婆媳關係 今日: 0|主題: 27745

PS:越鬧我越好笑, ARRIN 唔係流架!

無睇個原文既FANS唔洗驚, 留言話PM我,我會比返你睇.

話說我有個表哥係月頭娶老婆. 嘩~不得了.

事件1:

婚宴地點係 X府婚宴專門店, 佢地係間咗一個廳. 未入到去果時同普通酒樓差唔多光光猛猛,感覺良好.....點知入到去………………好浪漫呀仲要好有冬天FEEL…..連主人家都話好浪漫咁….D侍應個個都好專心咁做自己…有D親屬都有用手機同我BB影相…點知張張相都好有特効FEEL好迷幻呀…之後我同C6講, 我地係咪去錯咗[天堂婚宴專門店], 不得了!

事件2:

新人未開始註冊既時候, 佢地有個司儀做控場既, 佢想叫D人上台斟茶, 嘩!不得了! 個司儀一用咪講野就十分有中氣.聾都聽得返,真有善心! 又理直氣壯咁 : [有請男家家人上台飲茶!] ( 我耳仔有D事啦,唔知以為黃X文上咗嚟, 叫人落台咁,真好啦!)

事件3:

個新娘, 堅不得了~

佢真人同張結婚相完全2個人嚟!

張相係瘦~ 好想馬上問下佢D相係邊度影可以影到咁靚, 真人原來真係靚到不得了, 佢豬, 唔係係珠圓肉潤, 包好生養!

佢覺得自己傾國傾城,國色天香,成日都好可愛好CUTE咁, 要DU住個咀影相~我絕對有理由相信我係唔抵得佢啦, 靚到DUM一聲.

事件4:

話8點開始註冊, 絕對我睇錯時間啦, 應該係8點後先開始, D 音響有杜比又環迴喎, 絕對係我個女弱雞啦,無鬼用喊, 咁無計啦, 唯有我地出去外面等啦….証完婚又話要咀咀, 咁例行公事,咁OK, 點知又好有心思,要男家父母咀咀(嘩呢個唔做唔得啦~), 咁祝酒啦.個司儀堅係好中氣果隻…. 祝完酒又話要世紀之吻, D 音樂又起囉喎,絕對係連我都弱雞係出面嚇一嚇, 見人地咀得咁HIGH, 我都想C6咀下我呀~

乳豬隊伍係出面等等…絕對係我唔識欣賞D豬,豬皮當然脆過先識淋架痳.….9點1都仲未得, 跟住有個師傅係出面用火槍燒返D豬…(真係好專業呀)….*9點3先開始

事件5:

諗住去到敬酒前都無節目架啦…諗住食野….D 背景音樂好似自己識捽碟咁時大時細, 我個弱雞女又喊啦~ 我地係賓客, 咁精彩絕對唔想出去呀!!! 之後個司儀(WEDDING PLANNER) 走出嚟, 我忍唔住表揚咗佢, 佢實在做得太好啦,D迷幻音樂咁有FEEL, 點知佢提我我個女咁弱雞叫我敬酒唔好再入去……好細心呀!

我係度好認真咁話比大家知,我絕對係唔抵得人地有個咁好既WEDDING PLANNER

不過我欣賞完佢之後, 個個一家大細都出晒嚟~有人同我講入面有陣燒著野既味, 仲好煙TIM…..

之後D姊妹走出嚟又同個WEDDING PLANNER講冇晒音樂無晒咪聲……

原來燒Q咗個喇叭出晒火花咁~(嘩幻彩FING香江你都撈埋)

時間係10:20PM我女太弱雞, 我地一家三口決定回家. 講返先~係未敬酒架~錯過咗TIM~

係我地走咗之後聽返D人講佢地搞返好D 音響, 係10:30 唔敬酒住仲唱歌,最後11點2先散場….

真係唔好彩啦, 我錯過咗咁多節目!