母乳餵哺 今日: 0 | 主題: 85706

積分: 4433

1^#

發表於 16-7-8 19:03 |只看該作者 |倒序瀏覽 |打印

本帖最後由 MrsPerthLiu 於 16-7-8 19:25 編輯

我一開始已經選擇餵母乳。
開刀生完未落得床，姑娘都會每兩個鐘抱俾我餵，到落得床就全程自己照顧。埋身方面，做得唔係咁好，被bb吮損了，bb咀仔細，只含到乳頭。母乳姑娘教過我之後，跟住嗰兩餐好似好左，到夜晚又唔係咁好，如是者，到我出院，bb因為跌磅超過10%同埋黃疸，所以要留院，因為第一次咩都唔識，冇準備泵奶器。於是bb就食醫院提供嘅奶，我去探佢時就埋身餵下。
bb出院返屋企後，我又試下埋身餵，可能因為佢食過樽，易啲吮，所以埋身食好忟，擘大口喊，唔肯食，我好擔心佢又跌磅，而且啲黃又未退晒，所以決定泵出嚟俾佢食，跟住就非常之繁忙，餵完奶，又要泵，之次又洗樽烚樽，咁又差不多到下一餐。我好矛盾，埋身餵到好灰心，全泵又倦，都唔知點算......
跟住有一日，我感冒發燒了，食左藥唔餵得，人奶存貨只能夠維持多4餐，咁就唯有買罐奶粉啦，買返醫院食嗰隻，跟住就嚇親我，食左幾餐都嘔，又冇便便，嗰下我更加下定決心要俾佢食人奶。我病完就嘗試多啲埋身，都唔係好成功，都係跌跌碰碰咁....
到bb第5個星期，我開始每日試多一餐埋身，泵少一餐，試左一星期左右，成功轉左全埋身。出街真係方便好多。我自己都覺得同bb親密好多。

0 0 0

私人傳訊回覆引用

積分: 557

2^#

發表於 16-7-8 22:02 |只看該作者

恭喜哂你牙！登你好開心

我同你差不多，一開始都打算埋身，點知我乳頭細bb埋五到身，轉左做泵媽，出街真係勁麻煩！但係2個月個陣，我慢慢試下埋身，點知bb又啜到wo，真係好開心

宜家3個月已經係全埋身啦！
我地一齊加油啦

私人傳訊回覆引用

袁寶寶

積分: 2183

3^#

發表於 16-7-9 00:14 |只看該作者

回覆樓主:

恭喜你！
我都係住埋身FTM, 女女依家四個月大。
我都經歷過埋身又補奶粉，半埋身半泵，再近乎全埋身剩半夜一泵，最後果泵都唔泵…全埋身。

全埋身真係好爽，出街帶條餵奶巾就得！－

私人傳訊回覆引用

MrsPerthLiu

積分: 4433

4^#

發表於 16-7-9 02:09 |只看該作者

manying0627 發表於 16-7-8 22:02
恭喜哂你牙！登你好開心我同你差不多，一開始都打算埋身，點知我乳頭細bb埋五到身，轉左做泵媽，出 ...

多謝！
大家一齊努力！

私人傳訊回覆引用

MrsPerthLiu

積分: 4433

5^#

發表於 16-7-9 02:10 |只看該作者

袁寶寶發表於 16-7-9 00:14
恭喜你！
我都係住埋身FTM, 女女依家四個月大。
我都經歷過埋身又補奶粉，半埋身半泵，再近乎全埋身剩半夜 ...

係呀，出街帶少好多野

私人傳訊回覆引用

Lovebaby124

複式洋房

積分: 374

6^#

發表於 16-7-11 15:47 |只看該作者

manying0627 發表於 16-7-8 22:02
恭喜哂你牙！登你好開心我同你差不多，一開始都打算埋身，點知我乳頭細bb埋五到身，轉左做泵媽，出 ...

想問佢啜慣奶咀，點樣試番埋身？係咪都要俾佢試一輪先啜到？
同埋安排邊餐埋身好呢？
我b 依家個半月到，人奶量大概3/5到，想試吓埋番身啜吓刺激吓（之前埋過身，但轉咗全泵），但試過佢好似已經唔係好肯同識啜咁！

私人傳訊回覆引用

積分: 557

7^#

發表於 16-7-11 23:48 |只看該作者

Lovebaby124 發表於 16-7-11 15:47
想問佢啜慣奶咀，點樣試番埋身？係咪都要俾佢試一輪先啜到？
同埋安排邊餐埋身好呢？
我b 依家個半月到， ...

係架！我都試左好多次先成功埋到身！開始時，例如我b一日食8餐，甘通常係等佢勁肚餓先埋身，因為一餓會啜得勁d。開始就一日2,3次埋身，無論佢啜得好冇都俾佢啜下，到佢真係啜左好耐，但又未飽，或者我餵到佢好攰，就會再用樽餵佢！去埋身次數慢慢加上去！最尾個餐會用樽餵，等佢可以訓耐d！到bb日頭都啜得好好既時候就可以試下最尾個餐都埋身

bb五係好識啜可以去健康院叫姑娘教你！我埋身既同時會用medela個隻仿母乳奶咀，幾好用架！要bb啜先會出奶，倒轉五會流出黎！你可以試下用，不過百幾蚊個奶咀，幾貴下！
埋身啜真係多好多奶架！同咪好有成功感

我個時俾健康院個姑娘激一激，決心要全埋身！
你都一定可以架！加油加油

私人傳訊回覆引用

Meowho

積分: 1023

8^#

發表於 16-7-15 21:46 |只看該作者

manying0627 發表於 16-7-11 23:48
係架！我都試左好多次先成功埋到身！開始時，例如我b一日食8餐，甘通常係等佢勁肚餓先埋身，因為一餓會啜得 ...

我係全泵媽，BB食慣樽唔接受埋身，但我都好想轉全埋身，但BB一埋身就喊爆同推開我，啜一兩下就發炆

點樣可以令BB冇咁抗拒埋身？我試過佢好餓個陣試埋身，但佢就掛住喊，又試過冇咁餓個陣試，但佢又會掛住訓唔開口

私人傳訊回覆引用

lilalila

積分: 2022

9^#

發表於 16-7-16 03:02 |只看該作者

Meowho 發表於 16-7-15 21:46
我係全泵媽，BB食慣樽唔接受埋身，但我都好想轉全埋身，但BB一埋身就喊爆同推開我，啜一兩下就發炆:bashfu ...

Bb 9日人仔，明明之前食得好好
但體重一直未升及黃，住過醫院補粉，依兩日都抗拒埋身，瞓時閉哂口，醒時搵到乳頭都要推開再喪喊，我都好想知點導番佢乖乖埋身！

私人傳訊回覆引用

積分: 557

10^#

發表於 16-7-17 16:00 |只看該作者

Meowho 發表於 16-7-15 21:46
我係全泵媽，BB食慣樽唔接受埋身，但我都好想轉全埋身，但BB一埋身就喊爆同推開我，啜一兩下就發炆:bashfu ...

係架，食過樽真係好難轉反埋身，唯有每日勤力埋身，無論佢有冇正經食都好，最少有俾bb感受到埋身食媽媽奶既感覺。一開始由樽轉埋身時，我囡都成日發炆。我個時成日同囡囡講:bb，乖乖地食，新鮮奶奶係咪好味好多呢？雪既奶奶五好味！我諗bb甘醒目，知道邊隻奶奶最好味

私人傳訊回覆引用