吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 啱啱漏夜叫左工人走, 好嬲~

論盡家傭今日: 0|主題: 134045

收藏本版

發帖

返回列表

跳至頁

查看: 4474 | 回覆: 37

啱啱漏夜叫左工人走, 好嬲~ [複製鏈接]

bebesilver

複式洋房

積分: 433

1^#

發表於 08-7-22 02:18 |只看該作者 |倒序瀏覽 |打印

話說我呢個姐姐, 在港4年, +完埋我呢份約就已經第6年, 本來佢今個月26日就會返印尼, 唔再續約, 一心諗住好頭好尾送佢走啦, 點知條友仔今晚又發癲, 故事如下:

mouth:mouth:" />

咁我同個仔換片時整濕左張床,

重發現佢冇照平時咁舖張孕婦床墊响床單下面, 咁張床褥就己經濕哂, 經己好心急, 咁就過隔離房拿床墊啦, 問佢放左去邊, 佢訓响床掛住講電話, 懶啋我老公, 我老公問佢, 你冇舖到墊咩, 佢話有啊, 咁都算..

跟住問佢床墊同放左响邊, 佢就九唔搭八, 跟住我老公出左佢房繼續搵時, 佢條8婆就扔張床墊出來地下,

然後閂門, 我老公咪話佢你明知我搵緊, 你做咩扔出來, 佢跟住話咁你而家要唔要吖?我當時抱住個仔, 我就加把咀, 姐姐. 你唔可以咁講嘢! 然後我老公就同佢講, 咁好, 你都唔想做咁你而家走, 姐姐就話好啊, 走咪走, 咁佢就立即執野, 速度快到15分鐘內出得門口果隻.

咁我地咪打比個agent囉, 打左3個字, 終於找到個agent, 咪同佢講唔好意思了, 半夜要你接番個工人, 我地而家帶佢返黎, 個agent當然110萬個唔願意, 又話仲有几日, 又話而家咁夜....
呢個姐姐一出門口, 飛快咁搭(車立)落樓, 9秒9自己飛上的士, 仲要我老公另一架的士追住佢, (大佬, 我要押佢返agent度, 唔係比佢放假, 呢几日佢有咩事, 我重要揹飛) 原來佢諗住去差館喎(agent講番出黎, 仲話我地唔比佢放假果d冇補$比佢)
當我老公離開時, 我就打比agent同住講唔好意思外, 仲問下有冇d工人咁冇禮貌, 咁唔識尊重人, 比你你工人扔响地下比你, 仲問你咁你要唔要丫, 你會奌啊?仲講埋以下几單case.

查實事件己經好几次, 有一次我老公夜左叫佢晾衫, 佢就扮聽唔見, 咁我老公仲問佢, 姐姐你唔係同我景衫咩? 佢仲當佢透明, 繼續訓响床講電話, 咁我老公咪自己景囉, 我跟住行入佢房, 望下佢, 佢就話你掛响度先, 我陣間同你晾出去, 都唔係話幫我地晾添.我都算

咁另一次, 我老公返屋企發覺屋內反鎖左, 咁咪襟鐘叫佢開門囉, 佢就走黎門口話, 你自己冇帶鎖匙咩, 我老公話: 唔係冇帶, 係你反鎖左, 佢話你自己開, 我唔得閒, 我老公咪話, 你開門啦, 你反鎖左我點開啊. 終於搞左一輪, 姐姐開門了, 仲要話, 唔係我鎖架喎, 係你個仔鎖架, 我老公就話, 個仔得十几個月大, 點鎖度門啊, 呢條姐姐跟住就行左去. 我事後又冇再問佢

又話說上個月, 當我老公打算同佢訂機票時, 同佢訂左耶加達航空啦, 點知佢話, 我唔呢間架, 我要搭國泰, 咁我地話, 下你唔搭呢間啊, 佢話, 我一早同agent講左架啦, 我唔會坐呢間架, 咁我話你唔會想同多d同鄉坐咩, 佢話, 其他人鐘意唔代表我鐘意, 我問人買囉, 你地一係咪補錢比我囉, 總之我唔會坐其他航空公司, 咁好, 我地又買左國泰比佢. 我自問對佢几好, 見佢話走, 要返去生bb, 我仲買野比佢同bb, 食咩都預佢一份. 又叫佢日後大肚要點, 仲諗去送佢機, 佢每朝出去拿送(我奶奶買送的), 都要個几鐘, 我又冇講過咩, 我諗住交得個仔比佢, 咪信佢多d, 對佢好d, 但倒頭來都要不歡而散.............唔知點講, 總之心中有團火~

[ 本文章最後由 bebesilver 於 08-7-22 02:31 編輯 ]

0 0 0

私人傳訊

bebesilver

複式洋房

積分: 433

2^#

發表於 08-7-22 02:20 |只看該作者

查實另一方面我仲打算申請個菲傭, 家陣咁, 嬲嬲地, 不如留番响屋企自已湊仔, 好過求人咁

私人傳訊

mylulu007

伯爵府

積分: 15536

3^#

發表於 08-7-22 02:47 |只看該作者

你個工人一早博炒, 佢一定會玩野.

私人傳訊

bb012506

大宅

積分: 2641

4^#

發表於 08-7-22 07:27 |只看該作者

我唸你可以準備好D文件，等佢玩野屈你呢樣那樣啦！

私人傳訊

wlai888

大宅

積分: 1246

5^#

發表於 08-7-22 09:59 |只看該作者

佢個款,好似一定會玩野添...........

私人傳訊

小BMumMum

複式洋房

積分: 426

6^#

發表於 08-7-22 10:06 |只看該作者

良心當狗肺

我之前都咁對我工人，唸住佢離鄉別井，我對佢好，佢就對阿B好，但完全錯囉！佢只會变本加厲，對你態度越來越差，我之前就因為見佢開始冇禮貌，又駁咀，開始懷疑佢平日屋企得佢同阿B時會有幾懶，所以响廳放咗個防盗錄影，點知你就驚。

我影度屋企有人佢就靜靜雞Send SMS，我個仔坐係佢大脾，面向佢，但係佢完全唔扶吓阿B(6 months only)，突然阿B坐唔穩，向後瞓低，嚇死我，

雖然冇趺落地，但就繼續倒吊住個頭幾分鐘。(事後我比醫生睇，醫生話太危險，等同虐兒，BB可能頸骨有事導致永久傷殘或失救死亡)

第二次(即錄影第二日)，屋企人
出咗街一個鐘，佢又邊講電話邊餵奶，咁我個仔就冇心機食啦！點知佢傾傾吓電話突然勁大聲鬧阿B，嚇到阿B即刻大喊，佢仲用毛巾打我個仔塊面。

同一個鐘內發生，個衰嘢放低阿B係car sit，自己唔知死去邊，咁阿B玩咗一陣冇人陪就喊，但佢都唔睇吓阿B，之後阿B越喊越可憐，喊到不停流淚，隻衰嘢先肯返出廳，但仲要發脾氣大力踢阿B啲玩具，唔抱佢，之後佢先行埋Car sit，跟住用手指彈左阿B個咀兩吓，再就咁拉住阿B手腕，成個人拉起先抱。

我之後報警啲警察仲話阿B冇表面傷，工人可以話係同阿B玩吓，唔會拉佢，仲要我自己帶佢去警署落口供，你話係咪白交差响吖？

而家又比外傭稅煩死，本應我新請個工人今日攞visa，而家ageny話visa己經出咗，唔知可唔可以改，如果改到就要等8月佢先到，仲有十日阿B又要揾人湊，真係煩死。

所以請新工人記住佢做錯嘢一定要鬧，唔係對佢唔好，係要佢知錯，吓吓隱氣吞聲佢就變本加厲，激死我哋班顧主。

私人傳訊

Sumyeema1

象牙宮

積分: 223661

2024年龍年勳章

7^#

發表於 08-7-22 10:07 |只看該作者

回覆 #1 bebesilver 的文章

please release this bad maid's name. her attitude is totally unacceptable.

私人傳訊

AndyRain

男爵府

積分: 8001

醒目開學勳章

8^#

發表於 08-7-22 10:10 |只看該作者

嘩, 你個工人衰到咁架, 掉D野係地下叫你地去JUP....... 不知所謂, 難為你仲諗住送佢去機場TIM呀!!! 真係好人無好報呀!!

私人傳訊

chandancy

禁止訪問

積分: 230

9^#

發表於 08-7-22 10:17 |只看該作者

提示: 作者被禁止或刪除內容自動屏蔽

私人傳訊

Elefant老婆

珍珠宮

積分: 37317

好媽媽勳章醒目開學勳章畀面勳章

10^#

發表於 08-7-22 10:27 |只看該作者

你個工人好離譜。你咁都可以忍咁耐。

私人傳訊

Wongpuinok

大宅

積分: 1586

11^#

發表於 08-7-22 10:31 |只看該作者

原文章由 bebesilver 於 08-7-22 02:18 發表
話說我呢個姐姐, 在港4年, +完埋我呢份約就已經第6年, 本來佢今個月26日就會返印尼, 唔再續約, 一心諗住好頭好尾送佢走啦, 點知條友仔今晚又發癲, 故事如下:mouth:mouth:" />

咁我同個仔換片時整濕左張 ...

May I knew what's her name ?

My big daughter (Tavy) : 2003-09-24 (3.14 kg)
My second son (Nok Nok) : 2007-07-25 (3.56 kg)
My third son (Yu Yu) : 2008-08-21 (3.46 kg)

私人傳訊

hkaa

伯爵府

積分: 15080

12^#

發表於 08-7-22 10:40 |只看該作者

直話直說，你的工人態度是你有份「培養」出來的，我自己約一個星期跟工人談談她的表現，先讚後彈，並要求改善，態度要堅定，但是不用罵。如有任何問題，會先讓自己冷靜下來，然後跟她說她的問題和我的感受，讓她知道我的要求。

私人傳訊

小BMumMum

複式洋房

積分: 426

13^#

發表於 08-7-22 11:07 |只看該作者

原文章由 hkaa 於 08-7-22 10:40 發表
直話直說，你的工人態度是你有份「培養」出來的，我自己約一個星期跟工人談談她的表現，先讚後彈，並要求改善，態度要堅定，但是不用罵。如有任何問題，會先讓自己冷靜下來，然後跟她說她的問題和我的感受，讓她知道我的要求。 ...

我之前都係同你一樣用呢種方法，見佢不断改善，仲會讚佢改善咗，以為ok，但係原來只係佢哋嘅策略，係你面前表現得好好，其實係背後好不滿，因我之前錄影到佢傾電話，聽到佢用埋
廣東話學我/我老公同佢講嘢，然後就大笑，之後雖然佢用返鄉下話講，但你睇得出佢表情好衰，仲揾我個仔發脾氣，但係我面前對我個仔超好，有時好似佢比我仲錫佢，仲細心。:;pppp:

所以千祈唔好相信啲工人，最後都激死自己。