樓市動向 今日: 0 | 主題: 74595

積分: 889

1^#

發表於 16-9-27 00:23 |只看該作者 |倒序瀏覽 |打印

本帖最後由 chan291378 於 16-10-6 19:46 編輯

二手樓宇買賣佣金由你決定....

點解政府搵經紀賣樓可以指明經紀只可以收0.1%樓價為佣金, 市民搵經紀買賣二手樓宇唔可以指明佣金係0.1%-0.2%呀? 市民係咪應該惡啲, 攞番自己嘅權利! 其實放盤嘅業主係可以指明經紀行可以向買家收幾多佣, 因為臨時買賣合約內嘅條款(包括佣金數目)係要買賣雙方同意㗎。

仲有一點, 就係大家忘記咗我哋有另一個手段可以控制翻經紀, 就係當你放盤俾經紀嘅時候, 可以指明你放盤俾佢嘅時間係幾耐, 例如兩星期或三星期, 時間一到, 就立刻停止佢哋嘅代理權。
市場上有大把地產代理, 大家唔需要擔心冇經紀會幫你sell 盤, 亦唔需要擔心要搵樓嘅人會冇經紀serve, 因為搵樓嘅人通常唔會只搵一間經紀公司, 好多時佢哋會搵兩三間經紀行, 所以只要你放俾一定數量嘅經紀行(例如十間經紀行搵你, 你就揀四間), 搵樓嘅人就自然會搵倒其中一間經紀行, A行冇盤俾佢，佢自然會搵B行, 你跟本唔需要擔心會冇咗個有心嘅買家。所以, 你亦要堅守原則, 時間一到, 立刻停止某某經紀行嘅代理權(因為咁樣你先可以有控制權), 當然你可過兩星期再俾代理權某經紀行, 俾唔俾代理權係由你決定。

期間經紀會死纏難打叫你俾多啲時間做代理權, 你千祈唔好心軟, 佢哋會話有幾多幾多客, 你唔駛理佢, 佢冇樓盤俾個客, 個客自然會搵另一間經紀行, 你係冇損失㗎! 不過你要多做少少功夫, 就係用本記事簿記低你俾各間經紀行嘅代理權時間, 都係做多少少嘢, 應該唔會太難!

以上做法有幾樣好處:
1. 可以攞番俾幾多佣金嘅控制權;
2. 可以減少經紀搵你嘅數量, 唔駛俾咁多人煩著你, 大家知唔知經紀每個星期都要update 你嘅資料, 如果你放俾太多經紀, 我肯定你每日都要應酬無數咁多電話查詢。
3. 市民之間有誤解, 其實唔係放俾越多經紀越好㗎, 經紀之間競爭好白熱化, 見到有第二個經紀同你傾價, 隨時會放假消息去誤導你, 所以有幾個經紀幫手已經足夠㗎啦。

如果大家覺得以上資料有用的話, 請用你嘅方法傳開去, 等多啲人知道應該點做。

0 0 0

私人傳訊

simonccccc

積分: 2882

2^#

發表於 16-9-28 09:48 |只看該作者

得罪講句，完全冇用

私人傳訊

積分: 889

3^#

發表於 16-10-1 16:46 |只看該作者

回覆 simonccccc 的帖子

我就唔信當所有香港放盤嘅業主都訂立代理時間限制時, 會對市場冇影響!

私人傳訊

高羊

積分: 3223

4^#

發表於 16-10-2 18:32 |只看該作者

chan291378 發表於 16-10-1 16:46
回覆 simonccccc 的帖子

AA 個1% 唔係什麼法規定.

佢地個佣絕對可以傾.

呢班唔洗咩學歷無咩誠信可言收咁高佣, 係幾和味架.

私人傳訊

積分: 889

5^#

發表於 16-10-3 18:00 |只看該作者

chan291378 發表於 16-9-27 00:23
點解政府搵經紀賣樓可以指明經紀只可以收0.1%樓價為佣金, 市民搵經紀買賣二手樓宇唔可以指明佣金係0.1%-0.2 ...

其實佢哋已往可以向市民收取呵索性收費係有原因嘅, 以前冇網絡世界, 市民要放盤, 要攞市場買賣資訊(無論資訊真定假), 的確要靠坊間嘅經紀行, 但係以上功能現在已經可在網絡世界獲得, 市民還要被經紀呵索嗎?

仲有一點, 就係已往經紀收取高昂費用後, 班發展商就會向經紀行收取超貴商舖租金, 幾百呎嘅店舖租金隨時幾十萬, 豪宅地段更加唔只呢個數, 呢個租金唔係其他店舖可以付擔, 所以有啲地區所有店舖都幾乎都被經紀行壟斷, 其他店舖跟本冇法競爭, 冇法生存, 最後其它租金亦被扯高, 市民自然要承受高昂嘅物價。

所以有效抗衡經紀行嘅高昂收費就可以還市場一個競爭空間, 大家願意見到嗎?

私人傳訊

starwar188

積分: 703

6^#

發表於 16-10-5 00:10 |只看該作者

回覆 chan291378 的帖子

真係奇怪, 呢到咁多經紀, 點解冇人回應?

私人傳訊

simonccccc

積分: 2882

7^#

發表於 16-10-5 00:45 |只看該作者

如果係用家，一世人未必賣到好多次樓，如果係炒家更加唔會諗慳佣。
樓主原意係好，但實際推動唔到，因為唔係個個賣家想慳佣。
你睇下d成交，家下賣家閒閒都賺緊幾十至幾百%，
如果放到靚價o個1個%佣真係濕濕碎

私人傳訊

simonccccc

積分: 2882

8^#

發表於 16-10-5 01:06 |只看該作者

有圖有真相

私人傳訊

積分: 889

9^#

發表於 16-10-7 13:35 |只看該作者

回覆 simonccccc 的帖子

如果係用家，一世人買賣唔多就應該俾人搵笨???

炒家唔會諗慳佣??炒家先係最識計數嗰班人, 你係扮唔識定講大話!?

賺同蝕同你有乜關係??蝕左你一毫子佣都唔收?????

私人傳訊

sososu

男爵府

積分: 6077

認識瑞士牛牛第二回

10^#

發表於 16-10-7 16:31 |只看該作者

不如講下標準是 1% , 最底可講到多少 ?

私人傳訊

sososu

男爵府

積分: 6077

認識瑞士牛牛第二回

11^#

發表於 16-10-7 16:31 |只看該作者

如 0.8% 或...0.6%有沒有人試過...

私人傳訊

工程進行中

子爵府

積分: 10345

15週年勳章

12^#

發表於 16-10-7 17:07 |只看該作者

我試過地產收0.8% (細地產鋪)
亦試過減2萬佣 (中x)

而家放租有間地產仔唔收佣

講真... 地產收兩邊佣 ,真係多架
買賣樓好多野都係律師做 , 好多野都可以交由律師做 ,律師收得平過經紀好多啦
有咩問題咪又係搵返律師..

都見過唔少地產經紀冇料亂吹

而且大部份人經大公司 , 中x 美x 果d , d 佣咪又係比大公司賺晒
你睇下中x 一年賺幾多就知啦

私人傳訊