表於 15-7-8 06:38 |只看該作者

引用：真人真事，發生係我朋友A小姐身上，A單身，

原帖由 Bb700 於 15-07-08 發表
本帖最後由 Bb700 於 15-7-8 01:11 編輯

真人真事，發生係我朋友A小姐身上，A單身，年近30，身邊朋友及 ...

你朋友呢種就真係俾人呃，但自愛又有品既小三！成件事你朋友無賤過，賤的只係個男人，所以佢值得更好！
但呢個世界更多係初初話俾人呃，之後唔理得人地老婆仔女既慘，就連自己都妄顧，誓死纏落去既小三…

私人傳訊

mwmyway

侯爵府

積分: 20051

3^#

發表於 15-7-8 07:40 |只看該作者

回覆：Bb700 的帖子

下？唔係呀，你無睇 post咩，個個都會鬧男人，只係鬧得少果d因為仲要一齊，所以只可以惡鬧狐狸精。

係post到傾下好啦，不接受加好友同打招呼謝謝！

私人傳訊

xihuan317

大宅

積分: 2500

4^#

發表於 15-7-8 09:13 |只看該作者

好多時候鬧小三的post 係個小三根本知道對方有老婆仔女

好似你朋友的好女人少得很

凡事阿b為重！人奶妈加油！

私人傳訊

豬兜有情人

子爵府

積分: 14093

5^#

發表於 15-7-8 09:29 |只看該作者

ms_ck 發表於 15-7-8 06:38
你朋友呢種就真係俾人呃，但自愛又有品既小三！成件事你朋友無賤過，賤的只係個男人，所以佢值得更好！
但 ...

同意妳的說法

A 小姐好清醒處理得好好.　

私人傳訊

yipyuying

男爵府

積分: 8836

6^#

發表於 15-7-8 11:50 |只看該作者

回覆：點解死佬有婚外情，好多時JM們都會將責任指向小三

男人都是最衰的

私人傳訊

hello_kristy

男爵府

積分: 8463

7^#

發表於 15-7-8 11:59 |只看該作者

引用：真人真事，發生係我朋友A小姐身上，A單身，

原帖由 Bb700 於 15-07-08 發表
本帖最後由 Bb700 於 15-7-8 01:11 編輯

真人真事，發生係我朋友A小姐身上，A單身，年近30，身邊朋友及 ...

你朋友你好無辜…

不過，一般正印會指責小三哩個想法，其實都唔難理解，老公有第三者，傷心難過痛苦在所難免，又唔想/唔敢/唔捨得離婚，又希望原諒到個男人，所以d負面情緒/想法唔可以放落個男人度，咁放晒落個第三者度係最簡單直接既出路…

點評

tansyneko

發表於 15-7-8 12:58

私人傳訊

tansyneko

琥珀宮

積分: 152982

8^#

發表於 15-7-8 13:00 |只看該作者

因為你朋友真係俾人呃,而且無佢錯落去,但有好多時好多小三係明知做緊第三者都要做落去,仲好自豪同人講職業係小三

私人傳訊

soso1227

珍珠宮

積分: 37354

醒目開學勳章畀面勳章

9^#

發表於 15-7-8 13:14 |只看該作者

回覆 Bb700 的帖子

樓主朋友個case點同，佢係俾賤男呃，
但好多小3係明知個男人有老婆仔女都明搶，
仲要出陰招，扮可憐，
唔怪個小3怪邊個？

私人傳訊

myladylady

大宅

積分: 1249

10^#

發表於 15-7-8 13:36 |只看該作者

回覆：點解死佬有婚外情，好多時JM們都會將責任指向小三

妳朋友可能俾人呃嘅時間唔長，用情比較淺，理性度高，個男人又冇死拉表現到好愛妳朋友，加上太明顯係老手，所以妳朋友先可以話走就走

有啲女人點解抽唔到身(只限俾男人追嗰啲)，係因為男人表現到真係好愛，講到冇咗佢就唔得，又講到只係為咗責任，自己有幾辛苦乜乜物，軟硬兼施强攻victim，victim一被攻破自然束手就擒，以後結果係點就要睇case by case囉

私人傳訊

Bb700

複式洋房

積分: 464

11^#

發表於 15-7-9 01:10 |只看該作者

本帖最後由 Bb700 於 15-7-9 01:13 編輯

回覆 myladylady 的帖子

中晒，我都覺得好岩，亦都好慶幸我朋友踩得唔係好深，你講既case都唔少。
我POST出黎唔係想講我朋友有幾叻或者好理智等等，我係想講而家通訊好方便，以朋友個case，我地都覺得佢老婆應該估唔到佢老公出去偷食。因為個賤男都幾高手，雖然唔知佢地平時點相處，但佢最少做到指定時間交人，我地相信佢偷食既時間都係同佢老婆講做野，所以提醒下JM唔好以為佢收左工d時間都同你一齊返屋企就好安全。如果你係佢老婆，發現之後都會冇諗過佢咁樣都可以偷食囉（正如我朋友都估唔到佢唔係單身一樣）。

最後當然每個人既想法同感情都唔一樣，故事既過程同結果都取決於自己。我亦唔係話有婚外情，都一定係男人賤，因為而個世代偷食既女人都唔少，只不過男人好少/較少會同人分享e方面既故事。