懷孕前後今日: 1|主題: 330458

收藏本版

發帖

返回列表

跳至頁

查看: 6198 | 回覆: 48

來回地獄又折返人間....我的威爾斯生b記(好長篇) [複製鏈接]

12 3

OMY

別墅

積分: 556

1^#

發表於 16-7-18 11:40 |只看該作者 |倒序瀏覽 |打印

我的生b分享

生仔嘅痛同過程真係永世難忘，嗰種痛真係來回地獄又折返人間....但都要多謝威爾斯嘅產前房、產房同產後病房所有幫過我嘅醫護人員，佢哋好nice、好用心幫我（最難忘係生完仲喺產房等上病房時個唔知係醫生定姑娘主動攞杯水俾我飲）

我個b過期居留，預產係6/22號，威記好早已俾催生期29號我，29號前仍未有動靜都要照入院催生

臨就生前我分秘多咗，黃黃地又水水地，26號朝早再多咗啲，我唔肯定係唔係穿水（因唔一定係一穿就好多羊水流，可以係慢慢地滲漏，我自己後期拕b又有滲尿問題，唔識分）跟住打電話去威記問，姑娘叫我入院check下

0 0 0

私人傳訊

OMY

別墅

積分: 556

2^#

發表於 16-7-18 11:41 |只看該作者

我都算醒，知道入院check多數要留一晚過夜，喺屋企沖埋涼洗埋頭，然後同老公喺樓下食埋飯先去威記，去到醫院大約6/26號夜晚八點幾

上到病房姑娘同我做咗個基本檢查，完事後去換衫駁機聽心跳同睇宮縮（個姑娘檢查完仲話唔係穿水、無嘢可以走得）我C6就喺出面等我。駁機其間，有幾個姑娘輪流過嚟睇我同部機、神色異樣....仲輪流問咗我好多次痛唔痛，我答完全唔痛（我心諗妳哋班姑娘搞咩呀？！）隔一陣有個女醫生突然走嚟同我打豆、又無講原因，跟住另一個女醫生走嚟同我講話bb有一兩秒心跳慢咗、之後正常番，穩陣起見要我即刻落產前房催生，我當堂O晒咀

姑娘仲係咁催我快啲換紫袍，我問姑娘可唔可以食啲嘢先，佢答唔可以、要即刻落去....（好彩我臨出門口時立咗包朱古力曲奇，我一路換紫袍一路九秒九吞咗包餅，我就係靠依包餅頂住先有力之後去生b）之後叫喺出面嘅C6返屋企攞走佬袋再過嚟醫院（醫院離屋企好近）

私人傳訊

OMY

別墅

積分: 556

3^#

發表於 16-7-18 11:41 |只看該作者

我入到去產前房再駁機，姑娘同我講：「妳好難得已開到3度喇！」吓？3度！我好驚訝

因我完全無痛竟然就開到3度，嗰日根本無心理準備要生（成日諗住29號先入院催生）跟住Check我宮頸已成熟，即落催生藥，依個時候C6就返咗嚟陪我。我又好受啲藥，好快已有陣痛感覺，之後人手穿水，跟手見埋紅

好彩老公可以一直喺產前房陪住我捱過....夜晚11點幾落藥開始痛，痛到朝早5點幾，真係痛到阿媽都唔認得！開頭都仲可以好理智用呼吸法，之後愈來愈痛已經失去理智，初初姑娘都叫我唔好嗌留力生，但我實在太痛，我問姑娘係咪真係唔可以嗌，佢見我咁辛苦就話如果妳想嗌就嗌啦，中間有時我嗌得好大聲，姑娘就會過嚟睇下、伸手去試下我開成點，依個過程係好痛好辛苦，4點幾已開到8度可落去產房

私人傳訊

OMY

別墅

積分: 556

4^#

發表於 16-7-18 11:42 |只看該作者

落到產房，我未見我老公入嚟，喺度等時我問助產士佢哋如果我好痛可唔可以嗌，佢哋又話千其唔好嗌要留力一陣生，我就勁忍住唔嗌齋用呼吸法...好快姑娘就叫我試下生（當時老公仲未入嚟，我好掛住佢），但唔理都跟住姑娘醫生指示去push....中途老公就入咗嚟鼓勵我但我當時已理佢唔到咁多，跟住好快6/27朝早5點幾就push咗我個b出嚟（感覺勁似痾屎的），之後醫生講bb俾臍帶纏頸兩圈仲纏埋手，話bb唔知係咪喺入面打關抖！佢好快手就剪斷臍帶搞掂咗，就立即聽到我個b嘅喊聲，我好開心！我終於生咗喇！（我以為我會感動到喊，但我第一個感覺係：我終於痛完喇！）老公第一時間就讚我好叻，佢係全程望住我生阿b出嚟、bb被臍帶纏頸（C6話真係血淋淋但佢唔驚）姑娘即時抱阿b俾我哋望下係男定女，仲放阿b俾我哋叫我哋影相添

之後就係整胎盤、聯會陰傷口，醫生聯針前我係咁問有無得打止痛針，我有剪會陰外，會陰自己都自爆咗，所以醫生話佢剪個會陰傷口可以打止痛針，但我自己自爆個傷口位打唔到止痛藥....唯有捱住痛聯針，好痛但當然唔及生仔痛，好彩醫生算快手。我生完仲等緊上產後房，佢哋就再抱阿b放喺我心口到俾佢啜下我乳房同聞下我，嗰刻好Sweet，真係咩痛都值得的

本來陣痛緊時我有問姑娘想做無痛分娩，跟住姑娘話我開得快其實可以唔做無痛，因無痛對bb多少有影響；而打止痛針又會影響bb要打解藥，加上阿b心跳唔好唔見議做，所以為咗阿b健康著想我決定唔做無痛同打止痛針

本來都可以聞下笑氣頂下，但我痛到有啲反胃，我知聞笑氣無咩用又好易嘔，我唔想嘔所以我又無聞到。本可坐分娩球，但我穿咗水bb心跳又麻麻，唔落得地

結果我零止痛咁捱過去