婆媳關係 今日: 0 | 主題: 27745

積分: 68

1^#

發表於 16-7-9 23:11 |只看該作者 |倒序瀏覽 |打印

我個仔成日係爺爺嫲嫲姑奶面前扭計，我已經鬧左姑奶一獲，老爺奶奶已經嬲左我。今日個仔又玩野，又係我d朋友面前扭計，因為佢知道佢地好錫佢，我今日又鬧仔，欠些又無埋個朋友。
因為管教，我真係就來無哂朋友同親人，我開始覺得自己好孤單(emoji)(emoji)(emoji)(emoji)(emoji)(emoji)(emoji)(emoji)(emoji)

0 0 0

私人傳訊

chowqv

水晶宮

積分: 67506

wyeth冷知識勳章畀面勳章大廚勳章

2^#

發表於 16-7-9 23:50 |只看該作者

回覆樓主:

小朋友，幾大個呢？

不知所謂的乙陸！！！

私人傳訊

Miulo

公爵府

積分: 27258

3^#

發表於 16-7-10 00:33 |只看該作者

你個仔扭計，你點解要鬧姑9，其實係你自己有問題，唔關你個仔事囉！

私人傳訊

anpanmenbaby

侯爵府

積分: 21730

畀面勳章

4^#

發表於 16-7-10 02:19 |只看該作者

Miulo 發表於 16-7-10 00:33
你個仔扭計，你點解要鬧姑9，其實係你自己有問題，唔關你個仔事囉！

我都唔明，個仔曳，但閙個奶姑，比人討厭好正常啦！
樓主不如講下自己點教仔先，係咪語氣教法太嚴厲，有些人教到火遮眼會又打又粗口喎，你有冇過火先?

私人傳訊

sssssssss

男爵府

積分: 9857

5^#

發表於 16-7-10 02:19 |只看該作者

鬧係解決唔到問題

私人傳訊

積分: 68

6^#

發表於 16-7-10 08:46 |只看該作者

個仔今年四歲，平時都要返開老爺奶奶屋企食飯，個仔平時都好乖，聽教，不過越大就識似住有錫佢既人係度，就蝦我。老爺奶奶一直都係緊張大師，每次同佢地一齊，都會講：個仔個咀有粒飯，快d同佢抺左佢啦；件衫濕左，快d同佢換左佢啦（其實只有人滴係衫袖濕左），個碗飯凍哂，快d餵佢食啦（其實碗飯勁熱）每隔半分鐘叫一次，個仔兩歲仲未戎片，你老公一歲就戎左啦；快d俾埋佢食啦，一定要食哂唔可以食剩野（佢碗飯，大過大人份量，無得夾少d，因為樣樣奶奶煮，一定要俾面食哂，有時候太多，我真係唔想再迫個仔食，奶奶就鬧成日哂野）；個仔一唔聽話，做咩個仔曳左？同咩人玩來？只係佢平時太就我個仔，個仔大左就識蝦佢，奶奶俾佢跳梳化，到我鬧仔，又話我做咩鬧佢；

私人傳訊

積分: 68

7^#

發表於 16-7-10 08:48 |只看該作者

我件屎忽鬼姑奶四十歲，自稱自己係皇后，由我未嫁到生埋仔，我姑奶依然幻想自己係春嬌與志明，成日無仔陪就搵我同個仔玩，叫佢湊一陣，又話唔識理佢，佢每單情史次次都要我同老公幫佢執手尾，例如：借我地間屋俾佢同佢條仔同朋友開派對（因為層樓賣左），我地借家俬用品俾佢去佢條仔間屋住，之後俾人飛左，又要我自己去執返我借俾佢既家俬同用品（當時我個仔六個月），佢自己就同朋友去澳門散心，最討厭佢教我教仔，我間中有俾I pad個仔睇，姑奶知道左話我唔應該俾佢睇會壞眼，到個仔煩住佢，佢就俾我個仔玩I pad。

佢最鐘意搵我個仔去呃like。每次同佢飲茶都要開定位，佢先會搭巴士出來。
最近，又同老爺奶奶姑奶出去食飯，個仔食緊飯又要玩玩具，當然我又要被鵝，跟住個仔似住爺爺嫲嫲係度，又唔聽我講，再忍，叫佢收起玩具，唔聽，講左跌左唔再執返個玩具，老爺奶奶當耳邊風，之後個仔又喊，我帶個仔出門口鬧，老爺又跟來仲幫住哂，老爺幫唔到個仔，佢食飯食到一半走左去，返到位，個仔仲索緊氣，姑奶話我掃興，又要執返個玩具俾仔，我一怒之下抱個仔走，姑奶鬧我，我還擊，我點教仔關你叉事（平時我唔會係仔面前講粗口），佢再鬧返我（當時太嬲，唔太記得

私人傳訊

積分: 68

8^#

發表於 16-7-10 08:50 |只看該作者

佢講咩），我話佢，管好你自己先啦！
就係咁，我忍左老公呢家人四年，雖然我奶奶好緊張我個仔，我呀爸有cancer要覆診（當時我個仔六個月），我奶奶唔肯幫我睇仔，俾說話我老公聽，我抱埋個仔同呀爸睇醫生，仲要嬲我地夜晚煮左呀仔飯，我地唔返去食。我呀爸過左身，唔俾我個仔去拜佢，見佢最後一面，當時我個仔一歲多，但係我個仔幾個月就要去拜太嫲太爺，因為佢地早先保佑。我有左第二胎，老爺奶奶好擔心老公負擔重，因為我頂唔順，要工人，而且剛剛有左成日眼訓又周身痛，日鵝夜鵝，以家好難請工人，個個都唔好，捱下你就慣啦！我半夜發高燒，奶奶唔肯幫我睇仔，叫我唔好半夜入醫院，最後等到第二朝，我自己去睇醫生，最後醫生問我食唔食抗生素，我叫老公叫奶奶幫我睇仔幾日，我唔想食抗生素，我奶奶都係唔肯幫我。奶奶最後仲鬧我老公，話我成日點佢。最後鬧大交，我有抑鬱，個肚五個月大時，醫生同我講，bb心臟有事，最後，我地做左流產手術。之後我無理佢地一家人大半年，老公識做左，我照舊好似以前咁對返佢地，成日帶老爺奶奶去玩，幫奶奶訂機票同佢d親戚玩，每逢過年，我都會做妹仔幫奶奶招呼佢地既親戚，洗碗提茶切生果，姑奶永遠都會係開飯先出現，一句唔鍾意招呼人，就可以同男朋友走左去，佢唔會幫佢呀媽洗碗，只會理自己襯唔襯到件衫出門口。
而奶奶亦覺得自己個女唔洗做呢d野，因為佢個女好叻好靚。
仲有太多，我真係數唔哂，總之，我唔係一個唔想對老爺奶奶好既新抱，只係我太盡力，接受唔到傷害。

私人傳訊

積分: 68

9^#

發表於 16-7-10 08:58 |只看該作者

而個衰又叻左。成日似住錫佢既人係度，就左扭右扭，如果呢d人一個月見一次當然無所謂，一星期見幾次，我覺得就好有問題。

私人傳訊

anpanmenbaby

侯爵府

積分: 21730

畀面勳章

10^#

發表於 16-7-10 09:53 |只看該作者

回覆樓主：

本帖最後由 anpanmenbaby 於 16-7-10 09:58 編輯

睇你字裏行間，對佢地都很多怨氣，同埋佢地比太大壓力你，既然係咁，不如你少d見佢地啦，最好暫時唔見住，對待自己唔好既人，唔洗見，失去左都唔可惜。你教仔做法正確（比我都係咁教），而你都話你仔平時係乖，咁就唔好怪哂個仔身上。

私人傳訊

懸月

積分: 1422

MommyPanel勳章

11^#

發表於 16-7-10 10:19 |只看該作者

我都試過差唔多嘅事，有時d親戚真係唔係我想得罪，我都知佢地少見我仔，難得見到想縱下佢喺佢面前做好人係人之常情，但我好堅持我個仔必須要知道佢呀媽我有最終話事權，我話唔得嘅野就係唔得，唔可以因為有其他人喺度或有其他人撐腰就唔理平時定好嘅規矩，不過哩d情況我唔會鬧其他人，我會照鬧個仔，因為就算有其他人幫都係佢自己唔聽話扭計，個責任始終喺佢度，如果話其他人，個仔唔會知係自己做錯，雖然，就算我冇當面話老爺奶奶，同之後都有解釋返比佢地聽我嘅用心，佢地事後都話我咁做係唔啱，唔俾面佢地，但為左個仔可以學好，為左我自己將來唔會俾個仔激死，點都唔可以退讓，好彩係我老公都明白我撐我，我老公講得好好，個仔我對住最多，如果因為其他人縱壞左最後受嘅都係我一個

點評

Jolin_Yuen

發表於 16-7-14 12:43

私人傳訊

wheredinosaur

積分: 1558

12^#

發表於 16-7-10 11:01 |只看該作者

你已有能力搬左出去，真係見少啲啦，人x係冇藥醫的。

私人傳訊

積分: 68

13^#

發表於 16-7-10 18:56 |只看該作者

懸月發表於 16-7-10 10:19
我都試過差唔多嘅事，有時d親戚真係唔係我想得罪，我都知佢地少見我仔，難得見到想縱下佢喺佢面前做好人係 ...

我老公一時又話我教得好啱，一時佢又會話做咩唔俾面佢呀爸呀媽，由嫁佢之前已經同佢協議左，我點就佢屋企人都得，我受完氣，一定要錫返我。不過每次佢呀媽發佢脾氣，就會返來話我唔啱。
老實講，之前我同佢地住，佢屋企有個太太，九十幾歲，每晚瀨屎瀨尿，姑奶一返到屋企就鬧呀太，只有我幫佢沖涼。有時候呀太玩野，想我服侍佢，又要剪指甲同洗腳，我姑奶又有無做過？後期太太入左老人院，便秘，我親手用手同佢通便。佢地一家人依然覺得我係外人。
我認我情緒好波動，不過我真係忍夠，我真係好錫我個仔，唔想佢得寸進尺，老公平時已經好寵個仔，我每日都好似衰人咁，樣樣管住佢，其他人就成日覺得（佢都好乖啦，洗唔洗咁呀？）連我都做埋好人，我真係唔敢想像個仔會有幾壞。

點評

Jolin_Yuen

發表於 16-7-14 12:44

私人傳訊

懸月

積分: 1422

MommyPanel勳章

14^#

發表於 16-7-11 00:22 |只看該作者

本帖最後由懸月於 16-7-11 00:23 編輯

cathyscw 發表於 16-7-10 18:56
我老公一時又話我教得好啱，一時佢又會話做咩唔俾面佢呀爸呀媽，由嫁佢之前已經同佢協議左，我點就佢屋企 ...

要男家唔當自己係外人哩樣野，只要睇下哩版嘅其他post就知係不可強求，雖然我自己都未睇化

但自問盡左本份就算啦，唔好太委屈自己，真係唔開心要同老公傾下，既然結左婚，有問題當然要一齊解決。

講真，小朋友乖係教出黎嘅，其他人睇唔到個過程，只會睇到個結果，佢地係唔會明白我地付出左幾多野，所以條底線我點都唔會俾佢地隨便咁破壞，但我同老公傾嘅時候我都會檢討下自己，可能有時火遮眼，態度真係過左火，下次咪試下收斂少少或換個方式講，同時要俾老公知，如果再發生哩d事，佢點樣做可以幫到手，大家都係錫個小朋友，都唔係特登想搞到大家都唔開心，好多時同男家嘅矛盾，有老公即時擋一擋會好好多。

私人傳訊

chitosefung

男爵府

積分: 7759

畀面勳章

15^#

發表於 16-7-11 00:29 |只看該作者

回覆：我就來為左個仔，無哂親人同朋友。(emoji)

樓主要放鬆d,如果可以同老公傾下佢家人問題，再唔係暫時唔好見。我怕你屈下屈下，屈出病。

私人傳訊

可貓兒

積分: 2975

16^#

發表於 16-7-11 00:35 |只看該作者

cathyscw 發表於 16-7-9 23:11
我個仔成日係爺爺嫲嫲姑奶面前扭計，我已經鬧左姑奶一獲，老爺奶奶已經嬲左我。今日個仔又玩野，又係我d朋 ...

唔好理無謂人太多，小朋友無辜的，好好湊大個仔，你堅持自己一套，最緊要你都識講平時仔仔好乖，再大啲就識諗，加油！

私人傳訊

積分: 68

17^#

發表於 16-7-11 04:50 |只看該作者

慶幸，有個咁既平台，我可以申下，我真係又抑鬱發作，我剛剛有左，個仔唔聽話就會好忟，雖然我都盡量忍佢，不過個衰豬日日挑機，真係好辛苦。朋友成日來屋企食飯，好錫我個仔，樣樣幫住佢，佢就更加扭計。因為唔食飯，個仔又扭計，我欠些鬧走埋個朋友。我真係覺得好孤獨，除左我呀媽同家姐之外，個個人都好似話我唔啱，我真係好唔開心。

私人傳訊

chowqv

水晶宮

積分: 67506

wyeth冷知識勳章畀面勳章大廚勳章

18^#

發表於 16-7-11 07:27 |只看該作者

回覆樓主:

小朋友4歲，已經返學，請教下老師。
有時，佢地知媽媽佗多個，會特別扭。

不知所謂的乙陸！！！

私人傳訊

cat_house