阿 B 出世個幾月，奶奶成日搶住抱阿 B，我都明白第一粒孫， 99 通常都係咁，我抱住阿 B 好地地餵緊奶，佢都搶黎抱。
阿 B扭計喊眼訓，佢就成日塞個奶咀入口，阿 B都擰哂頭唔想要，佢就係咁隊入去阿 B 個咀迫佢食，好多次都睇唔過眼，要出聲制止佢「阿 B 唔想食，你唔好迫佢要，唔好俾慣佢食」，咁樣佢先肯停手。不過下次阿 B 又扭個時，佢又再塞過。
最頂唔順的就係，佢一抱起阿 B 就對住佢念埋 d 佛號咩「南無地蔵王菩薩」係咁念十幾廿分鐘。又同周圍的人講阿 B 最鍾意聽佢念佛號，一念佛號就唔喊喎！ 係鬼咩，幾次阿 B 扭計扭到飛起，念佢所謂的萬能佛號都唔掂就俾番阿 B 我地氹。
我放完產假，阿 B 就要比 99 湊，到時阿 B 就要俾佢荼毒喇，最驚阿 B 開始學講野學哂唔好的野，各位 JM 有冇咩辦法可以阻止佢呀？
發表於 
真係寧願請工人湊! 我好接受唔到咁迷信嘅人湊我個b
返回列表
