吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 興趣嗜好› 簡體字

興趣嗜好今日: 0|主題: 124358

收藏本版

發帖

返回列表

跳至頁

查看: 3600 | 回覆: 12

[閱讀] 簡體字 [複製鏈接]

ThePooh

別墅

積分: 689

1^#

發表於 04-8-24 17:38 |只看該作者

簡體字

各位媽咪，
你地會唔會比簡體字書比小朋友睇？
事關我奶奶在大陸買了些書仔比我個女睇，但全都是簡體字。我擔心佢學壞，遲D 返學默書寫錯字。但依家個市場都是中國大陸的世界，簡體字又怎能不懂？ ?-(

:-) :-) :-) Let's be friends! :-) :-) :-)

私人傳訊

wawamama

大宅

積分: 2807

2^#

發表於 04-8-24 18:48 |只看該作者

Re: 簡體字

我對簡體字相當反感。好好的中文字不寫，攪得亂七八糟，我不信用簡體字學中文會容易一點，反而會因為一字多用而造成混淆。還有大陸書籍都係橫排，缺乏直排的行氣，實在令人看得不舒服。

laughin' to keep from cryin'

私人傳訊

Teresa

珍珠宮

積分: 35965

畀面勳章

3^#

發表於 04-8-24 22:36 |只看該作者

Re: 簡體字

講開呢個問題, 我都有d經驗分享!

自仔仔2歲起, 我同老公差唔多每季都去廣州書城入貨(我同老公都鐘意睇書, 而廣州書城既兒童書書種又好多!).

我諗我仔仔睇簡體字書多過繁體字書. 不過唔擔心. 佢細細個時都係睇d大彩圖既故事, 我地要同佢用書講故事. 佢被彩圖吸引, 又聽住我地講故事時, 都唔會去認字, 所以簡體字定繁體字都冇問題.

到佢入左幼稚園學識一d簡單既字, 佢o係睇書既偶然會指住d字, 當然指住d佢學過既字, 而o個d字簡繁體都係一樣, 所以亦冇問題.

而家漸漸識多左字, 再加上上次去北京比佢睇到好多簡體字,佢就真係問我點解有"读书" " 清洁" " 树叶", 我就趁機教佢睇簡體字 (不過只係趁機會, 唔係刻意). 佢而家會識得一d簡體字, 通常係配詞時候, 有其中一個係簡體字而佢從詞義估出黎. 而佢亦未試過混淆!

我覺得完全冇問題. 我自己當年開始睇簡體字書都係從上文下理去估, 估估下睇睇下就認得, 而家我睇簡體字全冇問題. 所以我都用番同樣方式比仔仔學睇(唔係學寫).

我同老公都覺得, 大陸有好多好書, 內容好, 又平, 唯一缺點係字粒細同排板密. 不過如果因為唔識睇簡體字(正如而家唔識普通話一樣)都會係好大既損失, 大陸雖然有好多野唔好, 但係個文字寶庫真係好正! 再講長遠d, 大陸香港都係一河之隔, 好快香港人要識簡體字, 大陸人要識繁體字.

私人傳訊

Blythemia

大宅

積分: 4462

4^#

發表於 04-8-25 09:25 |只看該作者

Re: 簡體字

好同意Teresa既講法,大陸書又平又靚,將簡體字摒諸門外,無異於拒絕好大量既知識同資訊.佢地係出版方面動用既人力物力,香港絕對係望塵莫及,就算係台灣亦比唔上.

再多一d經驗分享,因為我女比Teresa囝囝大幾年,自細我冇刻意教佢簡體字,但係去親大陸一定去書城買書,所以佢書櫃既中文書,差唔多有一半係簡體字書.佢唔會溝亂兩種字形,舉例講,默書一定寫繁體字,(應該話平日寫字一定係繁體字),但閱讀基本上完全睇得明,簡體字書對佢來講完全冇障礙.

由繁入簡其實唔難,裏面其實有好多造字規律.小朋友冇大人咁多固有想法,要掌握簡體字,比大人可能反而容易.

私人傳訊

FXPC

大宅

積分: 2007

5^#

發表於 04-8-25 10:00 |只看該作者

Re: 簡體字

Totally agree with Teresa and Blythemia's comment.

Click here for 分享旺角的大陸童書書店收穫 (Part I)

私人傳訊

502

男爵府

積分: 5544

6^#

發表於 04-8-26 05:58 |只看該作者

Re: 簡體字

由 FXPC 於 2004-08-25 10:00:19

Totally agree with Teresa and Blythemia's comment.

ME too!

:-D :-D :-D :-D

私人傳訊

Jokey2828

複式洋房

積分: 442

7^#

發表於 04-8-26 09:19 |只看該作者

Re: 簡體字

我都很同意Teresa and Blythemia 的說法。其實現在很多中學都會教簡體字，所以學簡體字已是大勢所趨。

但是，我想請教假如小朋友對繁體字巳經學得不好，應否教他簡體字呢? 還是把資源和精力放在繁體字好一點呢?

Jokey2828

私人傳訊

tt2001

大宅

積分: 1111

8^#

發表於 04-8-26 10:46 |只看該作者

Re: 簡體字

wawamama 寫道:
我對簡體字相當反感。好好的中文字不寫，攪得亂七八糟，我不信用簡體字學中文會容易一點，反而會因為一字多用而造成混淆。還有大陸書籍都係橫排，缺乏直排的行氣，實在令人看得不舒服。

wawamama, 點解你咁大反應ger?我10年前就好似你咁，工作上簡中有接觸，識多左就覺得幾好wor，我寫post-it都夾D簡體字，快靚正。

我覺得小朋友只要佢係寫開繁體，就算佢睇好多好多簡體字書，佢都係識睇&讀得出，好似我同D同事咁，大家都會睇簡體字，讀簡體書，但我地寫得出正確簡體字，最多20-30個，因為寫吾慣ma！

私人傳訊

krin

別墅

積分: 513

9^#

發表於 04-8-27 13:43 |只看該作者

Re: 簡體字

Totally agree.
I also can read simplified chinese character without any problem, but if you ask me to write, sorry, even worst than tt2001's case, within 10.
So I don't think children will mess it up with traditional chinese character.

寵辱不驚,看庭前花開花落; 去留無意,望天上雲捲雲舒.

私人傳訊

小米米

男爵府

積分: 7055

10^#

發表於 04-10-4 00:44 |只看該作者

Re: 簡體字

小米米寫道:

我都覺得簡體字的教材非常便宜,女兒愈大,有更多圖書可以選擇,不過,在她未入學前,給她接觸簡體字,會否令她很混淆呢? 始終, 簡體字實在太多相似字型的地方,這是我的疑慮。

係呢,唔點點解我從來冇咁既疑慮既:mrgreen: ?我亞女係K2左右開始接觸到簡體字,即係話同繁體字既時間相當接近.佢會明白係唔同環境字型會唔同.即如對洋人佢會話orange,對香港人講橙,對普通人講橘子.如果話混淆既,普通話同粵語係語法同詞彙上都有唔少出入,但係又好似又冇乜家長擔心喎,反而想小朋友越早操流利普通話越好添.

而家D小朋友細細個已經好有主見,我反而覺得如果到小學至接觸既話,佢地可能已經好習慣用繁體字,加上學校唔會用簡體字,到時至去教佢,佢地未必樂意接受,可能會事倍功半.

( 以上由blythemia 寫道 )

==============================
不如我up 上來, 等其他人加入多d意見,等我學下野先 :-P

因為你悠悠聰明d :mrgreen: 我小米豬,尋日 ( 教o左差不多3,4個月) 佢終於認得自己個中文名 :lol:

新手媽媽o既我, 用o左我學睇簡體字,同大人o個套對簡體字的判斷 ( 我想,不是我第一人講簡體字其中一個唔好地方,係佢部分簡化字字型相近,另外,有些字繁簡分別又會好大,令人難以辨認,而需要強記簡體字 )
為母先有點擔心,家中小豬在這個階段,俾佢同時間認繁體、英文, 再多認簡體有沒有困難,個腦仔有無文字的混淆

不要笑我過慮,雖然d 書、教材好平,o係小女現階段( 就快14個月)至2歲前,是否應該開始學睇簡體字

有沒有媽媽可以分享下意見??????????