婆媳關係今日: 1|主題: 27745

收藏本版

發帖

返回列表

跳至頁

查看: 2539 | 回覆: 34

99，可以放過我嗎？（比較長） [複製鏈接]

BabyFungT

男爵府

積分: 7599

1^#

發表於 15-10-21 10:24 |只看該作者 |倒序瀏覽 |打印

都知生完bb婆媳關係會有變，我亦係一樣。
我一直同99關係都係淡如水，我心唔like但表面都恭敬，皆因你係我老公阿媽，無你無佢。同埋無咩利益衝突，無嘢煩到佢。老公一直唔係得寵嗰個，99只當佢提款機，不斷攞錢嚟貼個大。我心雖然唔順氣，但又可以點。

我剛剛生咗bb，仔，99一知係仔已暗笑（我99唔會太表露的）。陀第4個月時，私下問我老公叫佢比個
仔佢湊，擺喺佢度，好彩因為老公都唔agree 99湊b模式（99湊緊大哥個女，寵爆咗），加上我之前已經同老公商量好請姐姐+我媽媽嚟幫手（我媽媽一個人，可以嚟我屋企專心幫我。但99要湊大孫女，基本上分唔到身）所以老公直接拒絕咗99，而之後我番親99家，佢都黑我面。係之後我陀第6個月老公先同我講番話99開過口。其實呢件事之後，我更加認定99真係小人（其實之前好多事已經知佢係）99，你認為你個仔可以自己揸主意決定俾唔俾你湊？我個個星期都要番嚟同你食飯嗰時你唔問？要私下問架咩？

跟著，又係私下order老公一定要擺百日宴，一家要請邊啲邊啲人，要威要show off嘛。好，你擺囉，我女家一個人都唔會嚟架。當然我個理由好充分，女家無人擺開滿月百日，所以好難請人嚟，我媽媽都係咁同老公講，我舅父做2任爺爺都無擺，佢做婆婆唔擺喇。最後女家自己人食滿月，佢哋做百日，我只負責交人同事但搵酒樓（呢點我認我衰，因為99你又要威又要擺，但錢佢唔會比）

口講好關心，實際只係show off，每日關心我個仔夠唔夠飽夠唔夠奶（我係餵人奶），佢係唔高興，但又如何？我餵咩我決定。有一日，我可能太大壓力，6299佢哋上嚟我屋企講唔知咩要錫住佢個孫，我突然衝口而出講（個仔我辛苦生佢出嚟，我唔會虐待佢囉），跟住99黑面望我。
咁耐以嚟上過嚟3次，我當然高興啦，最好再小啲，唔上我都唔介意，但上親嚟都唔比時間，尋日老公問99幾點嚟，我聽住老公問咗10次，99都唔答，最後老公發脾氣先攞到個時間（但我剛知，佢哋唔係呢個時間囉，因為叔仔女朋友搵我，話xx點同99嚟，但99明明尋日講yy點）
大佬呀，我24小時ready咩？我要泵奶架，你上嚟唔係自己一個喎，係全家有男有女喎，我洗唔洗打大對奶出嚟招呼你哋呀？你個孫十幾日人仔渣，我都要抖架。

我陀b已經從來無旨意你整嘢我食，當然，事實亦無啦…一星期番去食一次飯，煲嘅湯唔啱我飲。不過，99都會燉下（肉水）比我飲嘅，點解我叫（肉水）唔叫（肉汁）？因為佢用$20蚊瘦肉加4-5碗水去燉，出嚟啲（肉水）只係比水有味。我自己係用$30蚊加半碗水燉，嗰啲先叫（肉汁）。老公有次見到都話點解啲顏色唔同我燉嗰啲，我事後先同老公講番成本同材料分別。但99好識做比老公睇，所以成本低又有嘢睇（成個燉盅一盅滿嘅肉水都係我飲架）
到我生完b，嚟醫院都係燉（肉水）俾我......我媽媽見到佢盅（稀釋咗嘅肉水），又見到我個樣，趁99走咗就問我不如比老公飲，我飲佢啲湯。我當然say yes...我同媽媽講，我生之前99都係比（肉水）我飲，媽媽好心痛。不過好彩我自己識煲同媽媽都有煲比我。

當然，最令99懷恨在心嘅係，我收番條屋企鎖匙。因為工人姐姐嚟，唔夠鎖匙，我就叫老公問佢攞，話第時24小時有人啦，唔使驚無門口入。當晚（交匙）嗰時塊面黑過鑊撈。梗係黑啦，個孫仔婆婆湊，佢無得湊無得show off 。鎖匙都無埋要襟門鐘無面，重點婆婆有鎖匙及喺度住，失威。

99呀99，其實你量力而為啦，就算我肯俾個仔你湊你都湊唔掂。大孫女你要湊番學放學，仲要湊過夜（無錯，係過夜，因為大嫂唔會帶個女番屋企瞓，一星期7日都喺99屋企，大嫂放工番99度食埋飯睇埋功課就自己走）加上我62年紀大又暈過2次，你都要照顧佢啦～我點會比個仔你湊呢～睇開啲啦

0 0 1

私人傳訊

333s

象牙宮

積分: 223536

2^#

發表於 15-10-21 10:49 |只看該作者

如果99識上网, 她該不會想湊吧.

真的有那么多 99 想湊?

大家都不好受. 婆媳都難受....

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊

yisu

男爵府

積分: 8667

認識瑞士牛牛第二回認識瑞士牛牛第一回

3^#

發表於 15-10-21 11:07 |只看該作者

回覆 BabyFungT 的帖子

生仔3個，我三個B出世到現在加埋踏入我屋只有2次，全程幫囡湊仔囡，食住全包，奶粉尿片所有全包，還要養埋女婿，女婿當佢地老馮，還可以在家說開家庭會議，懶睬佢，另一個囡我生第一個時話我你生仔又唔係我媽生，你唔好煩到佢阿媽，現在佢生左10個月， 99在她夫家日夜湊……家庭事太覆集了，唯有自己錫自己多D，保重！