懷孕前後今日: 12|主題: 330201

收藏本版

發帖

返回列表

跳至頁

查看: 2465 | 回覆: 21

報喜了，有啲長篇 [複製鏈接]

kwanyan329

大宅

積分: 1114

1^#

發表於 16-4-3 07:28 |只看該作者 |倒序瀏覽 |打印

b逾期居留一星期，原本約左3號去仁安催生，但2號晚9點見紅，到11點好輕微m痛，1點決定入仁安檢查。其實可以返政府嘅，但b比較大隻，所以都係去私家安心啲。黎到仁安，下面有嬸嬸推我上黎，之後磅重量血壓姑娘問病歷，再檢查宮頸，話開左2指，有機會今晚生。咁我就問醫生幾時會到，因為我第二胎，可能會快，姑娘就話幫我call。等我老公搞埋入院手續就叫左我去侯產房駁機聽胎心。一路我都係覺得唔太痛，但姑娘問左我幾次要唔要止痛針，要唔要聞氣，我都話唔駛。姑娘這睇返張紙，話我啲痛下下都到頂，話我好忍得。但其實我個時3至5分鐘一次，唔太有規律，又唔係真係好痛，只係勁少少嘅m痛。駁左半個鐘機，姑娘話可以拆，叫我休息一陣。個時3點鐘，我行左去洗手間，老公一路可以係床邊陪我，我叫佢瞓陣，唔知要等幾耐。我就係間房行左5分鐘。醫生3點3左右黎，檢查完話開左2度，不如幫我穿埋水，落少少催生藥，加快產程，我當然話好。醫生幫我穿水，唔痛嘅，有啲好暖嘅水流出黎，仲好多。呢個時候覺得痛左啲，但醫生同我講吊藥最快都要2至3個鐘。我就諗我第一胎都係催生4個鐘就生。咁呢胎都應該差唔多。3點半開始吊藥，唔駛5分鐘已經覺得宮頸開緊，我一痛就鼻吸口呼，之後就覺得有羊水流出黎，同時都覺得bb一路落啲落啲。但我都堅持無用任何止痛，因為聞氣會頭暈，上胎試過。所以今胎我用呼吸法。其實到差唔多4點，已經係好痛，我覺得宮頸應該有開多左，我叫姑娘幫我check，但姑娘話無咁快，2至3個鐘後再幫我check。個下都幾睛天霹靂，自己一心諗住開左好多，但姑娘又咁講。但再過多5分鐘，成件事唔同晒。我好急vv，一痛又好想痾，我就叫老公叫姑娘，姑娘攞左盆俾我痾vv，其實根本就痾唔到，我覺得生得就真。之後同姑娘講我好急，好想痾，忍唔到。佢即刻幫我檢查，話去得產房，之後叫我合埋腳忍住。我話忍唔到，佢不停鼓勵我。好彩去產房個程路得痛左2次，都忍住。4點3定4去到產房，唔知係咪叫到𥌓光，又覺得無咁痛，醫生check完話一痛就用力痾落去，頭2次痛得好時間，最後一次吸左一啖氣，用盡力痾，我諗都維持左成分鐘，4點32分，b出世啦，3.67kg。之後姑娘抺乾淨，抱俾我地影相。醫生就幫我聯針，塞止痛藥。跟住就推我返病房休息。
ps：我一路都有擔心去私家生，醫生到最後會改開刀。頭先醫生都有講因為b都大隻，所以驚個肩卡住，但我都有同醫生講我希望可以順產。醫生叫我試下先。最後順順利利當然大家都開心。私家真係唔同啲，諗返上一胎係政府生，真係天堂同地獄。
有啲長，多謝大家收睇