自由講場

跳至

首頁
1

尾頁
   0


大宅

積分: 1936


發表於 08-7-28 11:01 |顯示全部帖子
囝囝 2歲人仔, 好多野都一知半解, 佢一歲左右, 朝早我地返工, 都會同佢講: mami/daddy 返工工, bye bye, 今晚見啦。佢都會鍚啖我地 & say goodbye

今日佢一見我換晒衫, 佢好失望咁講: mami 返工工, 跟住我解釋佢聽: 係呀, mami 返工工呀, 如果唔係無 mon mon (money) 帶你去街街, 搭車車, 食飯吖麻

跟住我出門口, 都唔肯鍚我, 只係俾我鍚佢 (好過無)

見到個仔咁, 真係唔開心呀, 囝囝~~mami 都好想陪住你, 但生活迫人呢~~

你地既小朋友會唔會咁架



珍珠宮

積分: 38391


發表於 08-7-28 13:12 |顯示全部帖子
我個仔細時都係咁,果時仲要成日OT,結果,點知返到家,個仔發怒,打我,後來我辭職囉。

其實我都好想搵下錢,但為左個仔…


大宅

積分: 2022


發表於 08-7-28 13:23 |顯示全部帖子
我囝囝都係咁樣, 我每日都係要湊囝囝去婆婆到, 跟住返工, 囝囝知道, 我拖住佢出門口, 都就會話媽媽唔好返工, 唔去婆婆到, 好辛苦先氹到佢行去坐車, 一去到婆婆門口, 又嚟喊, 喊住話媽媽唔好返工陪樂樂丫 , 見到佢咁樣真係想唔返工, 旦又得呢 , 佢會到差唔多我放工返到去既時候, 佢一定企係門口等我架 一開門就攬到實一實話媽媽唔好再返工 日日都係咁, 見到真係好傷心


伯爵府

積分: 16247

好媽媽勳章


發表於 08-7-28 13:25 |顯示全部帖子
我好好彩, 兩個小朋友都無.
大囡四歲幾, 佢已經好識諗, 知我地係去搵錢, 夜晚放工回家, 見到我個樣好累咁, 佢都會主動同我揼骨, 仲話我好辛苦搵錢....
細囝20個月, 平時係育嬰院照顧, 每朝我送左佢返學, 佢眼尾都唔望下我咁, 就入左學校裡玩..... 不過, 當我放工返來時, 佢都會好興奮咁叫我.


大宅

積分: 1824


發表於 08-7-28 13:28 |顯示全部帖子
我個仔係0605bb, 係比99湊, 但每晚我都會返去食飯至11:00, 但一講到話媽媽要返工工 就即刻攞鞋跟我走, 我唔比, 他就喊, 唯有同他講要返工工揾錢錢先可以買玩具玩, 其實都無計架...鬼叫窮咩...久而久之阿仔現在都開始明白, 無再喊, 十次只喊一兩次左右啫..可以接受....香港生活就是咁迫人啦....


大宅

積分: 1854


發表於 08-7-28 13:54 |顯示全部帖子
我個囡e 排成日話mami 唔好返工, 但係爸爸返工, 佢就會話 bye-bye 小心揸車


大宅

積分: 1328


發表於 08-7-28 14:16 |顯示全部帖子
原文章由 平安 於 08-7-28 11:01 發表
囝囝 2歲人仔, 好多野都一知半解, 佢一歲左右, 朝早我地返工, 都會同佢講: mami/daddy 返工工, bye bye, 今晚見啦。佢都會鍚啖我地 & say goodbye

今日佢一見我換晒衫, 佢好失望咁講: mami 返工工, 跟住我解釋佢聽: ...

我細女又係呀. 佢兩歲兩個月人仔, 日日我返工,佢都唔俾, 係咁叫媽咪. 我已經日日一放工就返屋企喇, 不過佢都仲係咁樣.
應該大少少就會好啲既, 因為我大女(五歲)就好識野, 好開心同我地講拜拜.
再等下喇, 佢地好快大架.
至愛巧沛B既 Blog : http://hk.myblog.yahoo.com/kitqinghypy-happyhome


珍珠宮

積分: 41995


發表於 08-7-28 14:18 |顯示全部帖子
阿女都係咁, 有時係門口都要攪一陣先走得, 唯有放假陪她多些.


男爵府

積分: 6608


發表於 08-7-28 14:41 |顯示全部帖子
我仔, 2歲幾, 都係咁, 日日都叫我唔好返工。我同佢講要返工先有錢, 先可以帶佢去玩, 仲衰, 佢話佢唔食野, 唔去冒險樂園, 唔買玩具, 剩係要媽媽。

而家我嘗試令佢明白, 返工, 係爸爸媽媽既責任, 每個人都需要工作的, 正如佢要返學一樣。


珍珠宮

積分: 46435

牛年勳章 2021勳章 好媽媽勳章 醒目開學勳章 畀面勳章


發表於 08-7-28 14:50 |顯示全部帖子
我覺得呢個係一個好好既時機比機會小朋友面對逆境, 等佢唔好以為凡事都係理所當然, 咩都要大人就哂佢, 由細個培養, 慢慢大個面對逆境都會好容易handle~


寶石宮

積分: 415535

2018父親節勳章 2018母親節勳章 2018復活節勳章 15週年勳章 親子王國15週年勳章 親子王國15週年勳章 畀面勳章 BK猜猜猜慶中秋 BK Milk勳章 hashtag影視迷勳章 最關心BB問題熱投勳章 美好大世界2017勳章 開心吸收勳章


發表於 08-7-28 14:54 |顯示全部帖子
盡可能搵兼職多時間在家


大宅

積分: 3008


發表於 08-7-28 15:16 |顯示全部帖子
我囝囝都算OK既,可能佢而家要番學有左寄託…以前湊去俾褓姆EE都OK,1星期都係1-2次喊,而家佢番學同我一齊出門口,送左佢上車,就番工,佢仲會同我講…媽咪番工我番學…放學見啦…係有時星期六日會話…媽咪聽日駛唔駛番學…係唔係都話今日係星期五,聽日唔洗番學啦


禁止訪問

積分: 8013


發表於 08-7-28 15:26 |顯示全部帖子
提示: 作者被禁止或刪除 內容自動屏蔽


珍珠宮

積分: 35353


發表於 08-7-28 15:53 |顯示全部帖子
我個女唔會因為我要返工而喊...因為佢一滿月就放咗係育嬰院到湊到而家返幼兒班!
好好過每一天......

首頁
1

尾頁

跳至