單軌方便，唔洗收車，都闊但只限那霸市內，我去新都心同國際通呢兩日就搭佢。有一日參加左day tour （琉球宮/海洋博/菠蘿園/森之玻璃館）, 抵玩既，包晒啲入場卷車錢同午餐，如果自己搭車，淨係計水族館一程加入場卷已經貴過個團，回程仲每人送左件玻璃筷子座同杯好好味既菠蘿雪糕。呢日我無帶bb車，因為全程都上車落車最長比小朋友訓陣叉電。另外2日搭巴士就難搞啲，班次係準既，但要搵巴士站難啲，喺國際通嗰頭既巴士站都尚算易搵，啲住宅區既就好難搵，唔起眼，最搞笑係問十個路人，不論老中青都唔係好知啲巴士站喺邊.... 如果你同一個站上落就好啲，好似香港咁打對面，但遇上去個新站就頭痕。我去蒲添birthday買完野問個職員去美國村個巴士站喺邊，佢幫我問左三個職員都答唔到，落到樓下問左2個路人，先有一個答到我個站就喺birthday門口既二十步內。上車取票，票上有個數字代表你上車既起點，司機上方有個螢幕，會跳住每個站（準既），咁你落車時就望返你車票個數字，假設票上係3號，你睇返3號係幾錢幾錢就得。車上有部機可以兌換散紙，所以無都唔怕（只限1000円）
發表於 
返回列表
