吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 廣華極速三小時生B記

懷孕前後今日: 17|主題: 330190

收藏本版

發帖

返回列表

跳至頁

查看: 5471 | 回覆: 53

廣華極速三小時生B記 [複製鏈接]

12 3

Ching2327

大宅

積分: 2094

1^#

發表於 16-3-25 19:19 |只看該作者 |倒序瀏覽 |打印

我記得嗰日成晚無訓，個肚由六點鐘開始有少少痛，期間一直冇落床，仲不停上淘寶買嘢買通宵，直到八點半起身去洗手間，一企起身，即刻感覺下面濕濕地，好似嚟M 咁，當我一除褲，晴天霹靂，我見紅啊，即刻又驚又喜咁叫醒老公同姐姐，自己就準備去沖涼，姐姐就幫我煮嘢食，好衰唔衰姐姐煮咗隻勁辣公仔麵同埋叮左盒點心俾我食，個肚又痛食隻公仔麵又勁辣，真係食唔到囉，所以唯有放棄淨係食咗盒點心，就即刻去沖涼，點知一徐褲勁多血，個肚又痛到PK ，我心知不妙，即刻放棄唔洗頭，淨係洗左下半身，差啲連褲都痛到著唔到，就即刻叫老公陪我落去坐的士去急症室，點知落到樓下返工時間，一架的士都冇，係姐姐扶住嘅情況底下，唯有挨住等，老公就不停咁搵的士，半個鐘頭後我終於上左的士，期間老公不停同我吹水分散我注意力，落車果時司機知我就嚟生，仲同我老公講叫我加油，勁窩心！十分鐘後終於到咗廣華醫院急症室啊，老公幫我去登記，我就痛到PK咁坐左係輪椅到，果時十點鐘，登記完就俾人推咗上9樓見護士，個護士俾咗啲衫我換，叫我訓上床檢查，我記得佢仲同我講，你冇咁快生得喎起碼聽日啦，咁快入嚟做乜，我話護士我見紅喎，唔係應該就生咩？佢先問我琴晚食過啲乜嘢喇！仲問我有冇食白連so，我話琴日食咗一次，佢話見紅係可能因為我食咗中藥所以有影響，照睇就應該未生得住，叫我等下忍下痛，因為一度都未開到，我心即刻灰度pk ，跟住叫我擺低啲個人用品，就推咗我去產前病房，呢個時間已經痛忍唔到..........

0 0 0

私人傳訊

Yobe_b

複式洋房

積分: 281

2^#

發表於 16-3-25 20:06 |只看該作者

Ching2327 發表於 16-3-25 19:19
我記得嗰日成晚無訓，個肚由六點鐘開始有少少痛，期間一直冇落床，仲不停上淘寶買嘢買通宵，直到八點半起身 ...

根住點呀？好緊張！

私人傳訊

tiktikrorobb

複式洋房

積分: 314

3^#

發表於 16-3-25 21:00 |只看該作者

好緊張

私人傳訊

Ching2327

大宅

積分: 2094

4^#

發表於 16-3-25 21:14 |只看該作者

去緊產前病房途中，幫我檢查嗰個惡惡地既護士，忽然變得好nice咁同我吹水，係咁問我個工人請左幾耐啊，喺邊度請呀，有冇好工人介紹呀，好唔好啊之類之類！嗰陣時已經痛到行十步要停一停所以已經無再理佢敷衍佢就算，去到產前病房，簡直係惡夢嘅開始！六張床，連埋我得四個大肚婆，另外三個完全冇生得嘅跡象，一個行嚟行去，一個玩電話，一個瞓到有鼻鼾聲，呢個時候咁啱醫生巡房，我望望個鐘已經10:30，期間我偷聽到原來同房個三個大肚婆都係入院等催生，好快有護士過嚟幫我搏咗部機係個肚度，叫我感覺到BB踢我就按一下，講咗句冇咁快生得轉頭會有醫生黎幫我檢查，就極速閃人lu 連影都見唔到，呢個時候我感覺到條要痛到就嚟斷開，我本身係一個好忍得痛同埋好硬淨嘅人，雖然我痛到想大叫，但見同房三個大肚婆都咁安靜所以我唯有死忍喇，呢個時候訓又唔係，坐又唔係，眼見對面個大肚婆應該陣痛緊但可以較高左張床，擘大隻腳坐響度心呼吸好嘆咁嘅款，我即時大叫姑娘.......可唔可以幫我較高張床呀!等左一陣姑娘嚟到，態度勁惡，即時大鬧我，太太你可唔可訓返好D呀！訓直個人，咁樣會跌落床跌死你架，我話我痛到瞓唔直個人呀，幫我較高張床呀！唔該呀........呢個勁惡嘅護士，堅持要我訓直個人先肯幫我較高，其實呢個時候我痛到變左粒蝦米咁既姿勢，我一手捉住護士隻手，求下你幫下我呀、嗰種痛有啲唔同喇，可能就生得你幫我望吓開咗幾多度呀！佢可能見我面都青埋仲要口都震埋，即刻叫我訓番好擘大隻腳俾佢睇下，佢望咗一望，答左我一句進展幾好呀！醫生巡房啦就到你忍多陣啦，咁我唯有死忍啦，但已經忍唔住開始大叫喇........呢個時候我望下個鐘先10:45，突然間一班醫生入咗黎，幫我對面嗰個大肚婆檢查，我見啲醫生一拉埋簾冇耐，對面個大肚婆就大叫左一下，無耐醫生就出黎，我偷睇左一下，之後個大肚婆就開始好辛苦咁keep住大叫，等左一陣終於到我！原來係一個醫生帶住了個班實習醫生，個醫生叫我放鬆D唔使咁緊張，擘大隻腳俾去檢查，因為全部都係男醫生，係勁尷尬嘅情況底下唯有照做喇，個醫生望咗一下，用英文好快同實習醫生講解一下，就同我講太太我而家要幫你人手串水，你放鬆就得架啦，係我毫無心理準備情況底下，佢一隻手申入去搞咗幾搞，我大叫左一下，跟住就有啲好暖嘅水流左出嚟，好似賴尿咁，醫生就交代下我陣痛會越嚟越犀利，叫我keep住一痛就呼氣，叫我唔好大叫曬晒啲力就走左啦！

私人傳訊

Sakurai

複式洋房

積分: 167

5^#

發表於 16-3-25 21:21 |只看該作者

跟住呢跟住呢，好緊張呀

私人傳訊

chupiggg

複式洋房

積分: 373

6^#

發表於 16-3-25 21:43 |只看該作者

好緊張！寫到好似我係現場咁！

私人傳訊

Hinson3511

別墅

積分: 786

7^#

發表於 16-3-25 22:08 |只看該作者

回覆：廣華極速三小時生B記

好緊張！

私人傳訊

Gracelok

大宅

積分: 1018

8^#

發表於 16-3-25 22:15 |只看該作者

追

私人傳訊

Ching2327

大宅

積分: 2094

9^#

發表於 16-3-25 22:42 |只看該作者

呢個時候我有痛到典黎典去，連將被都跌埋落床，個悪護士又行埋黎大閙，咪叫咗你瞓好啲囉，冇人好似你咁連被都跌埋，仲問我點解唔按掣，仲話一早話咗俾我聽感覺到BB踢就要按掣之類之類⋯⋯我話姑娘我痛到完全感覺唔到BB踢咪冇按曪，跟住佢就走左叫咗另外一個護士過嚟，好快就有個好後生嘅護士嚟咗，佢勁nice 呀！問我有邊度唔舒服，邊度痛，同我傾咗一陣間計，我話條要劇痛呀！呢個時候我終於忍唔住喊咗出嚟，佢就走去仲攞咗個三角枕比我攝住條腰，即刻感覺到魔鬼同天使嘅對比！好快又有另外一個故事走埋嚟我講，太太我哋而家有一個產房空左出黎，你要唔要係產房試吓生！我即刻問我係咪可以生喇？我開咗幾多度啊？佢哋答我冇咁快，不過有位就俾你試吓，仲叫另外一個護士睇吓我老公係唔係出面，叫佢唔好行開預備去產房，好快就有人黎幫我過床，仲極速推咗我去產房lu ，去緊產房途中我心諗，我追左咁耐bk，睇咗咁多個案，如果我唔係生得佢地應該唔會比我去產房，所以我更加肯定，我就嚟生得啦，所以勁開心！去到產房啲護士叫我唔好心急，唔好用力住，因為係比我試生，所以佢哋都未預備好，我老公又去咗廁所，叫我一有想屙屎嘅感覺就同佢哋講，眨吓眼我老公已經係我身邊出現，個好nice既護士又再出現，仲帶埋個三角枕入嚟俾我，話攝住黎生舒服D，仲比左支按摩油我老公叫佢幫我查吓條腰有幫助冇咁痛，我呢個時候我已經痛到極點，我老公唯有係咁同我傾計啦！講咗好多野...........但我完全聽唔入耳，淨係識得叫佢收聲同埋行開，係呢個時候，有個護士同我講所有野準備好啦，就教我點樣用力生，痛就要好似吹蠟燭咁之類既野，我已經唔記得佢講啲乜，忍呀忍，叫呀叫，呢個時候望下個鐘已經12:35，我感覺到自己個仔就嚟要出世喇，個痛既感覺真係好唔同架，跟住我就同我老公講好口渴好想飲水，於是就問護士可唔可以俾杯水我飲啦，護士話呢個時候唔飲得水嫁，因為驚我飲左會嘔，死死地氣咁我又唯有死人忍喇，期間我不停轉post ，大叫，同爆喊，成個癲婆咁樣大叫唔生，我要開刀，我就嚟死啦................太多太多！我仲記得，老公為左分散我注意力，我地講埋D無聊，其中一段好好笑嘅對話我仲記得係，老公話我乖乖地生完之後買啲乜乜乜........比我，問我想要啲咩，我話不如你買把刀比我喇，跟住個護士就問我點解要把刀呀！我話要把刀黎吉大比止痛囉，成班護士仲笑我哋添！之後個護士就叫我哋專心啲，一有陣痛就用力 push ，之後我記得push左兩三下BB就係1點多DD出咗嚟lu ，個人即刻鬆晒，好似呵左一舊千年大屎咁舒服晒，之後幫我推下個肚，對下BB嘅性別，叫我錫BB一啖，就放左係我心口度幫我下面連針，連針時我仲痛到大叫，叫佢拎開BB ，原來係佢地唔記得幫我打止痛針，之後係產房等咗半個鐘，啲姑娘仲讃我好勁，唔使三個鐘就生咗，仲同我老公講，叫我如果生第二個胎，一見紅同串水好即刻入嚟唔好食早餐同沖涼喇，如果唔係會趕唔切，仲笑我可能會係的士度生添，冇耐我俾人送咗去產後病房，住咗三日，又冇得瞓，勁辛苦同勁污糟邋遢嘅地獄生活，係產後病房果3日，我覺得仲辛苦過生仔，情緒一度去到最低點，試過呢埋喊，同要求自己簽字出院，不過最終我都死忍，係老公支持下都崖得過，我同自己講下一胎要生我一定會係私家生成功同BB出院返屋企喇，多謝收睇！