大仔大女媽媽會 今日: 0 | 主題: 177861

積分: 781

1^#

發表於 08-10-3 15:46 |只看該作者 |倒序瀏覽 |打印

歡迎分享一下大家懷囡B的心情啊~

0 0 0

私人傳訊

積分: 781

2^#

發表於 08-10-3 15:47 |只看該作者

其實我心情好差架而家...我知咁講實比人講我好過份..話晒都係自己的骨肉....但我真係好恨囝架...但今早去照左OSCAR(13週)....醫生話67成係囡.....因為照到有三條線似係陰部啊....所以我情緒好低落咯.....您地照個時係咪都係照到三條線的相片出黎架?
好似個心碎左咁.醫生一講我好想喊出黎....我老公又唔出聲...好似好唔開心...大家無講野幾分鐘....因為其實佢都想生仔.....
但我都知已成定局架啦.....但我心情真係好差..我知會影響BB...但可以點?
各位媽咪!請您們不要鬧我...因為...我妹妹,家姐和亞嫂全部都係生仔...5個仔...我都想係囝.....我真係需要D時間去平靜..食野都無胃口....我知我咁真係好過份...好古老的思想..
有無媽咪照到係囡都咁既感覺?

私人傳訊

wywlee

積分: 584

3^#

發表於 08-10-3 16:18 |只看該作者

我地就冇諗過問係咩性別, 想係一個surprise.
但我地兩個都中意囡.
我男朋友知我有左之後, 又咁啱去到見我家姐果兩個囝 (3歲半同11個月大) 就同佢地講:「你地就嚟有個表妹喇...」. 佢係想生女多d架! 但佢都話係囝係囡我都會咁開心! 只要係自己o既小朋友就得.
你諗下, 你d家姐, 妹etc都生囝, 咁成屋都係囝, 你果個係囡, 一定比人錫到"lone"囉!

私人傳訊

purplebb1016

複式洋房

積分: 339

4^#

發表於 08-10-3 17:46 |只看該作者

您要振作呀，做個開開心心的媽咪！:)

其實我都照到係女，我老公屋企係潮州人，出名重男輕女，而且家族個個都起碼生兩個仔。我地bb仲係呢一代既第一胎，佢地都好想要個大仔，因為潮州人的大女都要幫手做野，好大責任的。而且奶奶知道係女後，俾左個唔係咁開心既表情俾我，我唯有當睇唔到啦，哈哈哈！

好彩我就一早拋番個波俾老公，同老公講，其實仔定女係取決於佢粒精子既X或Y染色體，所以唔係我決定既，哈哈哈！所以係女都冇咁大壓力…:)

不過我自己覺得女都幾好呀，女嗲d嘛！又可以幫佢扮靚！d人成日話生仔的話大個左通常痴女朋友或老婆屋企多d，但生女第時就多左個仔！而且家族入面咁多男仔，真係會多人錫個女多d架！您唔好擔心啦！都係自己既bb，生命係好奇妙架，第時bb係肚入面踢踢下，就會覺得好可愛架喇！仲有呀，第時仲可以生第二個架嘛，到時咪問下身邊生仔的朋友，bingo之前要食d咩野生仔既機會會大d，冇咩大不了呢！放鬆d啦！加油！:)

因為如果您唔開心，大腦分泌出唔開心既激素，就會傳去bb度。大人就會容易開心返，但bb既唔開心激素會比較難散，所以要生個開開心心成日笑既bb，媽咪都要開開心心，心理質素好緊要架。您快d摸下個肚錫番bb，話佢知媽咪都好錫佢啦 :)

原文章由 可愛小寶貝 於 08-10-3 15:47 發表
其實我心情好差架而家...我知咁講實比人講我好過份..話晒都係自己的骨肉....但我真係好恨囝架...但今早去照左OSCAR(13週)....醫生話67成係囡.....因為照到有三條線似係陰部啊....所以我情緒好低落咯.....您地照個時 ...

私人傳訊

雪~bb

侯爵府

積分: 23652

2011至尊種植勳章畀面勳章

5^#

發表於 08-10-4 14:52 |只看該作者

琴日做oscar醫生話7成係女
其實我一d所謂都冇
因為如果係仔我慳得仲多
全數用大仔既用品衣物
而且男仔同男仔啱玩d
但如果係囡咁都冇所謂
c6話唔驚我偏心晒大仔喎

私人傳訊

clarinlau

複式洋房

積分: 263

6^#

發表於 08-10-5 22:04 |只看該作者

Hi 可愛小寶貝

唔使唔開心呀~ 好似我姑仔咁，佢好恨生個女架~ 但點知..... 一照係個仔黎架喎~ 佢當時同你一樣無晒心機~ 喊左出黎tim~ 本來好多野想問醫生，但佢無心機到，乜都無問就走左喇~ 但係當呀B一出世之後，我姑仔鍚到佢"燶"呀~鍾意呀B不得了~ 宜家呀B一歲喇~ 都幾可愛丫~

其實我同我老公都好鍾意女架~ 但係個個人都話我似生仔~ 無所謂喇~ 仔女都係一樣姐~ 最緊要係健健康康~

我13號去照 OSCAR喇，希望到時知係仔定女喇~

原文章由 可愛小寶貝 於 08-10-3 15:47 發表
其實我心情好差架而家...我知咁講實比人講我好過份..話晒都係自己的骨肉....但我真係好恨囝架...但今早去照左OSCAR(13週)....醫生話67成係囡.....因為照到有三條線似係陰部啊....所以我情緒好低落咯.....您地照個時 ...

私人傳訊

hey930

積分: 1103

7^#

發表於 08-10-6 12:12 |只看該作者

可愛小寶貝
其實生女都唔錯呀,會痴屋企多d,又孝順d,細心d嘛

私人傳訊

積分: 781

8^#

發表於 08-10-6 15:05 |只看該作者

好多謝各位媽咪的鼓勵呀!好感動...為了對您們的回應..我要努力去學習愛囡囡....

私人傳訊

hey930

積分: 1103

9^#

發表於 08-10-6 16:46 |只看該作者

放心啦,點都係自己既骨肉,做媽媽一定好自然咁愛錫佢地

私人傳訊

MYLIM

男爵府

積分: 5731

10^#

發表於 08-10-6 17:08 |只看該作者

我6299都係潮州人好記得我當年入門既時候我99對我既訓話係 "快d幫我地家生返幾個男孫" 我第一胎時照到係囡我都有d唔係咁開心. 反而老公同我講囡好呀我鍾意囡呀. 跟住睇完e生佢仲即刻同我去睇bb囡衫. 話 d bb女野好得意呀. 跟住我問佢你屋企d人鍾意仔架bor. 佢話係我爸我媽姐唔洗理佢地. 女仔幾好吖又可同佢扮靚又爹d 第時佢可同你行街傾心事. 到我生左呀囡之後老公真係錫到呀囡濃呀. 呀女又痴佢又爹佢成日爸爸爸爸咁錫佢.

跟住到呢胎我老公一開始就話想係囡囡. 佢話男仔好百厭佢會頂唔順. 佢亦都話如果今胎係囝的話佢好想我幫佢生多個囡.

mouth:

私人傳訊

MYLIM

男爵府

積分: 5731

11^#

發表於 08-10-6 17:14 |只看該作者

係呀我第一胎時想係囝都有d唔開心呀囡出左世之後唔單止我個個都錫到濃. 我大家姐 2個仔. 我2家姐都係仔. 我呀嫂都係生仔. 呢家我個女就係個個表哥哥哥心中既小公主.

反而都呢胎我真係囝囡都無咩所謂. 我一樣都會咁愛佢架.

原文章由 hey930 於 08-10-6 16:46 發表
放心啦,點都係自己既骨肉,做媽媽一定好自然咁愛錫佢地

私人傳訊

eidye

積分: 1396

12^#

發表於 08-10-7 00:41 |只看該作者

回覆 #1 MYLIM 的文章

你個囡囡好得意呀

私人傳訊

MYLIM

男爵府

積分: 5731

13^#

發表於 08-10-9 23:15 |只看該作者

佢唔曳既時候都幾得意既.

原文章由 eidye 於 08-10-7 00:41 發表
你個囡囡好得意呀

私人傳訊

積分: 781

14^#

發表於 08-11-29 13:41 |只看該作者

前幾日去照完結構....其實我已經愛上左囡囡....因為由開頭唔鍾意到鍾意都經過左兩個星期架.....開頭屋企人比好大壓力我....係我媽比我.....反而我奶奶好好...我老公又好好...係我老媽比壓力我...個刻係覺得自己好無用..逹唔到媽咪的心願...因為我媽已經有五個男孫....想威..我想都係生仔!六福臨門喎.....話比D親戚聽好似好威..其實比左我好大壓力佢自己都唔知.....佢一直對我態度都麻麻...好似我做錯咩咁.....
但前幾日再照竟然變左係囝!有姑姑....雖然我仲係未敢肯定..但個刻醫生話係性別囝...我同老公都突左一突....我地話:吓?囝?上次您話係囡架喎醫生!?(因為個刻我已經愛上左囡囡...因為生女係無咁大壓力咯..讀書唔叻最多嫁得好便可以,但男仔唔同呀...一定要自己靠自己架)之後都無辦法啦...而家生左出黎就算係囝定囡我同老公都會好開心好鍚佢...但照多兩次先敢買衫咯....因為有幾個朋友照左係囝囝生左出黎先知係囡囡...醫生攪錯左...有個朋友8個月照都係囝囝..但生出黎的竟然係囡!所以唔好太快買咁多衫~

私人傳訊

hey930

積分: 1103

15^#

發表於 08-11-29 22:29 |只看該作者

回覆 #14 可愛小寶貝的文章

又會咁既,不過如果買衫仔買d中性d既顏色都ok,因為幾個月就會唔岩著

私人傳訊

BBB2006

積分: 854

16^#

發表於 08-12-4 16:55 |只看該作者

原文章由 可愛小寶貝 於 08-11-29 13:41 發表
前幾日去照完結構....其實我已經愛上左囡囡....因為由開頭唔鍾意到鍾意都經過左兩個星期架.....開頭屋企人比好大壓力我....係我媽比我.....反而我奶奶好好...我老公又好好...係我老媽比壓力我...個刻係覺得自己好無 ...

吓! 宜家d 3D 同 4D 好準既喎! 係唔係政府照㗎????
其實仔女都一樣, 佢出來後,你見到佢一定會愛上佢, 連你身邊既人都會改觀㗎! 做咩俾壓力自己喎~~

私人傳訊

tigerfish

積分: 1287

17^#

發表於 08-12-4 17:56 |只看該作者

我都好似係囡, "似" 係因為早幾日照結構時, bb 怕羞夾埋咗對腳, 醫生話睇唔到, 但又話60% 係囡

. 不過我媽媽同d friend 都話我似係囡

私人傳訊

galic