親子旅遊

跳至

首頁
1

尾頁
   7


公爵府

積分: 28990

2021勳章


發表於 15-8-8 18:54 |顯示全部帖子
找了找BK, 好似冇乜人去台灣時會JOIN當地的夏令營, 我囡今年終於夠大(以及普通話可以最少聽得明), 於是就幫佢找下有冇夏令營可以報下, 唔係想佢學到D咩, 只係希望仍試下同不同國家/語言既小朋友相處, 將來如果時間就到, 都希望能夠一年一次~
以下呢個網站幫到我好多, 整合左2015年的各種類型既夏令營, 大家可以參考下(好多我自己睇都好想去玩!), 小學生既最多, 幼稚園生都有, 不過唔多, 要找找, 中學都有, 有興趣的明年3月打後SEND EMAIL/FB留言比舉辦機構, 問下佢地幾時有詳情/可以報名~ 同埋要問下年齡, 因為佢地係用9月黎分, 即係我地既細仔細囡, 佢地可能要學低一年級既野, 例如我囡明年暑假就升小一, 但因為係細女, 到暑假時得5歲7,8個月, 有部份課程只能報返幼稚園級既部份~
(大部份都係5月至報名, 但有D都會好早, 例如台北美國學校既SUMMER CAMP就2,3月就有)
2015兒童夏令營推薦 & 104年暑期才藝課程整理 & 暑假親子活動報馬仔

介紹完, 就講下我今次幫囡報既夏令營~
如果兒童劇團夏令營~

因為我囡仲細, 4.5歲, 適合佢年齡又夾岩時間既夏令營不多, 諗住第一次試下玩3日先, 佢OK先幫佢再報時間長D既~
今次呢個課程係3日, 每日3小時, 我報得早, 有折, 3日課程NT 3060左右, 即7百幾蚊, 不算太貴~
可惜我囡最後一日肚仔唔舒服, 冇去到上, 因為最後一日有成果表演, 不過老師平時都有幫佢地影下相同片, 父母可以係窗度裝佢地上課~
講到呢度, 的確要讚下, 佢地特別係課室與走廊的牆度整一片玻璃, 然後上課時將走廊的燈較暗D, 既可以比父母睇到仔女上課情況, 小朋友又唔會因為見到父母望住而唔專心上課~

上課情況其實就係玩, 老師會帶佢地WARM UP下, 之後玩遊戲, 做手工, 冇檯椅, 坐係地或訓係地度做, 隨你, FREE到爆, 我囡非常HIGH, 而佢一HIGH就會自己做自己鐘意既野, 唔多會理你, 不過老師會好包容, 仲會讚佢, 所以佢超鐘意老師, 仲問我幾時再見到貝貝老師!
老師好有經驗同辦法, 所有小朋友都好快投入到, 玩到好開心, 本來我女一入去時有D驚, 又要痴住我地, 一WARM UP就開始自己行出去圍係老師周圍, 中間小休時見唔到我地(我地落左樓下食早餐)佢都唔會驚, 自己同小朋友係課室跑跑跳跳~

成個課程, 如果你係要小朋友學到D知識之類既, 我諗應該冇乜(更何況我囡病左冇參加最後一日既成果發表, 我都唔知佢前2日學到D乜), 但問佢玩得開唔開心, 佢仲可以同你數佢掛住老師, 掛住同學仔, 玩左D咩咁~ D普通話都肯講多左~
我自己覺得我收貨架啦, 最緊要佢玩得開心~ 要學野可以等佢再大D先~

希望幫到大家啦~

♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


雲母殿

積分: 1348058

2021勳章 2018父親節勳章 2018母親節勳章 2018復活節勳章 開心吸收勳章 最關心BB問題熱投勳章 認識瑞士牛牛第二回 認識瑞士牛牛第一回 育兒性格勳章 我的育兒心得勳章 想生BB熱投 DHA勳章 好媽媽勳章 醒目開學勳章 畀面勳章 wyeth冷知識勳章 貢獻勳章 環保接龍勳章 親子達人勳章 hashtag影視迷勳章 15週年勳章 親子王國15週年勳章 親子王國15週年勳章


發表於 15-8-8 19:06 |顯示全部帖子
謝謝你的分享

首頁
1

尾頁

跳至