自由講場今日: 727|主題: 1350960

收藏本版

發帖

返回列表

跳至頁

查看: 631 | 回覆: 3

有啲事想請敎吓大家~~ [複製鏈接]

wmpl

大宅

積分: 3000

1^#

發表於 08-7-1 13:07 |只看該作者 |倒序瀏覽 |打印

事緣我部冷氣機舊年七月買嘅,就已經整咗同檢査咗幾次,而今次就係第五次[代理+安裝師傅],尋日下晝打嚟話星期四會送返嚟,但係尋晚十點幾又忽然話改今日下晝,咁最後決定係下午兩點~~

我尋晚同C6商量,話touchwood 如果部冷氣今次返嚟之後仲有問題嘅點解決?

佢就叫我今日唔好俾佢哋裝冷氣先,要打咗俾CS傾掂數先至好俾佢哋安裝,但係尋日我打咗成個下晝都唔通,一係通咗冇人聽,打到我電話都冇晒電,charge完電之後又已經過咗辦公時間,但係佢哋CS嘅辦時間明明係到十點,我七點幾打去都話過咗,即是我尋日乜都問唔到又傾唔到,C6知道就話我要同CS傾好晒先至俾佢哋安裝~~

不過我嘅諗法就係,除非我哋要佢哋即時同我哋換過部新機,如果唔係嘅話就今日定星期四安裝都冇分別,因為佢哋實會話就算有咩問題都要等部冷氣再出問題先至有得講,而且我知道而家部冷氣冇問題就冇任可籌碼去同佢哋講數,咁C6又話唔係而家就要佢哋幫我哋換過部新機,即是其實乜嘢都係要裝咗部機上去到再有問題先至有得講,咁樣嘅話我覺得就唔駛理佢今日定後日上嚟安裝~~

總之一有問題就唔駛再同佢哋傾,應該直接就落舖面剷佢哋,因為我覺得唔會有嘢再同佢哋傾,佢哋嗰種態度成條軟皮蛇咁,唔發火就當人病貓,仲有咩好傾?同埋到時我嘅目的就只有一個,就係一係換機一係賠錢,咁我認為要佢哋賠錢就冇咩可能架la,所以就只係諗點樣迫到佢哋肯換機?而到而家方法就只有一個,就係發爛渣~~

仲有就係我應該堅持一機換一機,即係新機唔嚟唔會俾返部舊機佢,但係C6又唔明,話如果佢哋肯換嘅但要檢査咗先得咁咪俾佢哋check 咗先換囉,我就解釋,而家唔係要佢哋check 吓部機有問題先同我哋換,而係唔駛再check 都肯定有問題,我係一定要佢哋換,係冇轉彎嘅餘地,為咗避免佢又話要 check 吓部機有冇問題先同我哋換,而事實係我一定要佢哋換,同埋為咗避免佢哋又會作幣,[原來個代理嘅師傅虛報問題報告]就一定唔可以俾佢哋攞走部機,因為都唔知佢哋會唔會又玩嘢?又唔知要驗幾耐,冇咗部機我哋又會變咗死無對証,咁我哋到時就肉硾鉆板上,又試任人魚肉~~

係應該我哋hold住部機,再去剷佢哋話最多俾一個星期嘅時間佢哋[一星期會唔會太多?]佢哋如果到第七日都唔換部新機俾我哋嘅話,我哋就會立即向消委會同香港各大小報章以致各傳媒不斷投訴到佢哋會有賠償為止~~

而我要hold住部機嘅原因之一就係如果到時佢哋話因為我哋唔肯交返俾佢check 所以就死都唔肯賠嘅話,我就再掉多一仟幾佰出嚟揾専人驗機,等佢哋冇嘢可以再同我拗,而哩筆數當然我亦都會同佢地計~~

大家話我咁樣做啱唔啱?有冇問題又或者可以改善嘅地方?