吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 基督家庭› 凡事謝恩!--不如一齊數算神既恩典!

基督家庭今日: 0|主題: 9939

收藏本版

發帖

返回列表

跳至頁

查看: 13145 | 回覆: 92

凡事謝恩!--不如一齊數算神既恩典! [複製鏈接]

12 3 4 5

blessingbaby

大宅

積分: 1176

1^#

發表於 08-6-29 02:24 |只看該作者 |倒序瀏覽 |打印

睇咗有D人既POST..發覺都有D幾負面, 有感而發..想數算神既恩典, 大事少事..無任歡迎..我地大家都知神恩係何等豐盛架啦!
歡迎大家分享分享..

我感謝主讓BB在我的肚中健康成長! 哈利路亞!

0 0 0

耶和華是我們的牧者, 我們必不至缺乏.

私人傳訊

焯嵐媽咪

禁止訪問

積分: 4068

好媽媽勳章

2^#

發表於 08-7-2 13:55 |只看該作者

提示: 作者被禁止或刪除內容自動屏蔽

私人傳訊

jklau1029

大宅

積分: 3758

3^#

發表於 08-7-3 01:49 |只看該作者

要數算神的恩典, 真的數不盡...

先感謝神賜給我們可愛的O仔, 讓他健康成長, 又帶領我們解決問題和面對逆境, 怎樣數得盡呢?於是, 我們就將感恩的事記下, 等O仔將來大了也能學會感恩...

http://hk.myblog.yahoo.com/jennykelvin-29oct06/article?mid=11403

O仔的Blog
http://hk.myblog.yahoo.com/jennykelvin-29oct06

私人傳訊

~仔仔媽咪~

水晶宮

積分: 51912

4^#

發表於 08-7-5 02:07 |只看該作者

咁我都講下啦...其實今日我响我教會Ladies Cell Group度分享過!仲瘀爆喊到豬頭添!

我仔一路俾自閉傾向+過度活躍專注力缺乏症+學習障礙既問題纏擾住...咁多年我地兩母子都俾人千夫所指,話我唔教仔啦,我仔有爺生無乸教啦...俾老師好惡咁寸爆:"黃太,個仔生出黎係要教架!",總之,每日都幾乎會俾人講或者遭人白眼...

早兩年前個仔又係控制唔到自己,俾人地個仔嚇左一嚇就一腳踢中人地小朋友個肚,搞到個小朋友個肚損咗,半夜仲痾血尿,結果俾所有我以為係好朋友既朋友們指住黎鬧咗幾個月不特只,仲要無朋友做...對我當時打擊已經好大...當時未理解人地就算把口係咁同我講幾咁了解我仔既情況(過度活躍症係控制唔到情緒同行為,好易受環境同人或事影响...),但查實佢地未真正照顧過呢類小朋友係唔會明白囉!

咁我都企得番起身,重新振作,積極番去教好我個仔,,,

點知今年升到小二,因為學校今年開始以英文程度編班,結果我仔順理成章地編去最差嗰班,壞學生雲集,小二已經有童黨,對於我仔呢類極易受人影响既小朋友,當然係極易失控啦!亦自然成為被同學欺負既目標,

以往我都可以同所有有份教我仔既老師/班主任溝通到,可以成日MSN或者電話上一齊研究去傾教我仔既問題,但今年相反,今年我仔既班主任完全唔肯同我溝通,只會投訴同留難我仔同我呢個家長,結果越黎越嚴重,結果今年新年前,學校竟然要求我提早接走我仔,我當時需要番工,亦無人可代替我去接我仔放學,我好好同老師去解釋我既難處,但老師態度強硬,叫我無方法都要有方法去提早接走我仔,又說全校唔係淨係照顧我仔一個...再聽到我仔所作既錯事,我真係跌到落谷底...嗰兩個月,我直頭好似抑鬱症病人咁,每日只係番工既時間我至放鬆少少,一放工我就好大壓力,唔想接近我仔學校,唔想見我仔亦好想殺仔個仔自己去死...一番到屋企連晚飯都寧願唔食,直接入房訓,為求快D到第二日,我可以番工唔駛對住個仔...

過咗兩個月,我好番好多...可能我又辭咗職,生活轉變咗,令我分心卦...但諗野都好負面,亦好唔開心覺得學校甚至呢個社會已經離棄我仔,,,

適逢BK有位媽媽係我教會既姊妹黎,係佢介紹我入BK呢度傾偈,佢見到我既回應(講我仔既問題),佢就叫我再番教會,邀請我黎番教會既Ladies Cell Group...初時,我係抱住嘗試既態度去的.自問自己唔係一個好既基督徒...

Cell Group完左會大家一齊分組代禱,本身我係好怕祈禱,因為以往我一祈禱,唔知點解不但無成果,而且仲會有更壞既事會發生响我身上...所以我係好怕祈禱,但當時我都嘗試再禱告,將我仔既問題再一次交俾天父...

結果神既恩典真係出現响我身上...!!!

原以為我兩母子响以後既日子同小學既生活都只會係行屍酒肉,唔再得到任何尊重信任同支持...

早上個月,接曳貓仔放學時遇到協康會社工,我仔既學校同協康會協辦咗個社交小組同家長小組俾我地呢班小朋友同家長...咁個社工都係講番我仔當日既不當行為話番俾我知啦...查實唔係D咩嚴重問題,但係當時我一聽又係唔好既野,我就覺得好煩好炆好嬲我仔...結果我無啦啦喊咗出黎,嚇親個社工,結果我真係爆...將呢一年所有既委屈同憤怒同傷心難過全部講哂發洩哂出黎,,,

原以為講完,學校對我地既態度依舊,唔會再有人重視我地亦認為學校永遠都會放棄我仔...

點知過咗幾日,老師對我地既態度明顯好咗好多友善咗好多...

之後佢地邀請我去參加依家既家長小組,協康會社工,學校社工同埋訓導主任,仲專登預先响小組開始前既個半小時單獨同我會面,我地幾個圍埋一齊去傾,佢地都話想俾番個信心我,想我對番學校同老師有信任...我當時已經好感動!已經勁想喊...死忍唔喊...之後訓導主任又好主動咁同我講話想同我一齊努力一齊去搵方法去幫我仔!我真係好感恩囉!!!查實就算學校搵唔到方法幫到我仔,但只要佢地有心去幫我仔又無放棄或討厭我仔,我已經好滿足好夠!我同個仔真係好需要學校同老師既支持囉!只要佢地無放棄!已經足夠!!!

呢個月佢地都有我同傾...我好開心!!!連我朋友都話學校老師好咗咁多既...話佢地好好!我好相信係神幫咗我地...!!!基本上,以我既力量根本無可能做到...所以我不得不感恩!!!

私人傳訊

HoKaLee

複式洋房

積分: 273

5^#

發表於 08-7-6 00:51 |只看該作者

這條題真的來得合時, 因為小妹正想分享神的恩典.

小妹現處懷孕37週, 正是隨時可以生產的時候. 可是, 10日前, 經連場黑雨及8號颱風後, 小妹的村屋家中, 飯廳的天花石屎忽然剥落. 幸而無人受傷, 但小妹剛買了兩個月的鋼琴就被石屎撞爤了好幾處, 是不可修補的... 而更甚的是, 自6月26日天花倒塌以來, 其剥落面積與日俱增. 由A5 size 到現在足足有半張5呎x6呎的床一樣大. 生鎸鋼筋露現, 在下雨時還會漏水! 我們估計是因為這是三樓連天台的村屋(丁屋)單位, 由於天台地臺剥落, 引致滲水及三樓的天花石屎剥落.

所謂禍不單行, 這邊天花倒塌, 嬰兒房的靠牆電製就因外牆滲水而漏電! 牆身滲水處比一部冷氣機的size還要大, 而且更發霉了. 我們才在此單位住了15個月, 萬料不及會發生一連串的事故.

於是, 我們努力與業主聯絡, 尋求幫助. 但他們卻等了5日後才來看情況. 而且還推說這是一般家居事故, 按已簽的租約是應該由租客自行承擔維修, 並拒絕賠償有關的一切損失. 他們還聲稱, 如我們有不滿, 他們最多讓我們立即搬離該單位, 但依然拒絕賠償及並無提及退回兩個月的上期按金.

由於我和老公都是從英國回流, 在港朋友不多, 亦並無香港租樓經驗或常識, 所以面對如此的指責及情況, 根本是無力招架. 更枉論跟當律師的業主理論. 所以, 神是我們唯一的出路.

但神卻是依然那麼公義和信實. 衪為我們帶來了幾位同樣是當律師的弟兄及朋友, 仗義幫忙, 翻閱法律文件, 批改我們對業主的回應信, 及給予我們詳細的法律意見. 又為我們安排了一個朋友的空置單位, 正好在現居的對面街, 讓我們可以搬離那個還在丟石屎的單位, 暫住至HoneyBaby出世.

雖然, 這件租務糾紛應該還有很多細節及麻煩事要跟進, 甚至要打官司, 但最少我們有專業人士可以問, 也有個安全地方暫住到HoneyBaby出生, 都總算是有一個喘息的機會. 我們都不知道最後這事會如何解決, 但我們知道申冤在神, 即或不然, 我們都決不會作得罪主的事.

我和老公都相信, 人生不如意的事, 甚至是不公義, 不幸的事, 無論有無信仰的人也有機會遇到. 但我們這些有基督信仰的人, 最少有主可以依靠.

這事我們會記在HoneyBaby出生的日記中, 好叫他/她也會知道, 學會"寧死在主的真理之內, 都不活無主的命"!

還有3個星期, 我們就可以與HoneyBaby見面了. 為了生命的本身, 也值得感謝神!

純粹分享, 希望同是遇到困境的弟兄姊妹, 不要泄氣啊! 神是信實的!!!

Shalom <><

私人傳訊

blessingbaby

大宅

積分: 1176

6^#

發表於 08-7-8 00:39 |只看該作者

睇咗大家既分享..好感動呀...

坦白講..6月29開完呢個TOPIC..之後KEEP住日日睇..都唔見有人分享..都會諗..冇理由冇架喎..定係我地D CHRISTIAN中意將D感恩事項收埋喺心裡面呢?..點知就俾我睇到大家咁詳盡既分享..好感動呀..!!

焯嵐媽咪: 我都同你一樣..需要神賜既智慧去面對同解決問題呀..教好小朋友..只靠自己真係唔得..一齊加油呀..!

jklau1029: 有時間會慢慢睇你既BLOG!

仔仔媽咪: 為你感恩呀..相信你面對既一定唔容易..但依靠神一定係最好架..仲有..唔好再話仔仔係"曳貓仔"呀..要多D讚佢乖先好架..我地做父母對兒女係好有權柄架..所說既說話好緊要..要更加多為仔仔祝福同祈禱呀..你都要加油..求神加力俾你呀..

HoKaLee: 我都係37週幾喇..我地既小朋友會係差唔多時間出世呢!!!你要小心呀..我好能明白大家呢一刻MENTALLY同身體上既感受..但見到你既分享.都好感恩神為你地一家既預備..我地加油..小B就出世喇..有機會希望同你多D交流..

神既恩典係愈數愈多架!!..一切榮耀都歸與主!!

耶和華是我們的牧者, 我們必不至缺乏.

私人傳訊

寶寶熊

子爵府

積分: 14275

7^#

發表於 08-7-9 01:55 |只看該作者

雖然我o既小朋友未出現, 正等候神比我o既產業!!
但係我好感謝神, 比我有一個好愛我o既老公, 就算我真係驗極都係白雪雪都好...佢o既信心總係可以帶領我行過呢d 擔心o既日子!
感謝主!! 亦求神比我o係o岩o既時候有我地o既BB...哈利路亞!!

[ 本文章最後由寶寶熊於 08-7-9 02:06 編輯 ]

私人傳訊

blessingbaby

大宅

積分: 1176

8^#

發表於 08-7-9 02:10 |只看該作者

見到你地咁相愛..好感恩呀..
你放心啦..神一定會喺最好既時候賜你地產業既!!
見到你話你有個咁愛你既老公, 我突然好感恩..BB未出世就有對咁好既契爸, 契媽..我真係覺得天父好錫我BB呀...我一直都D有擔心..因為我做唔到一個MODEL父親既形象俾BB學習..
所以當知道你地有呢個領受時..真係好開心喎..
感謝主..神一定唔會讓我地有所缺乏架...
祂是掌管萬有的神, 祂是獨行奇事的神!
哈利路亞!

原文章由 寶寶熊 於 08-7-9 01:55 發表
雖然我o既小朋友未出現, 正等候神比我o既產業!!
但係我好感謝神, 比我有一個好愛我o既老公, 就算我真係我驗極都係白雪雪都好...佢o既信心總係可以帶領我行過呢d 擔心o既日子!
感謝主!! 亦求神比我o係o岩o既時候有我 ...

耶和華是我們的牧者, 我們必不至缺乏.

私人傳訊

寶寶熊

子爵府

積分: 14275

9^#

發表於 08-7-9 02:14 |只看該作者

原文章由 blessingbaby 於 08-7-9 02:10 發表
見到你地咁相愛..好感恩呀..
你放心啦..神一定會喺最好既時候賜你地產業既!!
見到你話你有個咁愛你既老公, 我突然好感恩..BB未出世就有對咁好既契爸, 契媽..我真係覺得天父好錫我BB呀...我一直都D有擔心..因為我做唔 ...

係呀...我真係覺得好感恩呀!!
你記住都要為我地祈禱啊! 我知道神會賜比我地o既!!
讓天父比我地o既領受, 可以成就o係我地o既身上!!

係呀...!! 我老公唔係咁易就呢個決定ga!!
因為好似佢話, 佢都唔係好like d 契咩契咩咁ga!!
呢個真係出自神o既! 所以感謝主啦..!!
因為神總為我地預備我地無諗過o既事情!!

非常阿門o既係..." 神是獨行其事的神!! "
感謝主, 讓我地有個咁勁o既老大撐住..!! 哈利路亞!!

私人傳訊

shamapple

複式洋房

積分: 377

10^#

發表於 08-7-10 17:52 |只看該作者

不單是媽媽有分享,不是媽媽,仍是單身的我也想同你地分享:

05年年頭時,曾經被自己喜歡的人同埋一位14年好姊妹出賣,仲要自己2年後先知,對人,對神全失信心,每天只會埋怨神,對自己沒有信心,但仍然要偽裝沒有問題一樣,我沒有向人求助,因為我與我的她姊妹是返對一間教會,我地係同一個學系畢業,當時我地仲一齊晚間追修,我仲係同佢一齊住,可想而知,當時的我,是何等難受！唯有每一天,有一句無一句向神禱告,希望神會明白,希望神會憐憫,希望神會讓我遇上一個真正關心.愛謢的的人!

2年了,我的禱告已經2年了,為何我心仍是那麼痛,為何我仍未遇上一個愛護我的人?神的安排好奇妙,係07年頭,一位我已經認識左超過8年的弟兄向我示愛,當我疑惑時,我想起,就係呢位弟兄係我感情低落時一直默默陪我,沒有批評我半句,因為我之前就是戀上了一位有婦之夫,只是他靜靜地與我的好姊妹搭上了.是的,原來這件事,我沒有向其他人分享,我只是向呢位弟兄分享,可能感情就由此而生!感謝神!

07年頭,我與他拍拖,我開朗了,生命有依靠,我們一同祈禱,一同服事,07年中,我亦決定與我這位姊妹分居,搬會自己家中居住,可惜,家與返工地點相隔很遠,再加上要同弟弟同一間房,很是不方便,我便決定再次租樓.係租樓過程中,男朋友竟然說不如我地一齊買樓,我心想,那會有錢?但我返家時,我無意間向媽媽透露,媽媽竟然二話不說借左十萬比我,但十萬真的可以買樓嗎?我求問神?

我與男朋友看中左一層130萬的樓,他說可以比5%首期,加上佢自己尚有5萬儲蓄,應該可以的!我們比左細訂,比左埋大訂,但我地接到通知我地不可以上會,因為我地負債太多了!當時,我同男朋友彼此坦白分享,我地一同禱告,我地好擔心,但深信神蹟是會出現,同時我地關係又進一大步.

真係有神蹟,有一天我男朋友的舅父對他說,你點都要向銀行借$,不如舅父比你,你仲欠多少,舅父二話不說,就開左一張二十三萬的支票比男朋友,仲同佢講,不用還,你拿去用吧!這是真的嗎?真是不敢相信,但神的恩典足夠我地用!感謝神!

我地手中的三十三萬,只夠比3成首期,仲有好多$係要比出去的,那又何來有$裝修及置家居?恩典有出現了,我爸爸竟然說整間屋裝修由他支付,我祖母又比左二萬元我置家居,仲有錫我的媽媽又比左一萬元生日利是我,真好,剛剛夠家居!

至此,我問神,我們只係用左五萬元就可以擁有一間屋,我地2人夾埋負債有三十萬,你們說,這不是一個神蹟嗎?

神蹟仲有多,07年中開始,我地層樓樓假不斷上升,但供款就越來越少,我男朋友戲言一句,如果神比我地層樓升值四十萬,我地就賣左去,還$比人,仲有少少留來結婚!

真的,半年後,我們賣了層樓,因為不多不少,就是升左四十萬,好多人話我地有眼光,但我地每次回應就是恩典,除左係神蹟,係恩典外,仲可以話好D咩?

我地還$比銀行,財務公司,仲有媽媽同舅父,我地仲有十萬係手上,我地每月可以鬆動D之餘,又可以儲$結婚.

但恩典繼續有來,我們的婚期是2009年12月,但我地係08年5月已經買好餅卡,酒席,BOOK左影相,基本上可以做的我地都做了,好多人問,你們好趕?為什麼不等平D?我們答不知道,只係差教堂未 CONFIRM ,因為要等婚期半年至九個前!

我們再用信心等待,突然係6月底,教堂打電話來通知已 CONFIRM 可以借出給我們行禮,我不是2008年WOO,係2009年12月WOO
你回答,係呀,主任牧師批左喇!再一次,感謝神,但我立即問神,點解要可以禁早 CONFIRM?係未有D原因,神答,我的恩典係多過你所想所求!好的,神,我等你!

事隔一日,我收到大學的取錄信,我成日想再進修,年年都被 REJECT.但今年大學比 OFFER 我,呀,我明白了,因為我同我男朋友由今年開始都要再次夜間進修,明年我地沒有太多時間籌備婚禮,所以一D好煩或細碎事情,都幫我地處理先!神感謝你!

各位朋友,我同男朋友再次面對經濟壓力,因為又要交學費,但我淨信神是"耶和華以勒" ,神的聖山上.必有預備.

神的神蹟係比每一個相信佢的人,各位朋友,弟兄姊妹,讓我地每日都被神的恩典充滿!一同分享神的喜樂!

私人傳訊

webjen

珍珠宮

積分: 45643

11^#

發表於 08-7-11 10:12 |只看該作者

我o既生存已經係天主比我o既恩典 :loveliness:

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊

dickielam

大宅

積分: 1607

12^#

發表於 08-7-11 12:40 |只看該作者

雖然我倆不相識, 但在主內也是一家人, 看完你的見証, 感到神真的好愛你, 衪也好愛每一個人 (包括信與不信的), 真希望我身邊的親朋好友也會有信主的一天.

原文章由 shamapple 於 08-7-10 17:52 發表
不單是媽媽有分享,不是媽媽,仍是單身的我也想同你地分享:

05年年頭時,曾經被自己喜歡的人同埋一位14年好姊妹出賣,仲要自己2年後先知,對人,對神全失信心,每天只會埋怨神,對自己沒有信心,但仍然要偽裝沒有問題一樣,我 ...

私人傳訊

焯嵐媽咪

禁止訪問

積分: 4068

好媽媽勳章

13^#

發表於 08-7-11 17:08 |只看該作者

提示: 作者被禁止或刪除內容自動屏蔽

私人傳訊

dickielam

大宅

積分: 1607

14^#

發表於 08-7-11 17:19 |只看該作者

回想由’駝’到生諾B﹐其實整個過程都係充滿恩典﹐當中有很多感恩的地方：

1) 懷孕初期正常的

沒有 (好彩呀﹐聽其他媽咪講好辛苦架), 而身形都冇乜點變;

2) 當第二個月既時候﹐正值聖誕節﹐在平安夜當晚﹐便跟教會的朋友去時代廣場做表演﹐因為一時高興﹐忘記了自己是初有BB的人﹐興奮地跳舞﹐嚇到gabrielpa及其他較為相熟的教會姐妹一額汗 (真係大頭媽)
3) 到8個半月左右﹐仍和相熟的4﹑5個教會朋友在完咗崇拜之後﹐乘船到長洲玩 (還要玩到晚上8時左右先走)﹔

4) 到第9個月左右 (回想係生之前幾日)﹐我仍和教會弟兄姐妹一齊去赤柱燒烤﹔

5) 另外﹐別人可能到3﹑4個月開始個肚便漸漸膨脹﹐但相比我到生之前都是39吋腰 (仲可以望到自己腳指添﹐諾B只係比預產期早咗11日咋)﹔

而且﹐我沒有別人所謂很痛的陣痛 (當時的感覺就像急大便, 嘻嘻)﹔而且很快便完成整個生產過程。 (全程由所謂的陣痛到諾B出世﹐都只係6個鐘頭﹔係產房裡面只係用咗30分鐘便完成)

私人傳訊

54heima

水晶宮

積分: 55644

15^#

發表於 08-7-12 14:32 |只看該作者

今天在路上走的时候
忽然脑中回想这些年来
由认识老公开始
到结婚到生左仔
由一处搬到另一处再一处
哈利路亚
都是神在看护在保守
主啊我真的不配

私人傳訊

ck07hk

複式洋房

積分: 469

16^#

發表於 08-7-12 23:34 |只看該作者

唔好意思, 本人住荃灣區, 好想返教會, 有冇人幫到我?

私人傳訊

happyfok123

複式洋房

積分: 151

17^#

發表於 08-7-13 00:40 |只看該作者

要數算神的思典太多太多了,六年前我患了卵囊瘤,要把一邊的卵囊切掉,當時我只得二十多歲,又要做手術又要做化療,好辛苦好辛苦地渡過了.正返返工的時侯,當時的男朋友又患上了SARS,幾乎要死在深切治療部,好感謝神,把我們一一的医治過來,後來我們結了婚,好想有小朋友,但由於我的病是很難有的,我們禱告,神就無條件的賜下,現在小朋友己经兩歲多了,不但靚女,還是資優(我自己認為,哈哈!),我都不感相信,女兒太聰明了!好感謝神,從沒有離棄過!