懷孕前後 今日: 0 | 主題: 330532

積分: 5604

好媽媽勳章

1^#

發表於 08-7-17 09:22 |只看該作者 |倒序瀏覽 |打印

六個幾月時個肚開始痕, 有少少濕疹, 點知到依家全身都係, 痕到死, 瞓瞓下都不知不覺去"r", "r"損晒, 可以點?

已經睇過三個醫生, 話係hormone影響, 只可以塗cream, 要等生先好得返

但係日日痕到坐唔安, 食唔落, 瞓唔到, 好影響情緒, 成日因為咁喊, 請問有冇人試過呀? 可以點樣舒緩下?? many thx!

0 0 0

私人傳訊

mannc

積分: 6673

好媽媽勳章

2^#

發表於 08-7-17 10:02 |只看該作者

我而家都係濕疹發作, 有左後有濕疹會發得好勁, 同你一樣損晒, 你可以試下用冰"full"下佢, 又可買一隻叫(膚潤康FUYUNHON)既潤膚膏, 都可以止下痕, 睇下得唔得, 我就ok! 真係要等生完先會好番, 冇計la, 你仲有兩個月就完呢個惡夢, 而我而家先得三個月, 有排捱

! 加油呀!

私人傳訊

Federica

複式洋房

積分: 270

3^#

發表於 08-7-17 10:02 |只看該作者

我當年係個肚先出疹好痕, 後來大腿都出到紅卜卜, 我個婦科醫生俾藥膏我搽, 但搽完都無反應。後來我忍唔住去睇皮膚科醫生, 佢話我啲疹係因為個肚大得太快, 皮膚生長速度趕不及, 肚面出現裂縫, 沐浴露中的化學物質便滲入皮膚內, 出現敏感。佢俾藥膏我搽, 及要我用無化學物質的沐浴露沖涼, 之後我就無再痕, 無咁辛苦, 但大腿上的紅印, 就要生完之後2-3個月才完全去印, (期間要好有恆心搽藥膏.)
我唔知你情況是否相同, 但最好找皮膚科醫生看, 否則會好辛苦。

私人傳訊

積分: 5604

好媽媽勳章

4^#

發表於 08-7-17 10:24 |只看該作者

mannc, Federica 唔該晒!

我個醫生開左隻 aqueous cream BP 的 cream 比我, 好潤但係唔多止痕

我今日會試下睇中醫, 如果唔得再睇皮膚科醫生, 希望有用啦

mannc, 加油呀!!!

私人傳訊

積分: 5914

好媽媽勳章

5^#

發表於 08-7-17 10:41 |只看該作者

我都係呀!!!

我而家八個月，都係之前個肚有啲痕，見好多書都話個肚開始大就會係咁，就冇理。點知呢排開始全身都痕，起哂粒粒。唔r又痕到死，r都係痕到死，好攞命!!!

我而家已經r到損哂，雖然知道啲人話愈r愈衰兼有疤痕，但係真係頂唔到!!

我喺bk搵咗好多個有關呢樣嘅topic嚟睇，so far覺得睇西醫只係畀膏你搽，治標唔治本，反而睇中醫可能有得好。所以我book咗今日去睇中醫博一博，橫掂再咁落去由朝痕到晚又冇得瞓都係死路一條。

我聽日再update你啦。

[ 本文章最後由 CheukC9 於 08-7-17 10:42 編輯 ]

私人傳訊

積分: 5914

好媽媽勳章

6^#

發表於 08-7-17 10:43 |只看該作者

catmus, 啱啱見到你最新個message。你去邊度睇中醫呀? 我都係諗住中醫唔得先睇皮膚科。

私人傳訊

積分: 5604

好媽媽勳章

7^#

發表於 08-7-17 11:05 |只看該作者

CheukC9, 我book左香港大學的中醫, 今晚會去中環睇
佢係我同事介紹的, 希望有醫啦~

今晚睇完話妳知!

不過妳唔好"r"得太厲害, 唔係好係我咁, 由一粒粒變成一撻撻, 重會損同流水, 流膿tim喎, 好痛架!!

見到自己成身冇一忽好肉, 真係超depress

係呢, 妳有冇食d涼野呀, 會唔會好d? 我依家30week 唔敢食呀

私人傳訊

積分: 5914

好媽媽勳章

8^#

發表於 08-7-17 12:07 |只看該作者

我就book咗poly嘅中醫，都係人哋介紹嘅，試吓得唔得。加上我都係poly畢業，感覺好似有安全感啲。

不過你個醫師可以喺中環睇呀? 咁又幾好喎! 因為我喺中環返工，都驚如果poly個醫師要我返去覆診會好麻煩，因為個肚都好大喇，好鬼攰。等我睇吓佢好唔好先再睇吓點。

我都知唔好r得太勁，不過忍到先得架!! 我都r到損哂喇! 沖涼時"lar"到我死!!

原文章由 catmus 於 08-7-17 11:05 發表
CheukC9, 我book左香港大學的中醫, 今晚會去中環睇
佢係我同事介紹的, 希望有醫啦~

今晚睇完話妳知!

不過妳唔好"r"得太厲害, 唔係好係我咁, 由一粒粒變成一撻撻, 重會損同流水, 流膿tim喎, 好痛架!! ...

私人傳訊

Wing_Chi

民房

積分: 84

9^#

發表於 08-7-17 13:51 |只看該作者

我好明白你既煩惱, 我都有濕疹問題. 強烈建議你去睇有口碑或相熟既中醫.

大概4個幾月時, 個肚同胸部生左好多濕疹, 痕到死, 睇婦產科醫生只俾藥膏搽, 一d效果都冇. 後來轉睇中醫話係因為腎虛濕重(果排成日落雨又潮濕)所致, 飲左幾劑茶後就無事, 至今個肚都未痕過.

到最近我又再濕疹發作, 今次淨係手同腳, 好痕好痕, 我都費事同西醫講, 直接就睇中醫. 中醫話係因為手腳的水腫嚴重, 所以引起, 只要消腫就得. 但由於我臨近生育, 好多藥都要就住就住份量, 所以好得較慢, 加上我仲返緊工, 無法改善水腫情況 (每逢放假的幾天就冇咁腫, 但返工的日子就好腫), 至今飲左七八劑茶, 都只係減輕痕癢, 未完全好返晒. 但一定比起用西醫的藥膏好.

私人傳訊

積分: 5604

好媽媽勳章

10^#

發表於 08-7-17 14:16 |只看該作者

我都好希望中醫幫到我, 依家日日痕到喊, 我老公怕我遲早抑鬱

Wing_Chi 多謝妳的建議

私人傳訊

小余

大宅

積分: 4967

11^#

發表於 08-7-17 14:57 |只看該作者

R痕要唔損，方法一:R痕時手指向手背方向R.
方法二:將手指甲剪到好貼,再用指甲鋤到鈍晒,包你無可能R得損!

MANNC,我都係大概4個多月時起疹,痕到一R就打泠震,食咗一個星期西醫開的藥,戒口(包括花膠),搽CREAM,...(好多生活習慣改變)...(之前已經在BK分享咗好多)...由大約6個月開始都OK咗好多.
所以你(&大家)都唔洗咁絶望.

加油!

私人傳訊

millerdada

複式洋房

積分: 343

12^#

發表於 08-7-17 22:52 |只看該作者

我都在7月6日起濕疹發作,那時后是30周, 初初真係痕到勁 R, 出水出血呢!
因初初都不知道怎麼辦!7月8日便開始用這方法, 現在用了這方法5天便好了, 現在給你資料參考吧!
買金銀花( 1個飯碗份量) + 5L 水煲滾 5分鐘, 再慢火 (小菊花火) 30分鐘 ! 先沖乾淨涼 (記住唔好用熱水沖涼,最好用凍水)等金銀花水微溫時用來浸濕疹的地方,(我家因沒浴缸,我是用水涌來浸手腳的) 洗時千萬不好加其他水喎,或用水沖乾淨, 是浸完用條乾毛巾印乾身 (我大約浸了10分鐘), 我沖了頭2晚

另外飲了這款湯4晚
材料是
疆 1片
豬骨 <---- 1斤
紅蘿蔔 3條
玉米 3條 <---必定要留有玉米須因是最重要份量多D 也不要緊的
意米 1碗
先把豬骨出水 , 紅蘿蔔&玉米分段,玉米須打結(或用布袋包起),然後5L 加疆煲滾,滾後放全部材料,滾40分鐘,先把浮面的渣油"片"走才再慢火3小時,
我只吃豬骨肉和玉米,其他沒吃的,因意米有些人說大肚不能吃,但我家鄉說可煲湯,但不好吃!
飲了2天后煲了一晚白連須 ,再飲了2天!
這段時間我介了 EGG (第三晚煲了白連須的EGG 我有吃) , 牛奶, 花髎 , "姑"類
好明顯地我濕疹一天比一天少, 13號已沒再出,晚上我煲了菊花茶 +片糖飲,
到今天17號都沒再出了,
因我好明白濕疹發作好慘的,我那時候R到見血才收手! 希望以上可以幫到你們啦!

^_^

私人傳訊

積分: 5914

好媽媽勳章

13^#

發表於 08-7-18 11:01 |只看該作者

catmus, 你尋日睇中醫睇成點呀?

我睇中醫，佢話係屬於過敏現象，但好難查出係對咩過敏，唯有自己食嘢小心啲。蝦、蟹、酒、芒果、榴槤、荔枝、人參、鹿茸一定唔可以食，但可以食多啲涼嘢。

醫師開咗4劑藥畀我，每日飲一劑。我尋晚臨瞓前飲咗第一劑，唔知係咪真係work，尋晚瞓覺ok喎! 只係痕醒咗兩次，r完又瞓得返，唔似之前，r足一晚瞓唔到。不過今日起身都重係痕，睇埋呢幾日睇吓點先。

私人傳訊

積分: 5604

好媽媽勳章

14^#

發表於 08-7-18 14:12 |只看該作者

CheukC9, 我個中醫話我濕熱毒, 要食四劑藥, 星期一再覆診,

佢都話要介口, 同妳果d差唔多, 重要介牛, 奶, 芝士,

不過佢唔比我食涼野, esp西瓜, 佢話香港好濕, 唔適宜食

我都係尋晚臨瞓前飲咗第一劑, 心理上好係冇之前咁痕, 雖然都痕, 但係都瞓到

我發覺開大d air con, 涼d會好d, 冇咁痕,

重有要穿透氣的衫, 我個肚有好多濕疹, 重係一撻撻果d, 中醫話因為我穿了大肚高腰under, "up"著所以發得勁d, 今日我改穿low waist, 損果幾撻真係冇咁多水流出黎

希望食完呢幾劑藥真係好d啦! 加油呀!

另外, thx millerdada, 我會試下妳個方法唔該晒

私人傳訊

阿婆

大宅

積分: 1769

15^#

發表於 08-7-18 14:37 |只看該作者

我30weeks 開始生，睇過皮膚科，中西e，d藥膏有類固醇，所以死忍爛忍都唔搽，自己又唔忍得，爪到損哂，一粒粒紅點結哂焦，又痕、再爪、又流血再結焦。最近終於要屈服响類固醇之下，不過我上網search見倒以下條方醫孕婦濕疹，即管試吓啦，點知出奇地好過我自己本身個中e果條方，夜晚唔洗痕醒！
我試咗ok，唔知你地敢唔敢試喇！

孕婦濕疹是孕育胎兒過程中，某種因素使孕婦皮膚敏感所致。以中醫學說來講，屬胚胎濕毒形成。
調理材料
　霍山石斛二錢、花旗參片二錢、麥冬三錢、天冬三錢、白芍三錢、生北三錢、雲芝三錢、浮小麥四錢、紅棗三粒、百合四錢、白蓮子四錢、桑寄生四錢、蒺藜三錢、龍眼肉四錢、葛根片五錢

做法做法
1. 準備瓦煲煎藥。
2. 洗淨藥材料。
3. 所有材料加清水六碗，慢火煎剩一碗，飯後飲服。
4. 每周三次，十次為一個療程。
功用解說
　營養孕婦皮膚、清理胎熱、安胎消疹、潤膚止癢
主治

　妊娠皮膚癢、妊娠濕疹、胎濕毒
材料功效

　霍山石斛、花旗參片、麥冬、天冬、龍眼肉：營養皮膚、滋陰止癢；白芍、蒺藜、葛根片、百合、雲芝：清理胎熱、祛濕排毒；生北、浮小麥、紅棗、白蓮子、桑寄生：安胎消疹、滋膚止癢

我so far 到依家飲咗7劑，d疹退哂，依家淨係淨番d焦，夜晚唔再痕醒，況且我見佢d藥材有安胎作用，你睇佢上面有寫各藥材主治乜野，我先夠胆試！
http://hk.knowledge.yahoo.com/question/?qid=7006050800515

我依家已經唔洗搽藥膏喇！

[ 本文章最後由阿婆於 08-7-18 14:38 編輯 ]

私人傳訊

積分: 5914

好媽媽勳章

16^#

發表於 08-7-18 15:37 |只看該作者

咦? 咁我同你個中醫都有啲出入喎。但係牛、奶、芝士好難戒啫! 同埋呢啲係對bb好架喎，尤其係奶! 我日日都飲添!!

我尋晚瞓覺都有將條褲拉到最低，我都發覺好似個肚冇咁痕呀!! 到今日返工又拉返高，啱啱又痕到癲!

原文章由 catmus 於 08-7-18 14:12 發表
CheukC9, 我個中醫話我濕熱毒, 要食四劑藥, 星期一再覆診,

佢都話要介口, 同妳果d差唔多, 重要介牛, 奶, 芝士,

不過佢唔比我食涼野, esp西瓜, 佢話香港好濕, 唔適宜食

我都係尋晚臨瞓前飲咗第一劑, 心理上好係 ...

私人傳訊

積分: 5604

好媽媽勳章

17^#

發表於 08-7-18 18:27 |只看該作者

CheukC9 試下開大d air con , 真係冇咁痕架

私人傳訊

Winnie1810

大宅

積分: 2647

18^#

發表於 08-7-18 21:41 |只看該作者

elomet cream is good, 有0.1%類固醇
我個婦科醫生開左隻藥膏我搽, 我就無再痕無印

私人傳訊