吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 時政擂台› 港日家庭看抗戰勝利70週年

時政擂台今日: 2|主題: 60301

收藏本版

發帖

返回列表

跳至頁

查看: 752 | 回覆: 24

港日家庭看抗戰勝利70週年 [複製鏈接]

lhyxxx

複式洋房

積分: 164

1^#

發表於 15-8-18 16:48 |只看該作者 |倒序瀏覽 |打印

每次講日軍侵華大家都會壁壘分明，一邊聲嘶力竭憎恨日本仔，另一邊又數大陸都有文革六四等等。我既情況可能俾大家一個新角度反思一下。
我阿爺曾為共產黨打仗，在馬來西亞、新加坡一帶以游擊隊方式抗戰，勝利後更一片丹心回祖國建設。
我外母來自長崎，原爆時她三歲，是少數倖存既原爆生還者。
我太太是日本人，已搬來香港7年，有兩個女。｛公佈結婚時我家多人反檯。｝

- 可能跟大家想象不同，我阿爺從來唔會主動講佢從軍既威水野。當時我只係靚仔一個，成日掹住佢求佢講，佢只講了一次經歷：有次佢地一隊人在草地上行軍，佢同旁邊既朋友一路跑一路傾，突然佢朋友頭部上半截唔見左，D血噴到我阿爺一臉都係。佢半秒間意識到有日軍放冷槍，立即本能伏在地上，當日雙方又打一輪才收工。我第一次聽如此赤裸裸、真實既戰場情況，與電視劇完全唔同，小小心靈都幾震撼。亦開始明白阿爺點解咁沉默，因為長期切身經歷這種慘事，就算勝利都已經係終身陰影。

- 我阿爺亦話當時美軍會用直昇機空投槍、子彈到游擊隊的山區，佢地就上山尋找。可見當時中美同一陣線，當時華人兵源多，但缺錢缺武器，美軍缺人，所以大家默契合作。

- 我外母仍健在，幸運地冇後違症，不過當時長崎、廣島死幾十萬人作為樣辦迫日軍政府投降亦係十分慘。然而，我完全唔覺我外母以至一般日本人怨恨美國，相反他們比較親近、信任美國，同時厭惡、懷疑中國的一切。我覺得原因係日本民族只會對強者臣服，而不是因為道理真誠認錯｛像德國一樣｝。而且戰後美國確幫了日本很多，很多人都懷念以往日本經濟繁榮、大陸仍然一窮二白，自覺「心涼」的昭和年代。

- 我和太太其實很少談政治，不過她會說很多香港和大陸的電影、電視都描述日本人「好衰」。佢搭地鐵上班會看日文小說，一聽到有人話日本人咩咩佢會攞份「都市日報」出來扮香港人。

- 我觀察是，其實一般日本民眾關心中日關係、抗戰歷史、釣魚臺遠比中國人少得多。一般日本媒體和戰後一代只認為日本道歉次數夠了，年年道歉就像原罪一樣，對沒參與戰爭的新一代不公平，況且戰後日本亦有大規模資助大陸建設。其實他們較關心係經濟差、內政、核電、日美關係。

- 點解日本政府始終唔可以好似德國切底認錯、並格守到底，再像一樣德國重新上路，同以往一筆勾銷呢？一係日本民族很重視面子，要政府公開示弱，下次選舉好易倒台。而且要自己一個咁「優秀」既國家向一個唔乾淨、又文化低、又俾我恰過既中國脆地係好難受。二係戰時好多政治、商界人物，佢地既後代仍大量係政商界存在揸FIT，認錯等同否定自己祖先、家族、親家、友好叔父輩... 既所作所為，換言之認錯要過好多關，難度好高。

0 0 0

私人傳訊

jonwu

男爵府

積分: 6714

2^#

發表於 15-8-18 18:32 |只看該作者

我對一般平民日本人冇敵意

但現實就係，日本島位於地震帶上，地震海嘯火山爆發頻繁，況且海島一旦被攻擊無路可退，人民安全感低 (當然這亦令他們有好強民族意識及團結精神), 自古以來日本對外侵略性很強，加上日本人 "崇拜強者，蔑視弱者" 心態 (你對佢好係冇用嘅，佢只係認為係下等人對上等人應有禮節,只有徹頭徹尾打到佢一沉不起他才會佩服你), 日本人認為他們比中國人更有資格擁有中國神州大地，雖然我呢d思想 "唔文明",但我認為日本只要有能力，佢地一定會侵略中國，所以我心底係唔想佢地富強嘅

私人傳訊

gorky

伯爵府

積分: 16167

3^#

發表於 15-8-18 19:01 |只看該作者

是的，日本侵略中國，日本人打從心底裡沒有輸給中國！

私人傳訊

freespeech

大宅

積分: 4931

4^#

發表於 15-8-18 19:23 |只看該作者

gorky 發表於 15-8-18 19:01
是的，日本侵略中國，日本人打從心底裡沒有輸給中國！

日本人覺得是輸給美國，不是輸給中國！

私人傳訊

lhyxxx

複式洋房

積分: 164

5^#

發表於 15-8-18 19:37 |只看該作者

引用：我對一般平民日本人冇敵意但現實就係，日本

原帖由 jonwu 於 15-08-18 發表
我對一般平民日本人冇敵意

但現實就係，日本島位於地震帶上，地震海嘯火山爆發頻繁，況且海島一旦被攻擊無 ...

你講得冇錯。我都覺得日本政府係臣服強者、蔑視弱者。這亦可解釋為何日本學校和職場既欺凌比較嚴重。

私人傳訊

lhyxxx

複式洋房

積分: 164

6^#

發表於 15-8-18 21:02 |只看該作者

回覆 freespeech 的帖子

我曾經參觀過靖國神社幾次。第一次係十幾年前，記得當時仍有大批右翼份子揸黑車，在門外叫囂。舊年去已經少左好多，當時有一個大型展覽，我好奇呢個右翼聖地會點描述戰敗。原來參觀到最尾，佢係將投降輕輕帶過，而且稱為"終戰"，即係與美國協議終止戰爭，從而挽救倉生咁解。整個展覽仍用"支那"稱呼中國，入侵中國稱為"支那事變"，當然亦係輕輕帶過，由於"支那"一詞戰後連美國都禁止日本官方使用，實在出乎我意料。