親子旅遊今日: 0|主題: 161763

收藏本版

發帖

返回列表

跳至頁

查看: 940 | 回覆: 3

[台灣] 澎湖旅遊分享 [複製鏈接]

charsalad

別墅

積分: 548

1^#

發表於 16-8-1 17:52 |只看該作者 |倒序瀏覽 |打印

本帖最後由 charsalad 於 16-8-3 18:31 編輯

話說我七月中同個台灣fd去左澎湖玩4日，玩完返黎想同大家分享下~ 希望大家唔好中伏~ p.s.我係由台中過去~

第一天：嘉義布袋-馬公市

前一日o岩o岩落完雨，然後o係嘉義搭船過去，呢一程勁大浪，我成世人都未試過暈船浪，第一次feel到想嘔，因為係個半鐘既噴射船，所以死忍終於捱完成程船喇！　(如果各位jm怕暈船建議搭內陸機去……)

我係book網上民宿套票，所以係我個台灣fd揸電單車載我周圍去，馬公市係澎湖最大既島~ 都有幾多景點可以去~ 如果自由行既話就要搭o個度既客運或者小黃周圍去~

下晝：海上牧場

其實海上牧場即係任食生蠔，o個度既生蠔真係好新鮮好甜，我平時係超唔鍾意食蠔，覺得d生或熟蠔有一陣味，食完又易肚痛，但我竟然o係o個度食生蠔一d事都冇!! 所以如果各位jm同我一樣唔鍾意食生蠔都可以試下~~

第二天：東海一天遊

我地預約左當地既package，所以朝早就去左一d島仔睇地質(玄武岩)，o個陣最出名係仙人掌，周圍都有仙人掌，值得一試既係仙人掌冰~ 係紫色架~ (不過我覺得佢落太多色素)

然後戲肉就係去浮潛，建議大家要帶泳衣，不過如果冇泳衣都可以租o個度既潛水衣~ (o個度冇女裝泳衣賣) 仲可以買手機防水袋 (當然好貴)。我本身唔識游水，所以個教練會將成團人分做兩批，識游水同唔識游水，識游水就自己游出去，唔識游水同細路仔就要瞓上大浮板，有人會拖個浮板出去，你只要將個頭浸落上就得喇。不得不說d水真係好清~ 不過，o個度d水真係好淺囉，都唔會超過一個成年人既高度，早知我就join識游水o個面自己玩。

下晝係玩水上活動 or 釣魚，我個fd話o個度既水上活動唔好玩，要玩就下次去墾丁玩就好d，所以我join左釣魚，呢個部份冇咩特別。

但我完左呢一日之後都曬傷左，所以如果各位jm要去記住記住一定要搽防曬!! 我到而家都仲未甩完皮 T__T

第三天：七美/望安

呢個小島真心覺得好靚!! 不過因為我地係坐電單車，所以可以周圍去，如果冇電單車牌既話就一定要book旅行社package，佢會安排旅遊巴。不過可惜佢可以停留既時間唔多，電單車環島遊係剛剛好時間。

傍晚返到黎就繼續o係馬公 (民宿附近) 電單車周圍走~ 都有好多景點可以去~ 值得一去既係風櫃洞，真係聽到超大聲既風。

o係馬公可以好容易就搵到生河豚同生蠔食~ 值得推介~

總結：建議大家join香港或local旅行社package，我o係o個邊遇到兩個內地黎既人，join唔切local tour就咩地方都去唔到哂左時間。

後記：去o個程暈船浪，咁諗住買定暈浪丸食定返去啦，點知回程無風無浪，不知幾穩定，真係激死!!

p.s. 我未諗到方法post相，如果有人有興趣睇既話我再睇下點樣post相