因為家人有鼻敏感, 所以想尋覓一部空氣淨化機,看到及整理一些資料, 與大家分享一下。首先, 個人只是一般用家, 以下限於本人理解的知識, 也純屬個人見解。
背景﹕我家500+幾呎, 2房一廳, 希望物色一部空氣淨化機, 改善家人鼻敏感問題。
過程﹕去了BB展, 盈柏有人上門介紹Filter Queen, 真心推介! 最讚是職員有禮, 專職, 沒有Hard Sell迫我買機。示範完我真係好想買,但礙於價錢和屋企有限空間, 先生反對。我地結論係, 佢真係好好, 如果錢和空間唔係問題, 會買!
然後我開始找其他品牌和產品比較, 看消委會評級報告, 產品介紹及評測, 用家意見等, 希望認識多些。過程中, 明白了空氣淨化機, 同冷氣機的原理一樣, 是每個空間需要一部的, 如廳和房是分開的按空間大小去安排。接下來, 我由被FilterQueen 吸引, 看醫療級專業機, 轉看大牌子的家用機, 因為我就算捨得買一部貴機, 也負擔不到3部, 而貴的機一般support較大的面積, 我個廳/房根本用唔著。
高價機(一萬樓上)﹕
1)
Filter Queen Defender: 由盈柏公司代理, 德國品牌, 中國製造。可安排專人上門示範, 佢會用儀器測示。除defender外, 仲介紹Majestic吸塵機, 也是很吸引的。結論係, 佢真係好好, 如果錢和空間唔係問題, 會買! 適用範圍500-600呎, $14,800 可分期2年(示範完買會有Discount);濾心$320 (6個月-1年換)+ $980 (1-2年換), Lifelong 保養。但我找不到CADR數值, 網頁只稱符合標準。
http://www.impart.com.hk/main/chi/prod_defender.php
2)
Rainbow: 由於此機吸塵&空氣淨化2合1, 也有不少朋友用緊, 所以考慮。但看完BK的討論卻步了, 詳情自己上BK扒文吧
3)
Amway Atmosphere: 安利都多人讚, $13,228
https://www.amway.com.hk/amway/z ... atment-system/1076/
4)
Pro-aqua, 上市公司,
http://pro-aqua-asia.hk/products.html
5)
IQ Air: 瑞士製造, 網上仲有不少人話醫生推介,看完資料覺得冇得輸, 真係質素和信心上的No. 1。都係果句, 價錢同空間唔係問題, 絕對係首選。
6)
Airgle: 找IQ Air時, 見那公司Living Plus也賣這品牌, 不錯, 也是很貴呢, 什麼美國太空總署推薦.
中/低價機(一萬樓下)﹕
7)
Medair: 代理稱她是香港公司, 德國注冊, 中國製造。最吸引之處, 她的Filter唔需要換, 每2個月洗一次就可以, 而且佢的功能仲好過換filter果D機, CADR達3XX。505 ElectroMed $8,900。另一吸引之處, 代理提供2星期試機服務, 需付按金, 自取/送貨(如試完不買, 送貨費自付)。我覺得幾好, 可以試清楚先買, +$500可配有碌底架。佢同牌子有IMED, 可掛牆,要換濾網的, 11CM厚, $5980+。呢間公司有show room, 如上去睇示範再買會平少少, 而佢仲有其他牌子, 如Jonix Cube$5980也是不用換耗才, Airfree, Lifaair, Blueair等
http://www.medair.com.hk/C%20Home.htm
8)
CADO: 韓國機, 聲稱全球CADR NO.1, 我會去門市看看, 雖然都唔平, 但SIZE可放房間, 非常靚仔! C100 適用於193呎, $2719, 濾心$527/年
http://unwire.hk/2016/06/15/cado/2016-fathers-day-special/
http://azureliving.com.hk/shop/air-purifying.html
9)
Lifa Air: 芬蘭品牌, 中國製, 輪外型、價錢, 確實令我心動!!!! LA350用於300-400呎, $4400。外型係咁多部之中最吸引,設計一流, 張顯品味, 如果我買得起3部, 就應該揀呢款, 另可配一舊空氣測試機。我遲吓會去呢間公司睇, 覺得幾方便, 去一間公司可睇多部機, 直接比較。
http://hkapc.org/Products/HEPA%201.htm#lifaair
http://article.pchome.net/content-1889029.html
10)
Airfree: 一直講緊過濾性空氣處理, 呢部唯一唔係, 係直接殺死空氣的菌。首先細部, 又寫明比BB用, 仲唔洗清潔和換濾心,係最方便! 但睇了台灣學者和電器店員的意見, 建議用一般果D, 所以我不考慮此款了
http://www.hkapc.org/Products/Thermal.htm
11)
小米﹕看了評測, 最平, $1,000有找, 外型抄Lifaair所以好靚, 而且性價比高。但太嘈, 所以不建議, 除非你主要係冇人的時間用啦。
https://www.youtube.com/watch?v=5XCjUy4AoK4
熟悉的牌子:
12)
Panasonic: 付$6看了消委會有關空氣清新機的報告, 見點名讚P記, 又係大牌子, 應該OK。F-VXK70H, 402呎, $3951, 10年才換一次濾網,有埋放濕功能。我唔係好識新技術, 但睇過實物好大舊, 另佢十年先換一次濾網, 雖然方便, 但感覺冇咩信心。
13)
Sharp: 雖然跟消委會報告佢唔係No.1 / 2, 但上BK好多用家推薦, 尤其FU-W40A, 所以去了睇實物, 不約而同, 大電器店職員話呢部出了4年都仲係最好賣。用於31平方米, $2,035/行貨包送貨(教協價)。性價比太吸引, 仲平過用於細D尺數的同級數機款。雖然舊款但已有齊我想要的功能, 於是買了一部試試。有黑/白/紅色, 有燈顯示空氣質素。另一部我喜歡, 純粹因為新款D和有碌, 你知啦, 女人要拖地, 重電器個碌好重要,KC-AF20-W, 用於26平方米, 有放濕, 最低21分貝, $2,948, 可惜呢部背部抽風, 唔可拍埋牆放, 所以我唔啱。*題外話, 有個SALE叫我唔好買SHARP因為佢比人收購咗, 怕我之後買唔到濾網喎, 呢樣睇你Con 5 Concern la
http://www.sharp.com.hk/html/tch/products/productDetail?product_id=437&category_id=12
http://www.sharp.com.hk/html/tch/products/productDetail?product_id=820&category_id=12
14)
Philips: 雖然空氣清新機放出的離子對人體冇害, 店員話仍有好多比BB用的家庭會唔選Sharp/ Panasonic 而選Philips係因為始終冇係好D. 但Philips機比較闊身, 同埋分貝有35, 唔算好低。
http://www.philips.com.hk/c-m-ho ... 8%2C2007%2C2006&;sliders=&support=true&price=&priceBoxes=&page=&layout=12.subcategory.p-grid-icon
總結/建議:
1)
如果對品質有要求, 而錢同空間都唔係問題的, 有時間可約人做DEMO, 睇清楚先買。雖然貴, 但有人售後跟進都幾好, 又長保養, 始終一分錢一分貨。
2)
有錢和地方, 冇時間去了解的朋友, IQ AIR是信心的首選!!!!
3)
想試清楚先買, 就可免費試MEDAIR
4)
講究美觀, Lifaair是不二之選
5)
空間有限的朋友, 放房間的細機, CADO是兼備質素和外型的最佳結合,
6)
如需安裝上牆, 只有IMED配備上牆架
7)
有口啤, 性價比高的, 就好似我咁, 選長青舊款SHARP。實物可去豐澤看。
8)
喜歡看實物, 可去香港淨化器中心SHOW ROOM, 一次過睇多部實物。
9)
最後, 選空氣清新機, 建議留意出/入風位 (影響擺放位置, 如背後吸風唔可以拍埋牆),CADR, 更換耗才的成本, 此外, 全屋要分幾個空間買幾部。用於尺數小的空間還要注意, 好多FOR 100-200呎的機係殺菌機, 冇FILTER又或者個FILTER用途同大機唔同, 約$1,000+左右好吸引果D。所以我房雖然冇300呎都要選FU-W40A。
如閣下閱畢以上內容, 我衷心說聲謝謝!
發表於 
返回列表
