夫婦情感

跳至

首頁
12345...22

尾頁
   0


複式洋房

積分: 407


發表於 08-7-19 23:11 |顯示全部帖子
24/8朝早5:30
我尋日同囡囡返左我屋企,個囡2點幾3點醒左話要媽媽,甘我話打比媽媽好唔好呀,個囡話好,跟住我打去啦..打了3次都唔聽,唔係因為訓左係因為飲緊,其中一次聽左一兩秒好嘈....跟住我又打,佢都係唔聽,我最後唔打了....要個囡訓,到依家差不多六點我太太連電話都關掉了..都未回家.....連佢屋企人都唔知她去了邊,她真係好勁
24/8朝早8:30
我剛剛同我外母傾完電話,佢個囡仲未返,佢個囡仲send左個sms比佢(遲返唔係有罪)...我仲同外母傾左好多野,原來有好多野我外母都係唔知的.....唉佢去玩我已經唔覺有咩問題,點解個囡想搵下佢,佢都可以唔聽電話甘恨心
24/8下午4:53
哈哈...佢9點返到屋企...十點幾打比我話要聽個囡把聲,我同佢講左好多野,佢肯俾個囡又我照顧了~~不過我媽媽想我外母都在場聽到佢自己個囡答應,我仲差少少就可以同個囡生活了~~
30/8
今日接左個囡...又今日開始就又我照顧,我知日後會好辛苦,不過我唔怕,只要睇到個囡0係自己身邊長大,我已經好心足了~~件事到依家我估都到結尾了.....多謝哂大家...
2/9
囡囡開始習慣同我生活了...我朝早請返黎果位保母都好好,仲教我囡囡野,有咩會打比我同我講,到下午就又我媽媽睇住,個囡就蝦嫲嫲,今日嫲嫲仲買左個琴琴比囡囡玩,我一放工個囡就飛過黎我到抱住我...哈哈
今晚食飯既時候囡囡媽媽打黎,同個囡傾完後就同我講要聽日接個囡返去住一晚..(本身已經講好今個星期五接返去)話佢聽日放假,到第日佢返工前接返去我到...我想話不如妳明天放假過黎接佢,我放工接返佢走啦...甘我又唔洗叫個保母休息,妳第日又返工唔洗接出黎啦...我都未講佢就不停甘講我自私,我唔比佢見個囡果d,我都無甘既意思,全部佢自己諗出黎就話我係...到最後我唔同雋講收左線
之後佢打比我媽媽我家姐聽,我家姐明白我想點就同佢講,我都打比我外母我外母話明白,個小朋友剛剛習慣左,同埋叫我唔好理佢個囡講咩又得佢.....
7/9
依幾日無咩特別,日日都係放工就返屋企照顧個囡,個囡好聽話,前晚同囡囡訓囡囡仲訓0係我上面講爸爸我愛妳...開心死我
12/9
囡囡前日病左...依家無事了~~依家日日返工,放工即刻返屋企湊囡,哄佢訓..尋晚望住個囡訓~~我自己就流左眼淚出黎,囡囡甘可愛聰明,點解得唔到個好既家庭長大~~我用所有既時間照顧囡囡,我都唔覺累~~但我一諗起囡囡大d問我媽媽點解唔係同爸爸一齊既依d問題..我真係唔識答~~囡囡對唔住爸爸比唔到個完整既家庭妳
~
15~6/9
15號我同個囡同我外母飲荼,飲完茶囡囡去左婆婆家玩一陣,我就去剪頭髮,之後就同囡囡搭車去搵佢媽媽,去到佢媽媽做野間鋪到,我見到佢,佢身體差左好多~可能做野辛苦啦~
佢鋪頭有客我就同個囡行陣~等佢無客就同個囡入去,佢同個囡玩我就企0係佢鋪頭出面~~我無咩點同佢講野~到走時囡囡cry得好勁~但無辦法佢都要做野~甘我抱住囡囡走,當我搭車回家時佢send sms 比我話好唔捨得個囡~甘我心諗妳無得放假甘我就話我得閒抱佢過黎比佢睇下啦~佢話唔好佢驚個囡走時又會cry~
前我話又得佢啦~
16號今日有野搵佢商量囡囡d野~今日係我地分開後講得最多野,同埋唔係嘈交既一次
之後仲send左幾個信息比大家~
不過我地唔存有任何hope~
因為我知道佢接受唔到一個打過佢既男人,佢都唔相信我改到(不過我改時佢話我假喎),我呢~~我都接受唔到一個要去玩既太太,可能分開係一件好事~老婆妳係我一生最愛既人,hope妳日後搵到一個愛錫妳既人~個囡我會好好照顧~
26/9
今日囡囡兩歲生日~~我一早就請左假同個囡好玩..一朝早起身食完早餐就去山頂玩~~我個囡上到蠟像館開頭有d驚,之後就係甘影相..之後0係山頂行下睇下野~
夜晚就去左迪士尼...尋晚係helloween~~個囡玩得好開心一d都唔驚~~返屋企中囡囡就訓左~返到屋企就醒左..甘嫲嫲同大小姑姑就同佢唱生日歌~~食生日蛋糕~~凝凝生日快樂~~
20/10
好累好累~~好想停一下~~
努力工作為個囡~做到夜了..家人以為我去左玩~~好累了

[ 本文章最後由 kwunwa_c 於 08-10-20 22:32 編輯 ]

[ 本帖最後由 kwunwa_c 於 09-10-12 22:11 編輯 ]


水晶宮

積分: 65668

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


發表於 08-7-19 23:25 |顯示全部帖子
原文章由 kwunwa_c 於 08-7-19 23:11 發表
我同我老婆結左婚2年...我之前係一個古惑仔...當有左個囡囡之後我唔再出去
我搵左份工...一路做到依家
我好鍚佢...但係我唔鍾意佢夜晚出街玩..
佢一路都有問我可唔可以出去,我一路都唔比
我講解比佢聽,佢接受左
但係 ...


冇計!
相信你老婆仲好細,仲未玩夠!
算把啦!佢連佢媽咪講都唔聽,
睇怕都要等佢玩夠、衰過,
先知屋企好架喇!

睇黎你依家可以做,
就係努力工作,做好自己,
對個女好,等佢回頭囉!

或者呢一刻俾你派到間樓,
都係好事黎,可能代表你地仲有機會呢!
唔好放棄呀!為左個女,做好自己啦!


複式洋房

積分: 407


發表於 08-7-19 23:27 |顯示全部帖子
原文章由 babyhowie 於 08-7-19 23:25 發表


冇計!
相信你老婆仲好細,仲未玩夠!
算把啦!佢連佢媽咪講都唔聽,
睇怕都要等佢玩夠、衰過,
先知屋企好架喇!

睇黎你依家可以做,
就係努力工作,做好自己,
對個女好,等佢回頭囉!

或者呢一刻俾你派到間樓,
都係好事黎 ...

無錯我老婆得22歲...妳所講既都係我唯一可以做到既...


子爵府

積分: 12195


發表於 08-7-19 23:45 |顯示全部帖子
原文章由 kwunwa_c 於 08-7-19 23:11 發表
我同我老婆結左婚2年...我之前係一個古惑仔...當有左個囡囡之後我唔再出去
我搵左份工...一路做到依家
我好鍚佢...但係我唔鍾意佢夜晚出街玩..
佢一路都有問我可唔可以出去,我一路都唔比
我講解比佢聽,佢接受左
但係 ...


...睇完唔知說咩好..鄧你無奈~~
難得你之前係古或仔,而家修心養性...但個老婆又.....

你老婆幾年後成熟D 先識後悔....

最無辜係個小朋友.....


別墅

積分: 534


發表於 08-7-19 23:47 |顯示全部帖子
其實同年齡無關既我唸....只係佢個人既問題lo~~覺得自己仲有大把時間青春...唔甘心因為個女而冇哂玩既時間lo...根本就係唔識唸未玩夠~佢咪好似我以前隻c6咁lo...我明你感受既...你而家唔好理佢住la~努力做野照顧好個女先~你等佢撞過板就會知痛架喇~如果撞過都係咁既先再唸辦法lo(最緊要係o係你自己接受到既事情之內lo......= =)
但我唔明~佢咁鍾意玩點解當初又要生...生得就預左要照顧個bb架啦....唉


子爵府

積分: 13529


發表於 08-7-19 23:55 |顯示全部帖子
我估你老婆都係一時諗歪左姐~其實我以前都有一段時間都係好似你老婆咁..不過我無你老婆咁好釆..有咁好老公~之前我老公成日都掛住打機~~成日都唔理我同個囡~~果時我好唔開心~~就成日都去同O的FD去唱K~飲酒~!!好釆~我老公後來都收心..唔打機~後來我地先相安無事~因為我地大家都係想個家庭好!我地都係愛大家既~所以你都要加油呀~!!你唔放棄個老婆~相信你老婆都會知道既~同埋你依家要講O的利幣俾佢知~等佢知輕重~!!係咪要為左一時既玩放棄深愛佢深愛呢個家同女兒既你呢?有時O的野錯左就係錯左~無得返轉頭~!!你要俾佢知道~你係好愛佢~不過唔會無條件等佢...等佢知驚囉~!!

[ 本文章最後由 ABBC 於 08-7-19 23:58 編輯 ]


子爵府

積分: 12022

好媽媽勳章


發表於 08-7-20 00:03 |顯示全部帖子
其實每個人都想尋找自己快樂既方式...但係你老婆選擇既方法...就係同朋友飲酒傾偈...你老婆仲未玩夠...仲想要自由...小朋友係無辜...小朋友會長大...會學身邊既人同事物...



[url=http://lilypie.com][img]


複式洋房

積分: 407


發表於 08-7-20 00:09 |顯示全部帖子
原文章由 jlmaz 於 08-7-19 23:45 發表


...睇完唔知說咩好..鄧你無奈~~
難得你之前係古或仔,而家修心養性...但個老婆又.....

你老婆幾年後成熟D 先識後悔....

最無辜係個小朋友..... ...

唉....依一刻我都無話可說...我都想比個囡0係一個健健康康既家庭長大,但係依家做咩我老婆都係覺得我錯,我講咩佢都唔會聽入腦


子爵府

積分: 12890

醒目開學勳章 畀面勳章


發表於 08-7-20 00:12 |顯示全部帖子
講真人人性格唔同,係鍾意玩都無辦法...22歲其實唔算細,我都係22歲生bb,但係我好甘於做個家庭主婦,專心一意湊大囡囡!你老婆明顯係未定性,有咗個女可能湊bb壓力大,反而更加想出去玩!佢成日嚷住要離婚,我諗佢唔多唔少係唔想再被縛住!

你真係好難得,可以乖乖咁修心養性做個好爸爸,我知你已經盡力補救,無奈婚姻係雙方面,唔好太勉強,盡力做過已經好了不起!Anyway,對個女好d(雖然我都知你會),Good Luck~~


複式洋房

積分: 407


發表於 08-7-20 00:12 |顯示全部帖子
原文章由 盈盈ma 於 08-7-19 23:47 發表
其實同年齡無關既我唸....只係佢個人既問題lo~~覺得自己仲有大把時間青春...唔甘心因為個女而冇哂玩既時間lo...根本就係唔識唸未玩夠~佢咪好似我以前隻c6咁lo...我明你感受既...你而家唔好理佢住la~努力做野照顧好個 ...

佢都好錫個囡架...不過佢覺得個囡有阿媽幫手照顧...自己出去玩係無問題囉....我理唔到佢ga...我都無甘多心血俾佢激了...


複式洋房

積分: 407


發表於 08-7-20 00:14 |顯示全部帖子
原文章由 KoyeBaby 於 08-7-20 00:12 發表
講真人人性格唔同,係鍾意玩都無辦法...22歲其實唔算細,我都係22歲生bb,但係我好甘於做個家庭主婦,專心一意湊大囡囡!你老婆明顯係未定性,有咗個女可能湊bb壓力大,反而更加想出去玩!佢成日嚷住要離婚,我諗佢唔多唔少係 ...

thxthx~~~我會做返我自己應該做既野
不過依家心情好難平穩....


複式洋房

積分: 407


發表於 08-7-20 00:16 |顯示全部帖子
原文章由 onon1022 於 08-7-20 00:03 發表
其實每個人都想尋找自己快樂既方式...但係你老婆選擇既方法...就係同朋友飲酒傾偈...你老婆仲未玩夠...仲想要自由...小朋友係無辜...小朋友會長大...會學身邊既人同事物... ...

當生左個囡既時候...大家都要放棄好多自己既娛樂,時間,去照顧自己既女兒...佢想要自由,甘又何必要個囡0係身邊呢...

[ 本文章最後由 kwunwa_c 於 08-7-20 00:18 編輯 ]


洋房

積分: 297


發表於 08-7-20 00:22 |顯示全部帖子
睇完你既野,我都覺得好無奈...唔知講咩好,不過我覺得宜家最緊要係個小朋友,唔好俾佢覺得媽咪唔理佢,爸爸又唔理佢(因為你要返工,好少時間可以見佢),咁樣都會令到個小朋友心理有問題,會唔開心....你要加油呀!個女靠你喇!!


大宅

積分: 1274


發表於 08-7-20 00:45 |顯示全部帖子
冇錯22歲都唔細啦!我今年22歲個女都8個月了~我係全職照顧個女...出去玩?冇可能羅~
我見少個女一陣都心掛掛~去邊都帶住個女..可能因為餵人奶既關係~我會張最好既野比晒佢.
我奶奶叫我比佢湊我都唔濟~因為我知呀囡而家最需要既係爸爸媽媽既關懷!!

樓主睇你是位好老公好爸爸~但不要放棄!!加油~


男爵府

積分: 6485

2021勳章


發表於 08-7-20 01:03 |顯示全部帖子
其實你老婆根本仲未玩夠 , 22歲(唔細唔大) ,
識諗可以做到好好 , 但如果本身有出去玩開既習慣 , 就會覺得生完個囡之後 , 咩都冇晒 , 冇晒自由 , 冇晒朋友 , 好唔甘心。(因為我果陣都試過咁諗)
就算點講都冇用 , 呢D要自己先可以幫自己 , 外人係幫唔到架 , 而且你老婆身邊咁多酒肉朋友 , 而家再出返去玩 , 就更難要佢再安安定定留係屋企湊小朋 , 希望佢早日諗通啦 !
呢段期間 , 你做咩都冇用 , 只能夠SET條底線比自己 , 去到邊一個位停 ! 就只能靠你自己 , 祝你有個happy ending!


珍珠宮

積分: 38625

我的育兒心得勳章 好媽媽勳章 醒目開學勳章 畀面勳章 環保接龍勳章


發表於 08-7-20 01:18 |顯示全部帖子

你要加油,好好照顧囡囡


公爵府

積分: 25507


發表於 08-7-20 01:20 |顯示全部帖子
只可以講, 當初佢係因為覺得你行古惑, 覺得你威, 又同佢一齊飲酒食煙遊戲人間=好有feel. 咁啱有左, 咁唔落就係生仔結婚架啦. 到你婚後收心養性, 為左頭家改變, 但佢唔想變, 只不過係俾個bb綑綁住, 所以無得出去唧. 當有人幫到佢湊, 佢就甩身, 過番以前醉生夢死既生活.而家既你唔同左, 唔係陪佢一齊顛, 開口埋口都叫佢唔好玩, 同佢唔啱傾=無feel, 後悔結左婚, 生左個女囉.
除非佢突然玩厭, 如果唔係, 佢都係繼續會做呢d嘢, 你可以做既就係好好照顧自己同個女, 如果你愛佢既, 要用好多時間等佢改變. 如果唔想再係咁, 唯有分開喇.


別墅

積分: 537


發表於 08-7-20 01:25 |顯示全部帖子
真係唔知講乜好, 你是一個好爸爸, 但你老婆又未玩夠, 其實要你老婆自己諗通先得, 她覺得去玩係冇錯, 你講乜都冇用, 辛苦你了.


大宅

積分: 3082

好媽媽勳章


發表於 08-7-20 03:33 |顯示全部帖子
你老婆就好啦, 出去玩都唔會心掛掛,
我老公話佢聽日有同事生日叫去唱k,
佢想我一齊去, 要我放呀女去奶奶到,
我聽完都訓唔著了, 已經掛住呀女,
(其實我已經係全職揍女, 日日對都仲掛住~!!)

但係2公婆有時都要拍下拖, 增進下感情,
我都好想好似你老婆咁.......


樓主, 你老婆又真係.....
唉, 算啦, 你宜家要做ga就係做一個好爸爸, 你老婆話都無用, 呢d唔關年紀事, 要等佢自己識諗,
不如再放多d心機落個女到, 個女會知道邊個係鍚佢ga,
加油啦, 樓主......


複式洋房

積分: 399


發表於 08-7-20 06:05 |顯示全部帖子
你當時是古感仔, 你識你女朋友時, 她也不是純情少女, 這點你是知道的. 生了女兒後, 你已從良, 但你女朋仍是以前的那個她, 到現在你還不明白? 變了的人是你, 她由此至終也沒有變過, 兩個人如果不能同時去變, 只要其中一個變了, 大家都會感到辛苦.

你的變是你人生中一個好的轉變, 直得鼓勵, 但你的女友, 她也沒有錯, 因她一直以來也是一個無責任, 愛自由的年輕女生. 在我, 我只可以勸你, 同你女友分手吧, 努力去養大自己的女, 及找一個鄰家少女為妻, 過著真正做人的生活, 就當同你女友緣減吧!

首頁
12345...22

尾頁

跳至