吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 想呻下........

婆媳關係今日: 3|主題: 27758

收藏本版

發帖

返回列表

跳至頁

查看: 1765 | 回覆: 32

想呻下........ [複製鏈接]

史迪媽

大宅

積分: 3357

1^#

發表於 15-11-14 18:01 |只看該作者 |倒序瀏覽 |打印

長篇.....
事緣一年前老公細佬結婚，佢外母要好多酒席禮金，超出預算，結果我同老公借左7萬左右俾佢；之後以為無事啦，誰知佢地結婚一年後，叔仔打黎求救，原來個婚禮超晒支，但叔仔又唔想妯娌擔心，當時佢一個人簽卡、借錢，妯娌完全唔知情，結果我同老公又借左幾萬蚊俾叔仔還錢。為左佢地呢個婚禮，我同老公都應該借左10萬蚊俾叔仔

中間佢地去旅行渡蜜月叔仔都同我地借過錢周轉，都算啦，幾千蚊我地豪得起；
另外妯娌嘅細佬轉行做保險，佢兩個又幫佢買保險，唉，見到呢度我心真係唔高興，講真，錢都未還你就又旅行又買保險，好明顯唔識理財啦！

我同自己講，借左出去嘅錢當潑左出去嘅水唔會收得返，幸好叔仔都算生性，個個月都還。咁諗住收得幾多得幾多啦。

誰知，妯娌最近大肚喇，即係要養多個；我聽完真係好沮喪，佢兩個財政獨立，妯娌份糧自己洗兼儲錢買樓，佢地屋企開支都係叔仔份糧出，叔仔要還錢+養家其實所剩無幾，我都唔知佢點養多個，亦唔知叔仔會唔會坦白同佢老婆講其實佢（地）爭緊我地錢......

沮喪在於，我估bb出世後，叔仔都未必有能力還錢；同埋妯娌真係好幸福完全唔知欠債嘅事，叔仔成日話佢老婆好容易就擔心，唔想佢老婆唔開心所以唔講住；咁點解我同老公就要承受叔仔理財不善嘅後果.......？
雖然我同老公都有共識，唔會再借錢，因為我地都有我地嘅計劃，唔可以無止境咁幫
不過，而家妯娌啱啱有左未穩定，我估叔仔更加唔會講，佢繼續萬千寵愛在一身，而我同老公只能夠繼續承受.....
呻完，不喜勿插，多謝收看

0 1 0

私人傳訊

cream090909

侯爵府

積分: 21319

我的育兒心得勳章

2^#

發表於 15-11-14 18:06 |只看該作者

回覆：想呻下........

我好明，我兩公婆都節衣縮食，就因為c6呀哥賭輸哂比人追數要借比佢，唔還仲要溫女去旅行一句唔該都無，隻99仲要講句兄弟嚟點解計！真係痴x線！

私人傳訊

ac321

侯爵府

積分: 24705

好媽媽勳章

3^#

發表於 15-11-14 18:15 |只看該作者

引用：長篇.....事緣一年前老公細佬結婚，佢外母

原帖由 史迪媽 於 15-11-14 發表
長篇.....
事緣一年前老公細佬結婚，佢外母要好多酒席禮金，超出預算，結果我同老公借左7萬左右俾佢；之後 ...

好老實，如果兄弟姐妹要借救命錢(如醫疾、治療），幾十萬我都會借！
但，如果要借我錢去威(做生意、结婚、擺酒、生仔、去旅行、買樓、買股、買車），我一毫子都吾會借比佢！

私人傳訊

irisleung888

別墅

積分: 838

4^#

發表於 15-11-14 18:20 |只看該作者

回覆：想呻下........

一於唔好再借! 而家話剛有bb, 第時生左出黎又話無錢買補品坐月，無錢擺滿月酒，無錢買奶粉尿片……呢個系無底深墰，你兩個帮得幾多? 除非你系李首富啦! 叔仔系時候要學識長大，學識理財! 都就快做老豆啦！要識得量入而出……你地好心做壞事，帮佢反而累左佢!

同埋佢唔想老婆擔心，米靠自己努力搵錢囉! 揾得小就使小d啦!