lala229 發表於 16-5-18 18:52
我想問如果盤骨近pat pat 位痛個醫c係咪會按番嗰個位架？
H00207 發表於 16-5-22 14:56
請問點醫番好。針炙，推拿，正骨？吾該
相信好多患有坐骨神經痛既朋友都同我一樣，因久坐、坐姿不良、長期勞損、或意外搞到腰椎間狹窄（我就有兩節腰椎扁左），引致腰椎間盤突出而導致坐骨神經痛。
有d人有輕微坐骨神經問題初期係唔覺的，就好似我咁係行行下路腰同pat pat 位突然痛到企係路中心行唔到，但隔一陣又行得番；又試過朝早食身起唔到，終於用左成粒鐘慢慢起身慢慢行到；又試過一坐就成條神經痛到想喊，完全坐唔到，但又企得行得淨係坐唔到。
骨架結構既傷（即兩節腰椎扁左）係唔會復原的，去到最懷既情況就係做手術撐番開兩節腰椎等佢唔好壓住神經咁咪唔痛囉，但呢d唔係叫好番，手術都只係止痛既一種方法。但我唔會做手術，做手術有風險同後遺症。坐骨神經痛真正要醫架呢，唔係d骨，係痛症。治療目的係唔比情況惡化及將疼痛從身上移除。
西醫話d骨扁既程度未去到要做手術，都唔明我有幾痛，淨係叫我食止痛藥，打止痛針，做物理治療。止痛藥同打止痛針會上癮，長久都幫唔到我乜野，所以我唔選擇。物理治療我有去，但就比物理治療師夾硬要我做運動，搞到我患處腫晒，仲痛過之前，就算免費唔洗比錢我都唔會再去。
我都係一個平民黎架姐，都要睇餸食飯架，咁唔好彩有坐骨神經痛，長久戰，梗係要搵平靚正既治療方法啦。脊醫太貴喇，脊醫只係一科專業但唔係醫生，都要500-850睇一次，佢地多數係用機器治療，而且有牌睇，我無能力長期做d咁貴既治療囉，效用見人見志啦，雖然我未遇過要買療程的，但見過有d人話要買療程架喎，咪即係搵笨。
其實我而家做緊既中醫骨傷治療有針、推、拔，效果好好，因醫師本身係註冊中醫，又係骨科專科，又係中醫整脊師，懂得穴位推拿，佢斷症好準，治療好到位的。我keep得住到而家都無惡化，起碼無影響都我既生活，行得走得返到工，治療費唔貴，可以定期keep住睇當保養。林醫師好好人好細心的，解釋得好詳細。我知道我做緊既治療係出面都要五百，我覺得好有效好抵囉。其實治療加埋我地本身要游水及段練肌肉架。
有d朋友會覺得我好奇怪，睇落無事咁樣點解keep住做治療做保養。梗係啦，不幸有坐骨神經痛既又唔係佢地，佢地點會明丫，呢d 痛係得自己先會明架姐。
發表於 
返回列表
