自由講場

跳至

首頁

尾頁
   0


男爵府

積分: 5419


發表於 08-7-25 00:20 |顯示全部帖子
個女4歲平時都好乖...我d野佢都唔敢搞 係佢3歲前已經鬧過打過
罰過佢企樓梯...所以到有細妹都有搞不過都好少
呢兩日都唔知佢病後發瘟定點...仲之令到我好激心!!!

琴日人地打電話黎佢吵住晒跟住幫我攞餸入廚房打爛雞蛋仲用掃把掃之後攞廁紙玩又倒(寫)水...做錯咁多野我打都係打佢手板每隻手一下跟住同佢講 你咁唔乖媽媽會好唔開心 點解要逼我打你!
跟住佢同我講對唔住話以後唔敢唔再激媽媽!咁我都唔再嬲!

不過今日晏晝又發作 個段時間係5點幾...我氹細佬訓覺~
無啦啦攞細佬d奶粉黎食又倒到一地都係~
佢未試過攞細妹d奶粉黎食過~
細佬d奶粉佢竟然攞黎食仲要倒到一地都係~3點先食完野咋~
我問過佢係咪好肚餓~佢話想食
我話你肚餓想食野應該同媽媽講唔應該攞細佬d奶粉食~
佢話知道以後唔敢...
到食飯個陣食食下攞條抹檯布我知佢想抹飯粒驚佢掃晒落地
都同佢講唔好將飯粒掃落地~佢照掃可也~我都無打無鬧只話左佢幾句...
無幾耐又將我d麵攞去浸水我真係好嬲叫左佢企樓梯~
點知佢企都仲可以上上落落咁玩得不六樂乎咁~
我(慶)到火都黎一隻拖左佢上天台推左佢出去仲鎖門2個字後衰心軟放左佢
叫佢落返黎洗臉~
點知佢洗完個瞼好認真咁同我講對唔住我唔敢架喇~我真係唔敢架喇~對唔住媽咪你唔嬲我啦!
我同佢講媽媽唔想咁對你~你咁唔忝媽媽好唔開心同好嬲而且媽媽咁對完你之後唔心痛狄 講講下自己都忍唔住攬住佢喊話媽媽真係唔想咁對你~你乖d啦!
佢話~我知道啦!媽咪!

[ 本文章最後由 [email protected][email protected] 於 08-7-26 16:37 編輯 ]
]http://www.baby-kingdom.com/static/image/smiley/comcom/30.gif[/img]


男爵府

積分: 9244


發表於 08-7-25 00:27 |顯示全部帖子
我覺得佢係特登做D 野出來引你注意LAW....
可能你始終要照顧三個小朋友, 而佢又最大, 佢覺得你分比佢既時間少, 故此出此下策.....


珊瑚宮

積分: 104725


發表於 08-7-25 00:31 |顯示全部帖子
原文章由 [email protected][email protected] 於 08-7-25 00:20 發表
個女4歲平時都好乖...我d野佢都唔敢搞 係佢3歲前已經鬧過打過
罰過佢企樓梯...所以到有細妹都有搞不過都好少
呢兩日都唔知佢病後發瘟定點...仲之令到我好激心!!!

琴日人地打電話黎佢吵住晒跟住幫我攞餸入 ...

個人意見,唔啱唔好話我

佢點唔乖都好,唔好鎖佢係一個地方,
我屋企3個衰野,都好唔乖,但我從無鎖過佢地呀,
零願自己行入房,停一停自己d火先,
再出去同佢戰鬥過呀mouth:


禁止訪問

積分: 12681


發表於 08-7-25 00:32 |顯示全部帖子
提示: 作者被禁止或刪除 內容自動屏蔽


禁止訪問

積分: 46216


發表於 08-7-25 00:33 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


禁止訪問

積分: 1593


發表於 08-7-25 00:42 |顯示全部帖子
提示: 作者被禁止或刪除 內容自動屏蔽


大宅

積分: 2837


發表於 08-7-25 00:45 |顯示全部帖子
原文章由 bonbonyy 於 08-7-25 00:27 發表
我覺得佢係特登做D 野出來引你注意LAW....
可能你始終要照顧三個小朋友, 而佢又最大, 佢覺得你分比佢既時間少, 故此出此下策.....


同意!
不過3個小朋友各有所須
要做到一視同仁好難.....

明白要照顧三個小朋友已經好辛苦(淨計起居飲食,未計其他)
有人幫忙的話試下放下責任,心情會暫且放鬆

努力呀!


子爵府

積分: 13113


發表於 08-7-25 00:48 |顯示全部帖子
原文章由 [email protected][email protected] 於 08-7-25 00:20 發表
個女4歲平時都好乖...我d野佢都唔敢搞 係佢3歲前已經鬧過打過
罰過佢企樓梯...所以到有細妹都有搞不過都好少
呢兩日都唔知佢病後發瘟定點...仲之令到我好激心!!!

琴日人地打電話黎佢吵住晒跟住幫我攞餸入 ...


我2個囡(7歲, 8歲)呢排放暑假, 佢2個日日就不分日夜, 車輪讚咁激我, 但我就平心靜氣, 唔好嬲, 慢慢黎, 慢慢教, 反而佢地仲乖咗!!!
可能你個囡都係想引你注意呢!


珊瑚宮

積分: 104725


發表於 08-7-25 00:55 |顯示全部帖子
原文章由 manyyman 於 08-7-25 00:42 發表
講開好唔好鎖小朋友, 我妹夫係兒童心理學專家,
e+o係半政府既機構做, 佢成日都話如果小朋友曳
話唔聽都唔好打, 最好比佢o係一間房度冷靜下, 所以
我覺得樓主做得啱, 一來可以比佢冷靜下諗下自己有咩
唔啱, 二來樓主 ...

唔講又講呀 其實我都學過下,要佢地冷靜下,
不過多數只係佢地大喊GE情況先用,
同埋所謂冷靜,都係要佢係我視線望到GE地方,
而家個D人話要比佢地去一間房度冷靜,
不過我發現,原來我去冷靜先會仲有效呀



同埋,4歲我知要教,但係去到樓主個天台(我唔知安唔安全)
但係你LOCK門,如果大吉個句,個鎖壞左,
阿囡就唔知10分鐘,可能要好長時間,到時阿囡一定怕呀
:-( :-( :-( :-(

我超同意你話我地細個仲曳


珍珠宮

積分: 38461

2019新春慶豚圓 我的育兒心得勳章 好媽媽勳章 醒目開學勳章 畀面勳章 環保接龍勳章


發表於 08-7-25 00:55 |顯示全部帖子
唉....小朋友總有唔乖既時候
佢4歲人仔,唔知咩係危險
你丟佢出天台一個人,如果有咩意外
你就一世內疚,後悔莫及了


大宅

積分: 4077

好媽媽勳章


發表於 08-7-25 00:58 |顯示全部帖子
樓主,我完全明白你感受,因為我都係一個人照顧三個小朋友,分別係六歲,兩歲十個月同埋十個月大,我都試過打完大女,再同佢解釋返點解要打佢時,我都係度勁喊,我都同你一樣,會好心痛好肉赤!
我大女好乖,平時只會坐係度睇電視或者睇書,但就好少幫我手做野,你叫佢咩,都會當聽唔到,完全唔理我,返而我二女就成日都幫我做野,但係就異常曳,成日都搞野又咬人,真係打又打過,罰又罰過,你叫佢唔好掂,佢就偏偏要掂,仲明知做左出黎會俾人打俾人鬧都一樣照做,我曾經問過二女點解要咁做,佢既答案我諗好多媽咪都會知道,就係想我注意佢,佢話媽咪只係理細佬b唔理我,所以我就唯有話俾佢知,想要我注意,唔須要做曳野,只要乖同聽話,媽咪就會好注意你,仲會讚你添,自從我咁同佢講之後,佢就好左好多,雖然都仲有曳,但都好左,以前我亦會經常打佢地,因為有時氣上心頭,真係好難控制,但而家我就好少打,返而會罰多左,例如罰坐係廁所,唔俾睇電視,搞野就坐定半小時唔俾落地玩,所以樓主你或者都可以試下我既方法,一黎唔使成日打佢地,打到自己心都赤埋,二黎又可以訓練下佢地既耐性同自律性,幾work架!

原文章由 [email protected][email protected] 於 08-7-25 00:20 發表
個女4歲平時都好乖...我d野佢都唔敢搞 係佢3歲前已經鬧過打過
罰過佢企樓梯...所以到有細妹都有搞不過都好少
呢兩日都唔知佢病後發瘟定點...仲之令到我好激心!!!

琴日人地打電話黎佢吵住晒跟住幫我攞餸入 ...
歡迎大家參觀"李家的牧場物語"李家牧場,有隻好勤力賺錢既大老鼠,一隻兇惡既大白兔,一隻成日俾大白兔鬧既馬女,一隻入左金霸王電芯既雞女,而家多左隻豬仔添呀∼


公爵府

積分: 29909

2020勳章 2019新春慶豚圓


發表於 08-7-25 03:49 |顯示全部帖子
大人都覺得唔搞野既細路仔就最乖
其實佢只得 4歲, 悶就會搞野, 唔通坐係度唔郁就叫乖?

我都明要揍 3個既辛苦, 但鎖佢係天台真係好危險.

[ 本文章最後由 [email protected] 於 08-7-25 03:55 編輯 ]


大宅

積分: 3359


發表於 08-7-25 08:49 |顯示全部帖子
我都好明白樓主你,湊住呢d小朋友真係睇少1秒鐘都不能夠,不過唔好將佢鎖在露台啦,好慘架,我以前都成日比阿媽鎖在露台架!


男爵府

積分: 9199

2019新春慶豚圓


發表於 08-7-25 11:02 |顯示全部帖子
佢只不過對落有兩個細佬妹
要做大家姐之嘛
4歲人仔
你要佢幾乖呀?


子爵府

積分: 14035


發表於 08-7-25 11:58 |顯示全部帖子
我絕對同意呀.4歲可以做到D咩呢..
岩岩升K2到..點可以用大人既角度去睇小朋友既野呀
佢地仲咪識分咩係岩定唔岩呀
可能個小朋友做咁多野出黎想引人注意
因為佢覺得媽咪比人分攤左...
媽咪D時間要哂黎照顧D細佬妹
無時間理佢..
最重要既係..一定唔可以鎖佢係天台..
(TOUCH WOOD講句如果發生咩意外..你點喊都喊唔返)
原文章由 honglong 於 08-7-25 11:02 發表
佢只不過對落有兩個細佬妹
要做大家姐之嘛
4歲人仔
你要佢幾乖呀?


水晶宮

積分: 52216

2020勳章 熱血金章 至尊種植勳章 畀面勳章 2011精緻種植勳章 大廚勳章 BK Milk勳章


發表於 08-7-25 12:05 |顯示全部帖子
下次千祈唔好鎖天台, 唔知D 小朋友會否想離開而爬落街...跌死......


伯爵府

積分: 16276


發表於 08-7-25 12:12 |顯示全部帖子
樓主
我都知湊3個真係好辛苦的,我都有3個小朋友,由其事最辛苦係暑假,佢地係屋企的時間多咗,發生的事情亦都多咗.

其實你個小朋友的行為都唔算係曳啦,食飯食到成枱都係,呢D都係少事來的,個小朋友想幫你手拎嘢入廚房,佢都係想幫你,讚都來唔切啦,只不過佢真係細個.

其實D小朋友真係好想幫大人做嘢,來得到讚賞的,但由於佢地細個,通常都做得唔好,到頭來可能會換來比人鬧.

其實做媽媽想發火的時候,停一停,我通常就會走入廚房飲啖水,之後就會發覺好少事來的.

你咁做法真係好危險的,萬一佢出咗事,真係後悔莫及呀.

原文章由 [email protected][email protected] 於 08-7-25 00:20 發表
個女4歲平時都好乖...我d野佢都唔敢搞 係佢3歲前已經鬧過打過
罰過佢企樓梯...所以到有細妹都有搞不過都好少
呢兩日都唔知佢病後發瘟定點...仲之令到我好激心!!!

琴日人地打電話黎佢吵住晒跟住幫我攞餸入 ...
http://hk.myblog.yahoo.com/handmadeson


大宅

積分: 2076


發表於 08-7-25 12:36 |顯示全部帖子
以下係個人意見,唔啱聽唔好炳喎.唔該..

個大女只得4歲,只係一個剛懂事的小朋友,好似有個媽咪講4歲妳想佢有幾乖?湊3個都咁細係比較辛苦但唔好諗住佢係大女會明白妳嘅辛苦同感受,記住佢只得4歲咋.我大女5歲幾,我生咗個細女,佢都成 日做d唔乖嘅行為出嚟,係sofa張個人倒轉個頭凌空吊住/放d指入口/搞住妹妹支奶想飲/做每樣嘢都會叫我"媽咪妳睇下我"佢明知會比人閙都做,目的係想個媽咪注意番佢多d.

妳以前只係得佢一個,後來多個妹以經比小咗時間佢,之後又多個細佬,由佢嘅行為好明顯係想妳注意佢多d,佢唔乖妳都要諗下佢點解咁,我個大女而家好多時都係咁,我每晚限定比番30分鍾至一個小時專係陪佢囓,可能妳咁忙,無咁多時間,但可以有15-30分鐘比佢,我相信佢都會好開心知道媽咪唔會因為有咗細佬/妹就唔得閒理佢.
記住唔好再趕佢去天,好hurt佢架,而且亦好危險的

謝謝閱讀...


超級版主

積分: 159233

2020勳章 2019新春慶豚圓 畀面勳章 好媽媽勳章 醒目開學勳章 超級版主 2011精緻種植勳章 環保接龍勳章 大廚勳章 BK猜猜猜慶中秋 BK Milk勳章 夏天玩到顛


發表於 08-7-25 12:41 |顯示全部帖子
我都係咁架, 罰佢坐, 面壁思過lor! 坐一個鐘你都唔駛擔心危險, 又唔會心痛

你又可以專心做其他野

有時小朋友係咁架啦, arm arm睇緊本書, 叫"當個不再發怒的媽媽", 入面有d野講得幾arm的--原來大人同小朋友鬧左一大餐, 事後根本想唔起自己鬧過d咩, 原來小朋友attention seeking, 入黎騷擾5,6,7,8次, 自己根本呼"蜆"緊小朋友無用心聽佢講過一句說話(所以佢繼續入黎攪亂)
有時唔好睇少positive reinforcement, 我仔都係勁曳的, 成日挑戰大人極限, 有時我發現, 原來讚下佢, 俾d甜頭佢, 比起打一身更能令佢上心, 佢會覺得自己好醒, 走黎"邀功"的, 記得又讚下佢, 有用架!
努力努力~~
原文章由 小巫女女 於 08-7-25 12:58 AM 發表
但而家我就好少打,返而會罰多左,例如罰坐係廁所,唔俾睇電視,搞野就坐定半小時唔俾落地玩,所以樓主你或者都可以試下我既方法,一黎唔使成日打佢地,打到自己心都赤埋,二黎又可以訓練下佢地既耐性同自律性,幾work架!


子爵府

積分: 13466

2020勳章 2019新春慶豚圓 好媽媽勳章 醒目開學勳章


發表於 08-7-25 12:42 |顯示全部帖子
樓主唔好激氣啦,我個仔同你個女一樣,4歲半,都係成日激都我死死下,我前幾日先買既洗頭水,佢琴日成樽同我倒落廁所,問佢點解倒左D洗頭水?佢就話要個樽來玩水,仲教我點玩
倒奶粉落地佢都做過,我問佢點解要倒出來,係唔係肚餓?佢話唔係喔,想試下D奶粉係乜味姐
我估細路仔做野應該係唔經大腦,想做就去做

首頁

尾頁

跳至