少年成長今日: 0|主題: 16047

收藏本版

發帖

返回列表

跳至頁

查看: 578 | 回覆: 3

2歲8m仔怪脾氣如何處理？ [複製鏈接]

kanini

洋房

積分: 71

1^#

發表於 15-8-6 13:48 |只看該作者 |倒序瀏覽 |打印

阿仔2歲8個月多，識講好多野識表達自己，但有時碰到不如意事就發下脾氣，例如自己唔小心撞親，被玩具kick倒… 佢會唔順心走黎踢我，話:\"我踢媽咪咪得囉！\" 我話唔關我事，你自己唔小心，小心d就得囉，唔準踢人架！
1) 對於以上其實佢想發漏？
2) 應該用咩方法安慰加教導佢？
3) 係咪要俾個途經佢發漏？

除此之外，佢做唔到d野都會喊(似足我細個

)
例如著唔到鞋，玩唔到件玩具(唔識玩)… 都會喊住話做唔到，我呢個阿媽最討厭佢喊，就會一路講解點整一路幫佢做埋…！我知甘樣佢唔會變得獨立，我應該點扶助佢成長呢？

心急的媽媽上。

0 0 0

私人傳訊

yw710

大宅

積分: 1976

2^#

發表於 15-8-6 14:07 |只看該作者

回覆：2歲8m仔怪脾氣如何處理？

你自己湊？多唔多時間陪佢？係咪好錫佢，甚至有少少縱佢呢？

我係工人湊阿仔，平時都唔太多時間陪佢，但佢知我好錫佢，所以佢乜都淨係扭我一個~~~

你個仔呢d情況我都成日試架，佢自己整親又好，俾人話又好，自己做唔到都好，只要我喺度，佢就發我脾氣，甚至打我~~~
如果我有朋友喺度，會叫停佢，話唔可以咁對媽媽，不過佢就會好唔順氣咁~~~
如果得我同佢，我會問佢宜家邊個唔啱先？係咪媽咪整到你？點解你要發媽咪脾氣？

到之後，我直情係佢跌親，我會等佢自己起身，唔會理佢，佢有時會即刻大叫、我無事啊!!!!!!我會答佢，我無問你有無事，我係驚你整爛個地咋~~~

至於佢做唔到嘅嘢，我宜家會試下覆氹下佢，佢做到會扮驚喜，有時候佢唔肯做，我會話，算啦，唔好做喇，你都係做唔到架喇，都係算啦，佢又會爭住去試去做~~~

男仔可能都有d脾氣，你係佢最重視嘅人，佢唔想喺你面前失敗，覺得無面，所以先會咁，慢慢同佢解釋下，搵方法教佢點去面對同嘗試，咁佢就唔會再喺咁~~~

私人傳訊

kanini

洋房

積分: 71

3^#

發表於 15-8-6 17:50 |只看該作者

回覆：yw710 的帖子

由出世開始都自己湊，多時間陪佢，我錫佢，佢都好錫我，我既中指係安全情況下咩都會俾佢嘗試去探索(佢唔係周圍琴高琴低果種),我俾佢自由度好大，因為我都唔鐘意俾人管，亦唔鐘意管人，所以算唔算縱佢呢…？

佢唔係剩係發我一個脾氣，都會向屋企既人(爸爸，嫲嫲)發洩！我都有諗過佢係怕無面，仲有咩原因呢？

係架，佢跌倒我都扮無野唔理佢都ok,但有時跌得應一應，佢就發脾氣啦…！有時會打返kick到佢既玩具黎發洩！

做唔到既野，佢真係做唔到，(我都好想叫佢唔好做罷) 我又未試過激漲法，因為覺得好似叫佢放棄甘，應該鼓勵佢先岩？

原來都有同類case,希望大家分享下，thanks!