吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 娛樂專題：胡鴻鈞「被整容」搜證平反

自由講場今日: 1780|主題: 1332129

收藏本版

發帖

返回列表

跳至頁

查看: 5013 | 回覆: 66

娛樂專題：胡鴻鈞「被整容」搜證平反 [複製鏈接]

12 3 4

mickeyeva

瑪瑙宮

積分: 134931

2025勳章 2025勳章蛇年勳章 2024年龍年勳章 2023年兔年勳章虎到金來勳章畀面勳章環保接龍勳章親子達人勳章 BK Milk勳章

1^#

發表於 16-1-11 23:37 |只看該作者 |倒序瀏覽 |打印

嗰樣真係有唔同, 削骨還父

【on.cc東網專訊】哪吒「削骨還父」本是一則可歌可泣的神話故事，惟近年成為胡鴻鈞（Hubert）被瘋狂抽水的一句網絡潮語。他被傳削腮骨，由方形面進化至V 煞面，更被大批網民聲討圍攻。

禍不及家人！眼見牽連父母捲入這場「削骨還父之亂」，Hubert 接受本報專訪時決定還自己一個清白，誓神劈願提出三大力證否認整容，再反擊一眾口痕友：「始終香港人怨氣較重，有憎人富貴厭人窮嘅心態⋯⋯為咗令成件事有說服力，可能有人Photoshop過我啲相都唔出奇！」

「V」面成箭靶

在這個充斥是非的娛樂圈，不時有女藝人被質疑僭建、整容，近年這片「被整容潮」更蔓延至男藝人身上，當中最多矛頭指向的必屬胡鴻鈞，其「削面風波」該由2010年參加《超級巨聲2》講起，雖然情節不及哪吒削骨還父般孝感動天，但每字每句亦有苦有淚……

當年二十出頭的Hubert微胖、面方，外形與一般大學生無異，他參加《巨聲2》不敵林欣彤，屈居亞軍。後來翻唱《化蝶》為人熟悉，負面新面亦接踵而來，網民翻炒他的比賽照作對比，指他動刀做削面手術令腮骨消失，由「方塊酥」突變「刀削面」。Hubert起初對整容新聞一笑置之，還向朋友自幽一默：「第一次睇到呢啲新聞唔會唔開心，仲會將段新聞影畀朋友睇，除非畀人話整容失敗啫，正常畀人話整容都係話靚咗。識我耐啲嘅朋友都話唔覺我有變化，但少見嘅朋友都會懷疑，問我係咪真係有整，我都會答：『咪玩啦，點會呀！』」

殊不知整容傳聞愈演愈烈，有網民發起聲討行動，在Hubert的社交網作洗版式攻擊，留言清一色是「削骨還父胡鴻鈞」：「網上畀人攻擊後開始覺得困擾，會唔開心，點解要講到咁肉酸？話埋我屋企人，網上世界就係咁，毋須為自己嘅言論負責，始終香港人怨氣較重，有憎人富貴厭人窮嘅心態，惟有做好自己囉！雖然爹哋媽咪冇唔開心，但反而擔心我承受唔到壓力，我哋有拎件事出嚟講，佢哋都話係班網民食飽飯冇嘢做啫。」

疑有人執過相

當時網上瘋傳一張Hubert「方面VS尖面」的對比圖，Hubert質疑有人對其相片做過手腳：「開頭睇我都覺得好大分別，可能有人Photoshop過！有摷番以前啲相睇，分別都冇嗰兩張相咁大，可能有人想令成件事有說服力啲，執過相都唔出奇！」無端與「削骨」扯上關係，Hubert索性在網上搜集資料，提供三大證據力證「純天然」：「畀人話削骨喎！當然要上網Search吓係咩一回事啦！削骨手術喺整容入面係大手術，至少要休養幾個月，但我Keep住見人喎，從來冇消失幾個月，如果真係整容都要抖吓啩？其次，我見香港根本就冇得做削骨手術，最近都要去台灣做，閒閒哋都要成幾十萬台幣，我邊有咁多錢做呀？根本講唔通！」

對得人、拜得神的Hubert拒認整容，強調初出道時體重高達150磅，其後努力跑步減肥，成功踢走20磅脂肪，加上長期做Facial才令輪廓突出。但說到底，這一行始終是靠樣搵食，他坦言不排除整容：「呢一刻冇諗過，以後嘅嘢我唔可以排除，如果真係咁後生就整容打針，唔通打幾十年咩？我賣點係歌聲，唔係賣靚仔！」

緋聞男女通殺

除了捲入整容風波，Hubert出道以來亦備受緋聞困擾，最離奇的是「男女通殺」，緋聞對象包括林欣彤、吳若希（Jinny）、鍾欣潼（阿嬌），還有……張敬軒：「我一向好欣賞軒仔，本身唔認識佢本人，點知有次去睇佢音樂劇，朋友帶我入後台同佢Say個Hi，原來軒仔有留意我《巨聲2》嘅表現，當時我膽粗粗同佢合照，之後提出咗更過分嘅要求，就係抄佢牌，點知佢又肯喎，最後大家有WhatsApp聯絡，分享吓音樂，慢慢愈傾愈深入，佢有分享啲入行經歷我聽咁囉！」

這段粉絲邂逅偶像的故事最後演變成「HeHe緋聞」，Hubert沒好氣地說：「真係摸不着頭腦，希望軒仔唔會介意啦，緋聞男友都唔應該同我傳啦，我就冇所謂，明白呢行運作，當係則新聞睇囉，絕對冇影響我哋嘅友情，由細到大都未被人誤會過（斷背），但有新聞好過冇啦！」

吳若希「熟透」撻唔着

至於與吳若希常以情侶檔演出，Hubert明言兩人只限兄弟情，從不過電：「同佢太熟喇！冇諗嗰方面嘅嘢，友情可以維持耐啲，大家都冇將關係再進一步，好似兄弟咁相處。」他自爆戀愛經驗不算豐富，入行前只拍過兩次拖，每段戀情都維持三年多：「我目標都係長久嘅關係，拍散拖我寧願唔拍，好嘥時間同心機。雖然呢行接觸女仔嘅機會多，但我比較內斂，對住女仔會怕醜，通常女仔撩我講嘢先，因為驚畀人誤會我成日溝女。」

這個純情怕醜仔原來中學時讀男校，圍繞身邊的都是一班好兄弟，因而從小就不懂跟女孩子相處，甚至擇偶的首要條件是男仔頭：「同男仔頭嘅女仔會易啲溝通，不拘小節，鍾意啲有個性、豪爽，反而唔鍾意女仔太嗲。」

不過，Hubert 入行後一直守「Dry」，他坦言經營一段關係非常費心機，寧將心力放在工作上，但有時都會心思思想拍拖：「其實唔抗拒拍拖嘅，但唔會刻意追求囉，緣分到喇都會欣然接受，咁都要調劑吓生活嘛，有時都有乏味嘅時候。」

後記：問心無愧祝「鈞」好運

小記動筆撰寫這篇專訪時，欲寫又止，一方面希望幫助Hubert 脫離整容傳聞的困擾，好讓他表達一路以來對這些負面新聞的感想，甚至是反駁。但想深一層，本文出街後或會再次觸動網民的神經，甚至發動第二波洗版式的「削骨還父之亂」！

不過，從小父母教落，做人問心無愧，又何懼之有呢？訪問當日，Hubert 儘管抱恙，仍出盡吃奶的力為自己平反，講到整容傳聞時，看他理直氣壯，聳聳肩說：「我絕對唔會心虛，我唔驚畀人話！」既然如此，祝「鈞」好運！

點評

la_source

發表於 16-1-12 16:21

bube6218

發表於 16-1-12 16:21

車仔人

發表於 16-1-12 07:57

0 0 0

私人傳訊

chickenwing2006

瑪瑙宮

積分: 142864

好媽媽勳章

2^#

發表於 16-1-12 03:11 |只看該作者

引用：嗰樣真係有唔同,+削骨還父【on.cc東網專訊

原帖由 mickeyeva 於 16-01-11 發表
嗰樣真係有唔同, 削骨還父

佢由 pizza 變到 V 剎，我覺得有整

點評

jtw_ki

發表於 16-1-12 22:51

jc2009

發表於 16-1-12 14:23

tsung

發表於 16-1-12 13:41

wcpcelia

發表於 16-1-12 10:45

私人傳訊

skyfree333

公爵府

積分: 28669

3^#

發表於 16-1-12 03:27 |只看該作者

回覆：娛樂專題：胡鴻鈞「被整容」搜證平反

「畀人話削骨喎！當然要上網Search吓係咩一回事啦！削骨手術喺整容入面係大手術，至少要休養幾個月，但我Keep住見人喎，從來冇消失幾個月，如果真係整容都要抖吓啩？其次，我見香港根本就冇得做削骨手術，最近都要去台灣做，閒閒哋都要成幾十萬台幣，我邊有咁多錢做呀？根本講唔通！」

依個肯定話大話佢參賽完有至少成年無出現過點解我咁清楚？因為我個陣我以為佢做返普通人覺得好可惜上網搵左好耐係零消息！之後見佢出返黎我好開心以為無人簽佢但佢真係整得好明顯喎講真要計佢都唔止削骨咁少