吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 今日工人同我講咗好多陪月啲衰嘢...

論盡家傭今日: 0|主題: 134038

收藏本版

發帖

返回列表

跳至頁

查看: 1007 | 回覆: 7

今日工人同我講咗好多陪月啲衰嘢... [複製鏈接]

CheukC9

男爵府

積分: 5910

好媽媽勳章

1^#

發表於 08-9-6 19:42 |只看該作者 |倒序瀏覽 |打印

之前我都覺得個陪月ok，但係第二個禮拜開始就發覺佢冇乜耐性。平時佢喺度加埋工人，我日頭就會喺房瞓多啲，可能佢今日都以為我瞓咗，到我出去睇bb時，竟然發現佢坐喺我工人張床瞓著咗!! 佢聽到我入嚟先成個彈起，然後扮冇嘢收工。

之後我問返個工人佢點解畀個陪月喺佢張床休息，我工人話佢都唔想不過唔知點阻止佢 (因為我工人係賓講英文，而個陪月係唔識講英文嘅，佢哋平時都係少少雞同鴨講估估吓咁)。我話咁你點解唔同我講，個工人話個陪月係我哋請嘅佢唔好意思出聲。我話佢係我哋請但唔代表佢做乜都得做乜都啱，張床係你嘅佢唔應該坐，佢可以坐第二度。跟住同個工人講講吓，佢先愈講愈多個陪月啲衰嘢我聽。

原來個陪月平時喺我同我老公面前就做一套，背後又係另一套。佢餵阿b食奶，因為我阿b食得慢，次次都食成個鐘，佢就用個奶咀係咁隊阿b，又好大力敲個奶樽嚇到阿b成個紮醒 (我阿b食親奶都瞓)。同阿b換片又冇沒整濕塊棉花，乾睜睜去抹阿b個pat pat，抹到成個咕咕都係棉花痴住，之後就話係我工人做嘅。 (我工人話佢雖然唔識聽，但係佢大概估到陪月喺我哋面前賴佢，而事實上個陪月真係有咁講過)阿b食完奶就即刻同佢換片，結果阿b嘔奶嘔到喺鼻度噴出嚟，又冇同我講。(事實之後我又真係發現佢換片成日叫我工人幫手托住阿b個頭)

個工人講嘅嘢，有啲我都有留意到，有啲就冇。而家我都半信半疑，唔知應該信邊個?? 之前我老公發現阿b個pat pat有忽損咗，個陪月話係個工人，工人就乜都冇講過。我今日再提返呢件事，佢話佢當時知道好驚，但係佢乜都唔講好過，因為佢覺得佢會係the one to blame。

我又覺得個工人唔似講大話。但係我又唔可以信哂佢片面之辭。如果你係我，你覺得應該點做好呢????

0 0 0

私人傳訊

flyingmom

大宅

積分: 2652

2^#

發表於 08-9-6 21:54 |只看該作者

最好自己監察下因為陪月/家務助理/工人一樣有好有唔好!唸下如果無陪月妳个工人可唔可以handle?工人最少跟兩年俾啲信心佢話阿mum trust佢多啲

私人傳訊

fion2504

大宅

積分: 4007

3^#

發表於 08-9-6 22:54 |只看該作者

如果你自己都留意到少少, 咁工人未必係講大話, 因為我之前都請過一個好不知所謂的陪月. 你個陪月, 連就起碼餵奶前先換片都無做, 改為餵完換當然唔好啦. 不過如果bb鍾意食食下奶訓覺, 佢地一般做法都係敲個奶樽叫醒佢, 攪下佢條頸,面,同nose咁.

如果現在咁, 你唯有一係自己成日突擊去檢查陪月同叫工人如果見佢咁要立即去幫手, 因為陪月只係一個月, 最後都係工人去照顧bb的, 所以兩個都有責任. 我當然請到個衰陪月, 真係無乜點休息, 仲成鬼日要丙佢才得. 我想早d炒佢, 但老公話都只係請一個月, 唔好炒人咁慘喎...留佢係到煮飯都好, 所以最慘都係做媽咪的.

原文章由 CheukC9 於 08-9-6 19:42 發表
之前我都覺得個陪月ok，但係第二個禮拜開始就發覺佢冇乜耐性。平時佢喺度加埋工人，我日頭就會喺房瞓多啲，可能佢今日都以為我瞓咗，到我出去睇bb時，竟然發現佢坐喺我工人張床瞓著咗!! 佢聽到我入嚟先成個彈起，然後扮冇嘢收工 ...

小叭係06年12月5日出世時重3.23kgs,1個月4.55kgs,2個月6.40kgs,3個月7.72kgs,4個月8.20kgs,5個月8.80kgs, 6個月10.00kgs, 7個月9.55kgs, 8個月10.00kgs, 9個月10.16kgs, 10個月10.45kgs, 11個月10.91kgs
(4個月第一次反身, 5個月坐, 8個半月爬, 9個半月出牙(上面兩只),10個月出牙(上面兩只)12個月7只牙, 11.81 kgs

細叭係09年1月26日出世, 體重6磅半.
4個半月轉身, 5個月識坐, 7個半月出第一只牙(下面)

私人傳訊

wlai888

大宅

積分: 1246

4^#

發表於 08-9-6 23:08 |只看該作者

原文章由 fion2504 於 08-9-6 22:54 發表
如果你自己都留意到少少, 咁工人未必係講大話, 因為我之前都請過一個好不知所謂的陪月. 你個陪月, 連就起碼餵奶前先換片都無做, 改為餵完換當然唔好啦. 不過如果bb鍾意食食下奶訓覺, 佢地一般做法都係敲個奶樽叫醒佢 ...

成皮幾野都禁攪.....唔係嘛???

我個陪月都成萬三蚊呀........

私人傳訊

味兒

大宅

積分: 2749

5^#

發表於 08-9-7 02:12 |只看該作者

樓主咁你自己咪要醒d lor 唔好成日訓每日問清楚bb幾點食奶之後睇返d時間睇下佢係咪咁如果bb仲食緊奶你就問下個陪月幫bb換左片未如果佢話換左你咪檢查下 bb係咪真係換左lor 再唔係咪數下垃圾筒有幾多條片又或者bb一飲奶同換片咪叫賓賓叫你 lor 靜靜雞睇下個衰陪月係咪咁衰lor 如果係我我會出聲鬧佢我又唔係請佢做長工最衰就係個d成日以為自己生過幾個就用自己個套去湊 new b 似老賣老你要同佢講你做得我陪月就要照你個套去做唔好自把自為再唔係叫佢 88 只係訓教都巳經炒得佢la 早d講我幫你陪月la 我休左成3個月依家先剛剛返新工早知上黎搵下有無外快 la

等你唔駛咁慘呀我生大b時無用工人同陪月到我0605生左細b 幾大都用呀不過坐月時換左3個工人所以我好明白你依家心情咁攪我個b 就一定叫佢88

[ 本文章最後由味兒於 08-9-7 02:16 編輯 ]

bb 5月出世la http:///album.php?op=album&mid=184776&folderid=1653864&u=0]入黎睇下la

私人傳訊

CheukC9

男爵府

積分: 5910

好媽媽勳章

6^#

發表於 08-9-7 13:38 |只看該作者

我就係因為咁所以最近都冇得瞓呀!! 我已經不時出去睇吓，之不過佢知我出去就梗係唔會喺我面前咁做啦!! 所以我工人講嘅嘢我都只係留意到一少部份，其他唔係佢講我都唔知呀!! 所以我又唔可以肯定我工人有冇作大囉! 咁先慘。

我已經不時check吓架喇! 但係有時啲嘢好難check架嘛! 好似個工人話個陪月用奶樽隊我個仔咁，我喺佢面前睇佢就梗係唔係咁啦!! 同cam又睇唔清楚。我只係知道我冇出去睇嘅時候，佢通常就好快餵哂支奶嘅 (因為我阿b食奶好慢，成日食成粒鐘)。即係舉例，1點開始食，如果我喺房，半個鐘後出去就會見到佢餵哂，但係如果我一路喺出面佢就可能會餵一個鐘。所以我都覺得有啲唔妥，但係我又搵唔到證據。

同埋，就算我真係信個工人，咁你哋係我會點做? 炒咗個陪月? 最弊係我個工人又未上哂手 (湊b)，我又冇屋企人幫到手，冇陪月真係好唔掂。同佢公司講換人? 咁即係攤牌囉喎!! 我又驚之後我阿b喺佢哋手上，佢哋都唔知會點對佢呀!!

原文章由味兒於 08-9-7 02:12 發表
樓主咁你自己咪要醒d lor 唔好成日訓每日問清楚bb幾點食奶之後睇返d時間睇下佢係咪咁如果bb仲食緊奶你就問下個陪月幫bb換左片未如果佢話換左你咪檢查下 bb係咪真係換左lor 再唔係咪數下垃圾筒有幾多條片又 ...

私人傳訊

2heiBBmama

公爵府

積分: 27067

好媽媽勳章親子達人勳章 BK Milk勳章

7^#

發表於 08-9-7 14:20 |只看該作者

而家我唔會選擇信邊個, 我會先炒陪月先, 因為你已親眼見到佢係工人床樹瞓覺, 其它邊個岩邊個錯都好, 陪月錯先, 拎願換個陪月先, 至於食奶前應該先換片, DD簡單常識陪月都唔識, 你仲留佢嚟做乜?!
不過BB食奶食得慢, 我2個B都係, 1粒鐘成日都係, 我會一直餵奶見到BB就瞓, 會整醒佢, 會整敲奶樽, 攪BB耳仔, 若果BB都瞓, 我會同BB掃風先, D奶食咁耐都凍, 我會拎去坐暖先, 咁bb都無咁易嘔奶...

神未曾應許天色常藍;但衪曾應許生活有力!