上年結婚,搬屋,換車等,屋企唔夠錢用,一直用突但自己有儲蓄可以頂住。
有唔開心,亦可能有JM記得我上黎呻過。
一心諗安定落黎就無咁多洗費,但過左半年了根本無改變,個個月都有野買,個個月都無錢可以淨
本身搬屋同換車時借左銀行錢要供，結婚時有一部份分期又要供,扣埋日常各樣開支已經好緊!難得早兩個月自己屋企野安定D,一心打算終於可以有少少錢淨(HKD一兩千)
,可以儲起留來下年車保險用,唔洗又分期供
點知奶奶屋企飯要買飯焂同電腦屏幕。老公都係孝順底,我亦覺得做細既幫手分擔係應該。屋企有鬆動,我地出唔緊要,而我亦好努力格價格到盡,兩樣加埋唔超支
點知到出完果D錢,老公先再黎話有東南西北好Q多野要買
最初係話一件衫(500幾),買完好著,所以方便洗換要多件又500幾。去買第2件時又睇中其他更貴的,雖然最後無買,但我心入面真係爆哂粗「你到底知唔知屋企咩環境架大佬!!」
之後又提對鞋唔得，最初話唔買住,轉個頭佢去出差時就自己買左。
係~~對鞋5百幾唔係貴。但家電已用左鬆動既錢,買衫係超支,仲要買對鞋就係超上超啦!!
樣樣都幾百,加加埋埋又2,3千,唔係好多,但無就係無
FINE~~凍係無計,對鞋唔好行又係可憐,而且都買左啦
算,下個月再慳D啦!
到新一個月,應該無野好買喇卦。年又過左,衫鞋都買左
點知又到架車。因為架車未安裝遙控開鎖,朝早返工要早15-30分鐘去鏟雪同暖車,老公本來話今年唔裝(因為今年暖落雪較少),但結果都係想安裝。
又要2千幾……即係今個月已一鋪清,唔會有餘錢做其他野。
日日凍到死去鏟雪係辛苦既,必須用的錢就用啦。
去安裝時,我明明已講得好清楚,出左呢筆錢係無錢可以再用,
佢竟然同笑笑口同我講,原本想裝果個係3千左右,而家平左既錢可以買其他野
我真係心中9萬個FUXK爆出黎
有錢係咪唔用哂會死!?係唔係留返一兩百都咁難?
佢明唔明銀行借左錢,還緊果時仲係負資產緊?我地而家用既每一蚊都係負資產上再負數,所謂「有錢淨」其實只係還錢快少少??
唔想嘈交,GOOD一聲吞哂D粗口(差D哽死我,咁多粗口一次吞哂
)
笑笑口同返佢講,無得再買野喇~我地係唔夠錢用架
佢答完知道後
兩日,只係兩日,又SEND條LINK俾我話想買400左右的電話套
今次我企硬唔買……住…!至快都要下個月
而家果個係上年10月尾11月頭先買,300左右,佢自己話要皮既個款係鐘意既先買。但好衰唔衰買左個做工唔好,D角好快開哂口既。咁佢當然又唔高興想換啦
不過電話唔會凍死,無套都可以用。我點都唔可能再超支。因為我儲蓄已經見底
事實上,兩公婆無錢用係慘既。
加上我同佢架車都可能有零件會隨時需要換,無多個錢傍身真係唔掂。
我份工好穩定朝8晚5,所以為早日脫貧想星期六去返多份兼職
想搵錢同時,我覺得夜晚兩個人相處時間好重要
加上老公身體唔好,所以基本我想餐餐煮俾佢,我會安心好多
要搵容許我只返星期六甚至隔個星期先返,又可以黃昏前收到工既兼職真係好難搵
俾我搵到,人地約我去見工。
明知老公煩死人,所以講得好婉轉.希望佢容易D接受
點知一講俾佢知
就話唔鐘意我兼職搬屋公司, 其實唔係咩粗重野,係幫手包行李同入箱,問佢原因又話無
我話時間自由嘛,可以就哂你更表。點知佢又話我份工遠所以唔鐘意(開車一個鐘左右)
想點嗜!!無錢就要做架啦!有咩工時間就哂你又係開正你屋企樓下架??
又唔係叫你返,我自己去返工拎錢返屋企都要被不滿,事事要你批准,係咪有病呀!?
呢下我真係嬲到著火,不過都要忍,唔想嘈同攪到屋企氣氛差
開聲嘈無唔會有好處,但我真係忍唔話佢忍得好辛苦
對唔住…好長
但打哂出黎舒服好多
jeremylui83 發表於 16-2-16 16:22
點解唔直接解釋佢聽，講到佢明為止？
伯爵茶 發表於 16-2-16 16:42
樓主c6好似細路仔，既然冇佢符，唯有當湊仔，恩威並施， 揸緊財政大權，除經常支出，無論購置乜嘢彼此都要 ...
wing1388 發表於 16-2-16 16:42
好有「先使未來錢」嘅感覺...我個人覺得除非一啲認真大筆嘅數目，如買車供樓之類，否則下下要用分期俾唔係 ...
發表於 
返回列表
