吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 聯合順產經驗分享

懷孕前後今日: 12|主題: 330201

收藏本版

發帖

返回列表

跳至頁

查看: 2244 | 回覆: 15

聯合順產經驗分享 [複製鏈接]

tinayeungtt

複式洋房

積分: 253

1^#

發表於 16-6-22 10:39 |只看該作者 |倒序瀏覽 |打印

總括而言聯合所有醫生姑娘好好，無話邊一部份嚇怕我，但產前房同產後房都係，日間姑娘的確比夜間姑娘nice,吸取前人經驗，無乜唔好亂叫，最好自己行去同姑娘講，好過按護士救命鐘，因其他人夜晚都要訓，個鐘都幾響，落到地，宮縮停既間隔就最好行去同護士講你有乜需要，佢地好helpful!玩到波就借波波坐時間快過啲，子宮開個時你無咁痛，可由5個痛變2個痛～

6月4日早上5點發現宮縮一黎已5分鐘一次，但只係少少不適，唔算得上痛，記錄左成個鐘都係5分鐘一次，仲見啡，所以決定食埋老麥入院，仲行得走得無話咩大痛。

入到醫院，駁心跳機，姑娘話我無乜宮縮，的確落左的士上到去產科就feel唔到宮縮，但姑娘同我講如果入院就今晚係度過夜，心諗第一胎穩陣啲都係入院，上到去產前房，食下野睇下雜誌同煲下劇，度下宮縮都好疏，十幾二十分鐘一次少少收縮不適，但都未算得上痛，所以我無叫過姑娘幫我check開左幾度，心諗隔離床去得產房4度都喊晒口，自己都無乜痛，打埋比阿媽同老公比心理準備佢地無咁快生得，打算聽日出院返屋企訓下好過。
因為一入產前房見有個大肚婆見紅後無動靜住左幾日，同醫生講想返屋企休息，醫生話住得唔遠既話，有3-5分鐘宮縮再返黎都得。

點知真係夜晚黎料，大概到左晚上10點半開始，宮縮短至約8-10分鐘一次，仲有越來越痛既感覺，開始用拉梅茲分娩法，即呼吸止痛法，開始因為只係少少痛，所以幾work, 之後去坐波波，因為下晝姑娘教過點用，話可以止痛同宮口開得快啲，我又怕食炸煳，宮縮度度下又變疏，所以每隔個鐘都去問姑娘借波波坐，分散注意力等時間快啲過，反正訓唔着，直到半夜2點個轉坐波波都開始痛到有啲玩唔到，我就返左床專心用呼吸法止痛，大概隔離床個大肚婆可能唔明點解我呼吸聲咁大，直到半夜3點到，度到3-5分鐘一次，當然有某一至兩次7-8分鐘，但整體都好似早上醫生巡房同我講3-5分鐘就係堅作動，差不多了。嘩我終於第一次自己行去姑娘station叫佢幫我check度數，因為佢地話宮縮密左或者穿水要話佢地知，但講完等左15分鐘都無人黎，再等宮縮停既間隔行出去，姑娘話follow我張床個護士行開左。我真係..........啞口無言了！好在過左5分鐘第一個護士黎望下度下bb心跳，話follow我個個姑娘黎緊，終於第一次有人check我子宮開既度數，原來已係6度，心諗咁快既，開6度呼吸止痛+坐波波都止到痛，當然唔係完全唔痛，但未至於要叫，喊或者痛到罵人程度，心諗自己都幾叻，原來我太天真了，落產房先係戲肉。

落到去終於有笑氣，唔駛再用呼吸法，陣痛黎之前要開始吸，止左痛老公又黎埋開始傾下計，好輕鬆，但無端端姑娘話我吸太大力小心會嘔，叫我吸慢啲咁就惡夢開始，宮頸開大左痛既感覺再強啲又密左，但因為我無再狂吸，痛既感覺好明顯，但我都有聽佢話，因我怕嘔唔知會唔會仲辛苦。唔知過左幾耐叫我試小便，床上訓住真係難去，結果要放小便，無想像中咁唔舒服，可能宮縮已蓋過。再唔知幾耐我feel到bb頭每下宮縮超大力壓落尾龍骨，個種痛係我開始覺得不可接受，開始係床上狂郁狂拉住老公，大力到好似人地上身咁，。之後乜都唔理狂吸笑氣，話之你嘔定乜，有時唔知係咪宮縮都吸定先，咁就好啲，但已達到我心中既10級痛，但原來最驚恐還未到來。直到吸笑氣吸到wing wing地，姑娘話你夠10度了，開始係時候教你生仔喇！待續......

0 0 0

私人傳訊

Tracybread

複式洋房

積分: 482

2^#

發表於 16-6-22 15:57 |只看該作者

我都會係聯合生呀，第一胎~真係驚生産痛~多謝你既分享~繼續follow~

私人傳訊

gobaa49

珍珠宮

積分: 35420

2023年兔年勳章畀面勳章

3^#

發表於 16-6-22 16:31 |只看該作者

好叻呀你~~~留毛等你分享

私人傳訊

rose_bibi007

禁止訪問

積分: 808

認識瑞士牛牛第二回育兒性格勳章畀面勳章 BK Milk勳章

4^#

發表於 16-6-22 16:33 |只看該作者

提示: 作者被禁止或刪除內容自動屏蔽

私人傳訊

siugutbb

禁止訪問

積分: 75

5^#

發表於 16-6-22 17:24 |只看該作者

提示: 作者被禁止或刪除內容自動屏蔽

私人傳訊

vicvicmom

大宅

積分: 1180

6^#

發表於 16-6-22 19:54 |只看該作者

回覆樓主:

期待你既分享

私人傳訊

siujjai

複式洋房

積分: 289

7^#

發表於 16-6-23 01:00 |只看該作者

我黎緊第一胎都系聯合生阿>< 等你分享!

私人傳訊

manpig0811

複式洋房

積分: 305

8^#

發表於 16-6-23 02:01 |只看該作者

留毛～我都係聯合生，第一胎，越近預產期越緊張

私人傳訊

Ovis

大宅

積分: 2342

9^#

發表於 16-6-23 08:40 |只看該作者

等你繼續分享!

私人傳訊

luckyleaf

複式洋房

積分: 398

10^#

發表於 16-6-23 11:06 |只看該作者

期待你的分享

私人傳訊

Ruthie

別墅

積分: 839

11^#

發表於 16-6-23 13:40 |只看該作者

我都應該係聯合，期待分享

私人傳訊

tzoeeee

別墅

積分: 655

12^#

發表於 16-6-23 14:04 |只看該作者

好緊張呀快D UPDATE!!!

私人傳訊

Monique514

複式洋房

積分: 403

13^#

發表於 16-6-23 15:23 |只看該作者

我都係聯合生, 睇到我好緊張丫, 我都係第一胎~~

私人傳訊

cece122

別墅

積分: 730

14^#

發表於 16-6-23 18:53 |只看該作者

我都係聯合生呀
睇到我好緊張
想睇續集

私人傳訊

tinayeungtt

複式洋房

積分: 253

15^#

發表於 16-6-23 21:01 |只看該作者

餵完媽媽奶又可以繼續打埋，開夠10度個時應該早上9點到，助産士講你唔太痛，唔駛再用笑氣。之後，開始加個支架放我對腳，令對腳開大，當時腰痛到覺得自己完全無力放對腳上去，我話我放唔到上去，佢地話你咁都做唔到唔駛生，你一定唔夠力。助產士教一覺得宮縮就出力屙，但我屙左成個鐘都只睇到仔頭髮約一毫子size, 後來我發現對我黎講唔似屙屎，原來要用埋腹肌既力，之後，話屙多個鐘唔得醫生就黎，會可能吸佢出黎，但都要自己用力推，痛到死，心諗乜都好喇！盡快完左佢，但醫生遲遲未到，咁我又繼續努力，終於睇到乒乓球size 既頭髮，醫生黎到話你唔駛用吸，你努力啲，你生到架！屙既期間其實唔痛，但我完全feel唔到宮縮，所以唔知幾時屙，要助產士全程放隻手係我個肚，佢知到宮縮就叫我吸氣屙。期間醫生叫左我老公出去，就係全程最痛，我覺得已經無法接受既痛。其實bb頭已到好低，醫生想知佢面向邊度，佢放隻手入去沿阿b個頭逼入去，痛到我第一次慘叫，仲叫我佢幫緊我，叫我順勢推，痛成咁點推。我大叫佢縮手，如果唔係出唔到力，終於比我11點45分生左舊叉燒。