論盡家傭

跳至

首頁
1

尾頁
   0


別墅

積分: 663


發表於 08-7-21 10:03 |顯示全部帖子
早在星期六, 各位bk長老與我遞信, 都知不可能一步過, 政府根本係度"掩耳盜鈴", 收多一把聲就一把聲, 佢地最驚根本係外傭工會, 提早八月合約開始, 對新來外傭及agent 影嚮最細!

我們個癓結是: 根本我地呢班所謂家庭月入過萬五的中產 (政府定的!), 完全生活一早出現困難, 以工資中位數而言, 一個搵萬五, 兩公婆三萬, 外傭 3580, 上唔到公屋, 要交租或供樓, 冇一萬都八千, 管理費, 差餉, 伙食, 上班交通又貴! 根本上, 冇細路已經生活艱難...

如果有細路, 上幼稚園半晝都 2000幾, 雜費未計, 有學券的還好, 一個月扣番 833, 但1500 一定要, 書簿? 若果好似我咁, 兩個孖仔, 計埋有咩要睇私家醫生 (政府咪話叫我地去輪街症? 你當我地唔駛返工嗎?), 一個月一個bb 預 600
不為過

果日我同記者們強調: 政府應該睇我地的剩餘收入(即工資撇除所有基本而必要開支), 而唔係睇我地人工幾多當了事!

你地不妨將以上的況例, 與一個拎綜援, 入住公屋免租的家庭相比, 我地的"剩餘收入"差幾遠??? 我地含辛茹苦, 用自己能力去貢獻, 服務社會! 但點解每每政府想有開徵的政策, 總要向我地呢班人開刀??

這是一個非常重要的問題, 因為政府低估我們的聲音與力量, 睇死我地性格, 環境, 不容易上街, 我地既問題唔單止係九千六蚊! 根本成個外傭制度, 就係政府犧牲我地利益, 作為佢地政治籌碼, 我地呢班人, 窮又窮唔到赤貧, 有泛民派議員支持, 富又未富到營商有自由保皇黨支持(若係有錢佬都唔會為果一萬幾千上街!), 我地兩頭唔到岸! 亦只係一盤散沙, 政府睇準呢點, 所以每逢有任何事都向我們開刀!

好似張局長呢次咁, 只係完全係一個政治show! 只係回應左傳媒及議員, 等大家有功課交, 亦妥協左外傭團體, 外傭公司的利益輸送, 偏偏漏左我地呢群, 最大班而聲音最脆弱的漏網之魚!

所以, 大家在個網度講任何事, 都係被當係度無病呻吟, 倒不如行出來! 直接爭取我們應有的權益, 好似我及眾bk 王國長老如FAFA, ELLA 佢地咁, 直接同傳媒反映我們的苦況及訴求, 這亦是一個長期的抗爭! 所以唔好氣餒, 終有一天, 我地要讓政府知道, 我地並唔係烏合之眾, 亦唔係咁好欺負!!

(在此想借機會, 多謝葉劉淑儀女仕, 我地咁人丁單薄, 而佢當日咁忙, 都抽時間幫我地, 令到咁多傳媒肯出來聽我們訴求, 另一位幕後英雄, 我果區的黃健興議員, 佢果日都應葉太出來幫手, 黃議員坐在我屋苑隔離座, 與我們也是同一階層的人, 深明我們的苦況, 亦願意用佢力量, 盡力為我們爭取!)


男爵府

積分: 6598


發表於 08-7-21 10:26 |顯示全部帖子
可唔可以叫政府解釋:點解僱員再培訓費要外傭僱主負責????????????


大宅

積分: 1964


發表於 08-7-21 10:36 |顯示全部帖子
agree... 我認為這個星期日是最好時機, 因為這個星期報紙雜誌會繼續報導此事件, 且不少外傭僱主開始也會留意他們的利益, 但如果我地放棄這個黃金機會, (趁政府做錯野), 日後再上街, 你估傳媒會理我們嗎? 沒有公眾壓力, 更枉政府會再理我們的訴求, 始終政府不想關了這條再培訓大水喉!!!!


大宅

積分: 2680


發表於 08-7-21 10:36 |顯示全部帖子
我都好想知, 有冇人識答呀!

原文章由 123BB 於 08-7-21 10:26 發表
可唔可以叫政府解釋:點解僱員再培訓費要外傭僱主負責????????????


伯爵府

積分: 16526

2021勳章


發表於 08-7-21 10:40 |顯示全部帖子
原文章由 123BB 於 08-7-21 10:26 發表
可唔可以叫政府解釋:點解僱員再培訓費要外傭僱主負責????????????


聽講好耐之前, 因為大量香港人請外傭, 令到本人鐘點和家務助理(以前都未有家務助理le個名)無得撈, 所以政府要外傭僱主俾錢政府幫香港人做培訓囉. 但係最無聊係果筆錢唔係只用在培訓家務助理, 而係d雙失青年的培訓又係果筆錢俾, 完全同家務係無關係!! 簡直不知所謂!!


大宅

積分: 1964


發表於 08-7-21 10:40 |顯示全部帖子
因為你請左一個外地工人, 即減少左一個本地工人就業機會, 所以你要比錢培訓呢班"受害者"... 商營公司請海外專材也要交類似的稅, 但公司可以在其他方面得到扣稅...

大約係咁, long story....


伯爵府

積分: 16526

2021勳章


發表於 08-7-21 10:46 |顯示全部帖子
我覺得一次梗係攪唔掂啦, 十次都無用呀, 政府咁難得開左徵款le個先例, 佢點肯收番丫!! 我地鬧極都無用.


民房

積分: 6


發表於 08-7-21 10:58 |顯示全部帖子

費用

佢地每月$3580再加$400Levy再加保險,Tickets 比佢食比佢住. Total $6000.00 per month

如果可以好似公司咁免稅就好了好!


珍珠宮

積分: 35960

畀面勳章


發表於 08-7-21 11:00 |顯示全部帖子
原文章由 miutang 於 08-7-21 10:40 發表
因為你請左一個外地工人, 即減少左一個本地工人就業機會, 所以你要比錢培訓呢班"受害者"... 商營公司請海外專材也要交類似的稅, 但公司可以在其他方面得到扣稅...

大約係咁, long story.... ...



你估我唔想請本地人咩??? 有冇本地人肯做咁長工時??? (以一個正常家庭既作息時間: mon-sat, 每日7:00am-11:00pm計)

我請個外傭真係好重皮架.....

以一個2年既約計, 唔計agent fee:
$3580 x 24 months = $85,920
2-year insurance $1,200 (roughly)
round trip air-ticket $1,600 (roughly)
levy $9,600
food + travelling 500 x 24 months = $12,000 (roughly)
TOTAL: $11,9920 (除返開2年, 平均每月: $4,996) -- 但係呢個只係約數, 仲有agent fee同埋佢d 申請費用呢, 呢d都未計.....

仲有, 佢annual leave/sick leave要搵人幫手都係要$. 如果佢做夠5年, 我連long service都要比埋佢, 條數仲come計. 萬一個工人唔生性大埋肚, 我唔炒得, 仲要"服侍"埋佢就真係.........

工人好就話姐, 佢地既質素又參差, 對僱主黎講, 真係有苦自己知!!!!!!

我又唔可以用佢既開支去扣稅, 真係好唔公平. 所以我覺得個levy好似"罰款"似d!!!! 你估我好想多個人o係屋企咩? 我比小朋友獨留家中就會犯法, 我又唔可以冇左份工 (我仲要養我父母, 佢地冇拎綜援, 又冇生果金!!!), 你教我可以點做????

各大政黨:
唔知你知唔知我地呢班所謂"中產"既辛酸!!!! 究竟政府係咪幫我地? 點解唔可以輍免levy?? 或者扣稅? 或者好似供樓咁, 有10年扣稅都好啦, 起碼細路大左, 我都唔需要用工人......

[ 本文章最後由 Teresa 於 08-7-21 11:06 編輯 ]


民房

積分: 46


發表於 08-7-21 11:00 |顯示全部帖子

Send emails again!!!!!

I've sent emails to CEO, all legislators and media again. Please see the details in subject "一人一電郵要求同時豁免現有合約的僱員再培訓徵款 ". Action. Be quick!!!!!!!


原文章由 moller_sai 於 08-7-21 10:58 發表
佢地每月$3580再加$400Levy再加保險,Tickets 比佢食比佢住. Total $6000.00 per month

如果可以好似公司咁免稅就好了好!


別墅

積分: 663


發表於 08-7-21 11:06 |顯示全部帖子

miutang, ioi 兩位了解都很正確

首先, 政府這解說完全是政府一個糖衣陷阱, 以我們認識的政府, 都會無所不用其極, 都為自己做事設立安全線..

好了, 大家比左咁多年, 但徵款基金滾存四十多億, 說明了什麼事? 司馬昭之心吧!

再者, 本地再培訓鐘點僱主都清楚, 這批人的質素, 坦白比外傭更差, 收了那麼多錢, 培訓了些什麼人出來?

既是自由市場經濟, 大家都面對生活壓力, 大家是咁高咁大的香港市民, 是否應該好好想一想, 自己不夠外傭爭的問題是什麼?

我自己試過請本地工人, 我係孖B 大家都知, 請佢時, 講明十點至七點, 返兩日工佢四點幾已想同婆婆講話返去買食送先, 七千蚊人工, 但做了七千蚊的服務嗎?

我想問大家, 我可否同老板講, 我返去買食送先, 四點幾放工? 我返九點的! 不用加班已偷笑了...!

政治永遠是黑暗, 我同意各位所講, 應該借這個時機, 星期日上街, 向政府示威, 我相信政府再在稍後再讓一步, 以緩減我們的聲音的想下我們啖氣, 下次又再來屈機!

中期一點, 真的好好把握你們立法會手上的一票, 不要為民主而"民主", 我們需要一個務實的議員, 將我們的聲音帶住議會, 誰幫到我們, 我們便應該投誰一票!


公爵府

積分: 27067

好媽媽勳章 親子達人勳章 BK Milk勳章


發表於 08-7-21 11:14 |顯示全部帖子
原文章由 ioi 於 08-7-21 10:40 發表


聽講好耐之前, 因為大量香港人請外傭, 令到本人鐘點和家務助理(以前都未有家務助理le個名)無得撈, 所以政府要外傭僱主俾錢政府幫香港人做培訓囉. 但係最無聊係果筆錢唔係只用在培訓家務助理, 而係d雙失青年的培訓 ...


未係囉, 都唔明培訓雙失青年關我乜事?! 又唔明培訓漁民又關我乜事?! dd跟本就係政府既責任, 而家就推落嚟我地呢班中產人士身上, 呢啖氣點都吞唔落…..
神未曾應許天色常藍;但衪曾應許生活有力!


別墅

積分: 663


發表於 08-7-21 11:19 |顯示全部帖子

回覆 #2 n.c.9 的文章

很欣慶終於有那麼多外傭僱主站出來!

我相信send 到ce office 已經作用不大, 內容他們看了一次便算, 但站政治角度, 外傭工會聲音與勢力非常強橫, 首先, 今次事件, 外傭工會已表示與政府約了時間, 洽談今次的影嚮..

我想問大家, 我們外傭僱主有代表, 與政治相約洽談嗎?

這已經證明, 政府重視那把聲音, 取決於該群體, 對他們有否實質壓力!

我們, 只是用email, 是無聲的抗議

但他們, 外傭團體, 一個不對便聯合星期日上街, 你們班姐姐放假都係出去見鄉里, 去遊行也好, 行街也好, 坐在中環野餐亦好, 只是一樣...

但他們去遊行, 大規模遊行, 這給政府壓力, 比全港一人send 一封email 大... 因為email 是沒統計數字, 但遊行一定有!!

政府一個不小心, 還弄出一個外交風波... 所以我們仍只用email, 未免太過薄弱了..

這亦是我們另一良機, 現國家攪奧運如火如荼, 北大人下達一切要穩定為上, 如現在不上街, 何時才去?

再加上九月立法會, 各政黨爭取支持, 很多候選人都樂意在這時候攪攪政治show, 以增強自己政治籌碼!

我們繼外傭稅完全退回已簽約的僱主外, 應該再想一想, 是否要再為我們的公平公義再下一城, 爭取獨立外傭條例!!

良機一逝, 大家以後行事便"事倍功半"了!


伯爵府

積分: 16526

2021勳章


發表於 08-7-21 11:33 |顯示全部帖子
外傭有組織工會, 咁唔知我地外傭僱主又可唔可以成立一個法例認可的組織呢? 咁樣我地就可以集合更多力量, 保衛我地嘅利益.


別墅

積分: 663


發表於 08-7-21 11:40 |顯示全部帖子

回覆 #1 ioi 的文章

好似ella 都提過有, 你成日見到被人訪問的羅軍典先生, 佢都好積極參予呢方面事務, 但聽過果邊要交會費, 我唔知我地同佢地今次能否有合作的空間?


大宅

積分: 1964


發表於 08-7-21 11:50 |顯示全部帖子
這裏我們都係睇亞fa, 同winnie呢班人做頭, 如果佢地今次搞, 我會响應 (上次星期六上午的時間實在不夠"利民便民")..... 你話有無機會呢?


別墅

積分: 663


發表於 08-7-21 11:58 |顯示全部帖子

回覆 #1 miutang 的文章

我在這裡一段時間, 都知我們的怨氣也不少, 我也是以FAFA 她們做頭, 我想得到的得益, 與大家一樣, 只是為自己與家人, 爭取平等的對待:

1. 何解我們要負責再培訓徵款?
2. 何解外傭會比本地勞工更具優厚的待遇及保障?

外傭的作用, 是幫助我們家務, 我們不是用她們為我們直接賺錢, 所以條例冇可能與一般用勞工營商看齊!

外傭有工會, 商人有商會, 但我們實在太薄弱, 也難怪政府事事向我們開刀, 亦不屑直接回應我們問題...

我相信這星期日是一個好時機, 亦相信FAFA 佢地做緊野, 我很希望大家可以用行動去支持他們, 也是支持自己, 支持你關愛的家人!

否則... 終有一天, 我們家人會受害...

首頁
1

尾頁

跳至