吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› [分享] 5日4夜包車台中到台北

親子旅遊今日: 5|主題: 161724

收藏本版

發帖

返回列表

跳至頁

查看: 818 | 回覆: 4

[台灣] [分享] 5日4夜包車台中到台北 [複製鏈接]

charsalad

別墅

積分: 548

1^#

發表於 16-9-3 17:40 |只看該作者 |倒序瀏覽 |打印

今次我同個香港朋友再加兩個台灣朋友4個人, 包車由台中走到台北~ 5日4夜~
先附上行程~

第一日一落機買完電話卡唱好錢後去左高美濕地, 結果就後悔喇...... 因為去到兩點幾三點濕地既潮退, 彈塗魚都只係得一兩條, 招潮蟹就有好多...... 個景唔靚, 所以大家要揀o岩時間先好去~ 仲有, o個度有義工當值, 所以千祈唔好俾小朋友搞d動物或者落去泥地玩~

去完高美濕地之後原來plan去宮原眼科, 但出發前幾日o係網上發現原來宮原眼科有第二分店, 叫第四信用合作社, 仲話入面有冷氣, 唔使好似宮原眼科咁熱住o係騎樓食, 所以就去睇睇~

荔枝味既好好食~~極力推薦~

行程冇plan到彩虹眷村~ 但包車司機話順路, 所以就去左o個度逛逛~ BK呢度好多人都去過我就唔講喇~

然後我地決定去平時少d香港人去既溪頭玩玩, o個面有妖怪村, 桃太郎村, 森林遊樂園等等, 因為時間關係我地只係plan左去妖怪村同埋杉林溪~ 桃太郎村好似話新開張冇幾耐管理仲未好完善......

呢個就係妖怪村, 夜晚o係村中間仲有個舞台有表演~ 但我覺得呢度細左d, 大家預個幾鐘已經ok, 而且野食少左d...... (因為有朋友身體唔舒服所以搵野食都幾麻煩)

然後夜晚住o個間小木屋係冇電視, 浴廁仲要冇洗手盤, 洗手盤o係玄關...... 真係出乎意料.......... 不過佢夠平, 算啦~

0 0 0

最鍾意去台灣旅行，尤其係台灣中部~
也曾到訪 | 大阪 | 首爾 | 釜山 | 檳城 | 怡保 | 吉隆坡 | 澳門 | 北京 | 雲南 | 貴州

遊記分享:
台中包車遊台中、日月潭、清境
澎湖旅遊分享
5日4夜包車台中到台北

私人傳訊

charsalad

別墅

積分: 548

2^#

發表於 16-9-3 17:58 |只看該作者

第二日一早去左杉林溪~(唔包車去唔到) 原本睇網上地圖以為杉林溪唔係好大, 結果原來都唔細= = 所以我地睇住時間只好走下面條路去青龍瀑布~ d路都係石屎路, 所以好好行, 沿迷有好多牌介紹動植物~

終於到左青龍瀑布, 仲要o岩o岩好係時候起霧, 影到好多靚景~
題外話: 我朋友有玩pokemon go話呢度咩都冇XD

然後就直接坐車去日月潭, 我地仲未食野, 司機話沿途經過水里可以搵地方食, 點知水里好食d既舖頭12點幾都未開= = 結果我地食左台灣好常見既牛肉麵~

去到日月潭我地放低行李, 就去搭船巡迴3個碼頭~ 咁o岩玄奘寺整修冇得睇又冇得入去, 阿婆茶葉蛋又4點幾就落閘, 好彩我趕得切買茶業蛋食~ 50蚊4隻~ 我同朋友一人一隻~

夜晚住o個間民宿廁所好靚~ 有日式浴缸~ 不過我冇影到, 俾唔到大家睇.......

p.s. 本來想去忘憂森林而唔係杉林溪, 但前幾日落完大雨驚山路危險, 結果就去左杉林溪比較穩陣d~

點評

wcpcelia

發表於 16-9-4 15:50

私人傳訊

charsalad

別墅

積分: 548

3^#

發表於 16-9-3 18:08 |只看該作者

第三日
一早起身去左九族文化村, 有少少落雨, 不過司機話日月潭落雨起霧既景都出名靚~

九族文化村纜車係10點半先開, 所以大家唔好太早去到~

然後我地o係九族文化村玩完一輪就去台北喇~ 第一站去左紅樓頂樓既咖啡廳食晚飯, 個景好靚~ 呢度最出名食住睇日落~

但野食就唔平喇, 近乎o係香港夜晚食西餐廳既價錢, 都接受到既~ (台灣朋友覺得貴)

私人傳訊

charsalad

別墅

積分: 548

4^#

發表於 16-9-3 18:22 |只看該作者

本帖最後由 charsalad 於 16-9-3 18:36 編輯

第四日
去左民宿附近既朱銘美術館, 因為我地一班都係藝術喜愛者, 所以一定要去呢個美術館。

呢個美術館特別之處係多數展品都係o係室外，我地o岩o岩好可以join到美術館既導賞tour, 諗諗下如果唔join自己行既話, 應該唔會明白展品想展示d咩.....

然後我地去基隆食好出名既鴨肉~

呢度都只係750台幣~

食飽左就去左個公園睇個奇特景觀, 不過幾前日行完杉林溪呢度又行山有d腳軟~ (不建議去)

距離食夜市仲有d時間, 司機建議我地去野柳地質公園~ o個度超多旅行團去, 似乎係必去既景點, 我o係入面不斷聽到有人講韓文同日文~

入面最出名既係公主頭同女王頭, 呢個係女王頭既仿製品, 專俾人影相用, 真品o係上面睇到既自然區裡有專人監視住旅客影相情況, 因為我懶得排隊所以影仿製品就算喇..... 大家睇唔睇得出下面張相似女王既側面?

夜市既情況我冇影到~ 因為台灣既夜市都係差唔多~

然後第五日我都冇影到, o個個公園我都唔建議大家去~ 其實只係台灣朋友想去XDD

分享到呢度~~ o係呢度真係想話辛苦司機~ 好多時車程都係連續個幾兩個鐘一程~ 我地幾個人一搭車就好想瞓XDD 而且好多都係彎彎曲曲既山路~ 佢仲話好鍾意同好習慣開車行山路

大家如果想要司機contact可以問我~ 不過佢話只會台中出發~ 而且只係7人車, 我地4個人加行李o岩o岩好~

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章