吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 苦惱的媽媽

大仔大女媽媽會今日: 0|主題: 177860

收藏本版

發帖

返回列表

跳至頁

查看: 980 | 回覆: 6

[2008年] 苦惱的媽媽 [複製鏈接]

justiceling

大宅

積分: 1231

1^#

發表於 08-9-23 16:32 |只看該作者 |倒序瀏覽 |打印

我的小諭妹妹已經三個半月,我亦已返工差不多3個星期,由於我地無老人家幫手照顧bb,所以返工後由工人照顧,但我個工人較操心大意,黎左三個月已打破左我一打蛋,一件裝飾,一個温度計,仲要唔敢講我知,自己買返補救先同我講我知,有次仲反鎖左自己係房內,好彩我係屋企,如果唔係我都唔知小諭會點樣,所以我同佢講話先生太太唔係屋企唔可以抱bb,初頭都無問題,因為餵奶,換片及玩都係搖椅上,小諭一喊,食住奶嘴就唔喊,但唔知點解,由上個星期起,小諭經常無故大喊,要抱先唔喊,我係個IP Cam到睇到佢喊左成15mins都未收聲,真係好心痛,但如果下紙個工人可以抱返佢,我又好担心佢個人咁大意,會唔會跌親bb,加上,佢有事又唔敢立即報告,會唔會跌親bb都唔講我知呢?
各位媽媽,你地有無我lee個問題呀?如果你係我,你會點做?

[ 本文章最後由 justiceling 於 08-9-23 16:33 編輯 ]

0 0 0

私人傳訊

queeniechan2004

大宅

積分: 2044

2^#

發表於 08-9-23 19:10 |只看該作者

如果我係你, 我會第一時間換左個工人佢, 唔岩用就唔好拖, 唔俾佢抱BB係無濟於事, 你同老公都唔係屋企, 點可能全日唔俾人抱BB, BB會好可憐, 去托兒所仲好, 有D托兒所好好的, 大約4-5千一個月, 但D姑娘好好, 好細心.......不過最好當然係你自己湊番BB, 起碼湊一年, 先再番工, BB頭一年, 開支不會太大的吧....

原文章由 justiceling 於 08-9-23 04:32 PM 發表
我的小諭妹妹已經三個半月,我亦已返工差不多3個星期,由於我地無老人家幫手照顧bb,所以返工後由工人照顧,但我個工人較操心大意,黎左三個月已打破左我一打蛋,一件裝飾,一個温度計,仲要唔敢講我知,自己買返補救先同我講 ...

私人傳訊

小寶媽08

大宅

積分: 2367

3^#

發表於 08-9-24 12:58 |只看該作者

um.. 全日唔抱bb..bb真的幾可憐喎.
如果你裝得cam. 你都唔怕比工人bb抱啦.
你請得個工人, 你就要信得過佢,
你唔信佢, 你不如唔好要佢. 免得自己過份擔心.
你覺得個工人錫唔錫bb呢? 如果佢錫bb既, 佢會對bb特別小心架.
我個工人好錫我bb架.. 我大部份家務都唔洗佢做. 只是專住揍bb喳.
其實. 我覺得工人又要揍b, 又要煮飯, 又要家務. 可能真係對bb會疏忽d架

私人傳訊

rositacmy

大宅

積分: 1474

4^#

發表於 08-9-24 13:31 |只看該作者

我個姐姐是在大仔(而家2歲)出世前1個月來HK, 姐姐睇住2兄妹出世, 勁愛錫2個B, 同我地的關係亦好似一家人咁, 相處得非常之好.
我地2公婆都有返工, 平日就得姐姐一個睇住2個B, 我成日同佢講, BB永遠排第一, 其他野(例如家務, 煮飯等等)可以放埋一邊, 最多咪等我放工返來做囉.
佢來左我家咁耐(3年), 當然一定有做錯野+打破野等事情發生過啦, 但我會唸.......只要佢個心愛錫我地及BB, 唔係有心+專登傷害我地, 我就會算數.
始終都係[人]一個, 一定會有出錯的時候嫁.

學小寶媽話齋....[你請得個工人, 你就要信得過佢, 你唔信佢, 你不如唔好要佢. 免得自己過份擔心.]

原文章由 小寶媽08 於 08-9-24 12:58 發表
um.. 全日唔抱bb..bb真的幾可憐喎.
如果你裝得cam. 你都唔怕比工人bb抱啦.
你請得個工人, 你就要信得過佢,
你唔信佢, 你不如唔好要佢. 免得自己過份擔心.
你覺得個工人錫唔錫bb呢? 如果佢錫bb既, 佢會對bb特別小心 ...

[ 本文章最後由 rositacmy 於 08-9-24 13:32 編輯 ]

Hello, MY NAME IS ~~~ OSCAR ~~~

私人傳訊

justiceling

大宅

積分: 1231

5^#

發表於 08-9-24 21:34 |只看該作者

多謝各位意見,可能我太過担心bb,又成日聽到d工人跌傷少主的新聞,你地都覺得啱,唔信佢不如唔好請佢,我都觀察到佢對bb態度都ok,起碼好過對我地兩公婆(因有時我地話佢佢會黑面及話印尼話自言自語,好似係話我地),佢對bb都有耐性,我係個cam到見到佢都會同bb玩,都會依我意思去照顧bb,我諗咁已經叫做好好,我都唔要求咁高.
我今日同個同事傾左好耐,佢請左工人已有12年,佢話個個工人都係咁樣,請過第二個可能仲差過家下lee個,佢叫我唔好成日望住個cam就會無咁担心,返到屋企見到bb開開心心已經係湊得好好啦!

私人傳訊

小寶媽08

大宅

積分: 2367

6^#

發表於 08-9-25 13:15 |只看該作者

回覆 #1 justiceling 的文章

我自己覺得, 工人揍得我個仔健健康康, 開開心心,份人有責任心, 唔好多手多口, 我已覺得佢已盡左佢既責任. 始終佢來打工, 揍既只係我個仔, 不是佢個仔. 我唔車望佢真心錫我個仔, 盡左責任已ok..咁樣諗, 自己會開心d

私人傳訊

snoopymummy

大宅

積分: 2125

7^#

發表於 08-9-26 21:17 |只看該作者

我無請過工人,因為我唔鐘意.
但我都想講,如果你唔信得過工人,其實都係可以理解的,亦無需要信,不過如果你唔比佢抱bb,就好恐怖囉,因為好難,小bb愈大就愈識扭抱,日常照顧都需要有d親密接觸對bb先好,如果次次你工人祇可以眼白白望住個bb喊,我諗對bb同工人的心理都唔好,你都唔好啦,人人都有缺點,如果佢大頭蝦就諗下辦法"幫"下佢.
你都要放鬆d呀