今日六點去到柴灣興民邨間7-11,前面已經有個大嬸排第一，我排第二，
大嬸話要每款買兩個，然後7-11個店員阿姐自己要一個，
然後7-11入面個店員預告佢地個間既貨
有大口仔4隻，雙子星4隻，小童雙子星2隻=共10隻。
排隊途中黎左第三第四個人排隊，然後排第一個阿嬸好心叫佢地去東區醫隊個間7-11買會可能有，
因為依間7-11已經會無晒雙子星。
(以雙子星成人八達來說，興民共有4隻，店員要1隻，排第一大嬸要2隻，我要1隻。)
7點開賣，7-11個店員取貨開賣，
但唔知點解得個貨量唔岩數 (只有3隻大口仔，1隻雙子星，1隻小童雙子星)
之後店員再係個櫃搵到一袋有人預先包好既八達通，入面有2隻大口仔，2隻雙子星，
最重要係個袋入面有舊錢。
跟住排第一個阿嬸問店員"呢袋係咪留俾我?"
但店員話"唔知係咪留阿邊個留左俾其他人"。(阿邊個是指其他7-11店員)
最後，排第一阿嬸買左2隻大口，1隻雙子，店員自己要1隻。
其實應該仲有雙子星，但我懷疑店員偷偷地留左俾其他客，於是就同我講無晒雙子星。
結果排左一個鐘，得個吉。
另外，其實12月1號我朋友已經講網上流傳某D 7-11已經偷跑賣緊，有無搞錯？
我係油塘MTR問，佢地堅持今日7點開賣。
但去到黃大仙沙田坳邨樓下個間個男店員已經賣緊，只剩2隻大口，1隻兒童。
1)會唔會見過有人排隊買野只係排第一買到，其餘得個吉？明知到貨少又唔限制購買量，助長炒風。
2)店員自己留俾自己，自動成為炒家賺一筆，玩X晒。
3)身為服務業，應以顧客為先，貨量少，係咪應該先售顧客再留自己？
但我個個案完X全相反。
4)原來同7-11店員打好關係可以留貨＋預支，然後因為接班既店員搞唔清楚留貨事件，
仲要欺騙顧客話無晒，但實際係偷偷留返幾件俾個留貨既客。
5)本來話有10隻，包括：4隻大口仔，4雙子星，2隻小童雙子星。仲好心叫排第3第4個人去第二間買。
但排第2（我）會有1隻所以繼續排，點X知開賣之後貨極少，加上上面各點原因，完全誤報實情，
令顧客白白喪失換購幾會。
跟住打去八達通公司投訴，佢地叫我去網上買，九點會開始(個陣九點幾)。
於是我即刻邊講邊上網禁，佢地個網已經跪底左。
最後只有留電話，會跟進。。。
再打去7-11投訴，2299 1110 投訴熱線成十點都無人聽。
結局我無奈行返屋企個陣撞到排第4個個女士，佢話順利買到。。。。
根本有無搞Ｘ錯。
發表於 
[img]
要成4百幾蚊
crazy
, 我自己就唔敢再買咁多啦, 留返啲比人買啦
返回列表
