話説今日見到ZUJI做緊個東亞MASTER卡優惠，買短途機票可以用PROMO CODE減200蚊，於是乎就隨意click下。見到HK EXPRESS有張機票時間都幾好，心唸如果減咗200蚊都買得過。
點知惡夢開始了…
1.
之前明明記得揀咗附加行李，點知比完錢後先發現行李無加到落去。即係自己要再同HK EXPRESS買返（價錢比訂機票時買埋當然就貴咗）。OK，可能係我自己粗心無CHECK清楚，可能唔係系統故障既…
2.
俾錢之前我係PROMO CODE一欄打咗BEA個CODE，點知總價錢不變，覺得好奇怪.但是又無任何pop up message話個code唔用得喔，唔通下一頁才顯示出來？反正根據以往經驗就算click咗PAY通常都要入信用卡一次性PASSCODE才能過數，我就膽粗粗click咗PAY, 點知ZUJI網站[真係唔需要入信用卡PASSCODE喔（安全性極低對消費者極無保障！！）於是多謝嗮我甘就買咗張機票啦，當然個200蚊係無減到既！（後尾先見到T&C話個PROMO好多航空公司都不適用，點解ZUJI唔會好似其他網站有個POP UP message提示客人個CODE不適用呢？！）
3.
好快地就收到HK EXPRESS個itinerary，但我發現張invoice既總數同ZUJI張單爭咗200蚊，仔細睇就發現ZUJI既機票費比HKEXPRESS收多咗200蚊！打Hotline問，原來透過ZUJI訂廉航機票係會收每人每程$50手續費！而且個費用會隱藏係機票價錢入面，不會單獨列出來！甘樣好似有比人欺騙既感覺，如果有手續費作爲消費者係咪應該有知情權？ZUJI回應話原來係search航班個版面最底部有螞蟻甘細粒既字寫明會收（原句
[個別航空公司將會收取額外手續費並於訂購過程中顯示]）。真係好好笑，通常search完航班，平的機票係最頂顯示，有幾多人會碌到果頁最底去睇？就算睇咗都唔知個手續費實質係收幾多！下一頁亦都根本無顯示！
我就甘不明不白買咗貴機票，早知直接在HK EXPRESS訂好過，仲有如果知道個信用卡promotion不適用，我就會用另外一張卡簽賬仲可以儲miles！
今時今日online travel agency多如星斗，ZUJI甘做生意的手法，我只能講我絕對不會再幫襯佢哋。分享篇文都係等以後想用ZUJI訂機票的朋友三思。
發表於 
返回列表
