吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 婦女醫護› 吳志勇痔瘡(分享)

婦女醫護今日: 1|主題: 34301

收藏本版

發帖

返回列表

跳至頁

查看: 20977 | 回覆: 35

吳志勇痔瘡(分享) [複製鏈接]

BREADWING

珍珠宮

積分: 35654

1^#

發表於 16-10-5 22:41 |只看該作者 |倒序瀏覽 |打印

尋日專登出去睇佢，因為我患左十幾年，以前飲食都唔注意，即水飲得好少，蔬果係可以冇，日日大魚大肉m記，有時連急大便都忍住唔去，但係未生b前都仲可以自己縮返入去唔駛推，到生左3個之後，唔識縮之餘用手推返入都會吊返出黎，基本上係一直外露，直至近月開始嚴重到肚痛便祕腹瀉交替出現而且經常出血，就把心一橫去搵佢，尋日一上到去就入房，佢問我基本資料問下我既痔瘡出現左幾耐，之後就講價錢，整個療程最多7千，亦有講過話成個過程唔痛，咁我諗諗之制，有個男人係個房入面走出黎問我地係咪都睇痔瘡，佢話佢都做過，真係好神奇，而家完全冇晒事，仲不斷讚呢個醫師好犀利不得了，只係做完果陣最辛苦係好急但又唔屙得姐，過幾日就好，雖然都係有d買花讚花香咖喇，咁我d痔瘡又唔講得笑既好迫切，又好棘手，好多醫生都建議我割要做手術，咁而家唔駛割靜係搽藥緊係點都試下，之後就決定做啦，入到房就訓上床打側啦，佢搵支好熱既燈似太陽燈既物體照住我屁股，照左一陣佢話辣就出聲，咁原來作用係等佢血管擴張，血液循環d，之後就叫我放鬆擺個擴張器入黎，個樣似鴨咀鉗咁既野，只係用係肛門，一隊入黎都真係幾唔舒服由其佢撐開隻鉗，好似有d撕裂既感覺，之後佢就一路同我講野可能分散我注意，感覺到佢係入面轉下轉下好似鉗住但又拮拮地咁，有幾下都有d痛，好似比人打針打落粒瘡到，但一路佢只話係敷藥冇任何打針，但點解會痛痛地既，之後都做左好耐最少都有半個鐘，當中佢仲話我直腸有粒瘜肉叫我整埋佢好冇都係敷藥，搞掂完就比張注意事項既紙比我睇，比左2粒止痛藥叫我拿拿聲返屋企休息先，叫我盡量唔好屙，最好聽日先屙，咁當時都冇乜感覺只係個後欄有d野塞住，我相信都係中藥有棉花之類塞住姐，醫師問我點呀有冇覺得有痛呀唔舒服呀，我仲好自豪咁講話完全唔痛，平時粒痔瘡都係咁突出黎咖啦，同平時都冇乜分別姐，咁佢就話咁就最好啦，最想緊係我唔痛啦，我仲係到諗頭先果個男人講話最辛苦係好急，我心諗有幾急呀，好小事姐，仔我都生左幾個啦，d男人真係抵唔住痛，之後醫師就係咁催我返屋企，我心諗點解你成日想趕我走咖，不過算啦，因為我都住得遠，返去最快都要個半鐘，之後就行去搭車

0 0 0

私人傳訊

BREADWING

珍珠宮

積分: 35654

2^#

發表於 16-10-5 23:24 |只看該作者

回覆：BREADWING 的帖子

行到半路感覺到個屎窿脹脹地，但都接受到既，要搭地鐵再轉巴士又超多人行下又停下，跟住開始真係feel到急屎，心諗大鑊啦，仲係條街到喎，忍住先啦，點知每行一步我都要夾下夾下咁行，幾難忍先等到有巴士黎，諗住坐下可能好d,點知上左車一坐，仲衰坐係到反而分散唔到注意力，行下都還好，我成程車都左檸右檸標晒汗，係咁搣自己大肶手臂，仲有少少呻吟咁，種急好似生仔但唔比屙果種感覺，恍惚自己就好似係巴士上蘇得果隻，差d叫出黎，c6係咁笑我話有冇咁誇呀，叫我瞇埋眼休息一陣啦，我話唔得呀點休息到呀，好辛苦呀好想屙呀，佢話忍住忍住唔係真係有野屙咖，搞到隔離左右果d都望晒過黎，又尷尬又痛苦，好唔容易搭左成粒鐘車，一落車就一枝箭標返屋企，想像緊自己攤係張床，屁股向上簡直釋放，返到屋企就即攤上床，原來都係唔得咖，係會典即係同生仔急果陣冇分別，典緊既時候我仲打比醫師講話，醫師我真係頂唔緊啦好想去廁所屙呀，醫師話好啦你去屙啦，如果粒野屙左出黎記得記得要塞返佢入去呀，唔係粒野會變乒乓波咁大粒吊左出黎就好難塞返入去咖啦，之後我話好啦唔該就收線，極速衝入廁所之制比c6攔住，佢話你今日去做係為乜?咁都忍唔到就前功盡廢，你唔係話要消滅佢咩，聽到佢咁大堆肺腑之言再諗下，係喎大拿拿7千蚊我咁做咪掉落鹹水海，咁我又死死氣返入房繼續典，不斷睇住時間，慢慢一個鐘一個鐘咁過去，但係我一路都訓唔著仲發冷發熱唔知想點，捱到凌晨3點幾，我都係決定放棄喇，走去廁所屙尿，當然屙第一督尿都用左成10分鐘時間，因為頭先不斷用晒d力去忍，到要放鬆去屙尿果陣竟然做唔到，可能一路個人都好緊好用力，到排完尿之後好似好左d,咁就返上床啦諗住，點知好多屁係個肚到谷住谷住，但又放唔到出黎，可能d痔瘡係入面好腫，令到d屁谷返入去，個肚愈儲屁就愈大，捱到凌晨4點半我終於走入廁所嘗試放屁，原來放屁都係好難既事，坐左廿分鐘終於放左一大督屁仲要勁響，嘈到c6都醒埋，佢走黎陪我傾下計，我叫佢訓多陣啦就要返工啦，咁佢先返去訓，但我都一路訓唔著，個肚又谷個屎眼又急，之後5點幾6點c6出門，7點我要叫醒個女返學，8點個仔又要放學，9點到最細果個醒要飲奶奶，都真係冇訓過，但都一直急，但出奇地急急下又開始唔急，變痛喇d痔瘡，又乸又辣好似比火燒咁，總知就痛但都可以忍既，不過就係訓唔著，去放下屁啦諗住，坐落去一陣又放到屁喎仲屙到d屎，但呢下夾雜左d血，之後每放一次屁屙屎又必d血出黎，到左11點左右我就訓左陣，竟然訓到，但當然都仲有dd痛啦可能攰得制，之後到今日4點左右去返醫師到覆診，上到去坐住一部發熱既機

私人傳訊

Dragonmama2012

公爵府

積分: 28042

3^#

發表於 16-10-6 00:32 |只看該作者

之後呢？係咪真係神奇地好左

私人傳訊

BREADWING

珍珠宮

積分: 35654

4^#

發表於 16-10-6 05:21 |只看該作者

回覆：Dragonmama2012 的帖子

因為今日先第3日既關係，未知道係咪真係work,而家只感到入面脹住脹住，大便都比較困難d,可能仲有d痛同埋我又就住啦，不過原本粒痔瘡(平時吊係門口果粒)已經唔再見佢吊出黎

私人傳訊

BREADWING

珍珠宮

積分: 35654

5^#

發表於 16-10-6 05:35 |只看該作者

回覆：BREADWING 的帖子

果部發熱機係話令到d藥更吸收，咁就坐左10分鐘左右，都幾熱咖辣到個大肶都紅左，但我覺得部機冇乜特別又冇話做左會有咩唔同，粒痔瘡都仍然係脹住痛，感覺似係外痔發炎，坐立不安咁點坐咩姿勢都唔得咁，今次個醫師就話一係食消炎藥啦，快d好，咁我就緊係話好啦，消炎藥係另計要20蚊一排，到而家為止，每次去廁所放屁又好排便都好都有少少出血情況，但都期待可以同粒跟左我十幾年既痔瘡拜拜，呢幾日個過程都幾辛苦，希望係值得啦，另外講漏左，本身係有混合痔，呢位醫師只係做到內痔，而外痔係另外收費，聽佢講外痔係痛苦好多好多，一律都唔建議做，佢話外痔就唔太影響，係內痔比較麻煩，會出血會跌出黎

私人傳訊

mimi88

公爵府

積分: 28062

好媽媽勳章

6^#

發表於 16-10-7 23:04 |只看該作者

唔使開刀好神奇, 你今日覺得好啲嗎? jm祝你早日康復~

網上世界咩人都有，謝絕介紹買賣，謝絕代購！

私人傳訊

BREADWING

珍珠宮

積分: 35654

7^#

發表於 16-10-8 01:21 |只看該作者

回覆：mimi88 的帖子

今日都仲係有d血，而且呢幾日都成日想放屁同大便，去親都有不過唔多，每日都最少去4次大便，大便亦好幼身好軟身，會有少少血痴係到，都仲有屙唔清既感覺，我又唔敢用力，不過就冇再見過痔瘡走過出來，但感覺上硬係有抽痔瘡係入面蠢蠢欲動想搵機會蒲頭咁，咁希望唔會啦，我非常憎呢種感覺，同埋變左出街都唔想，唔想行行下就想大便，因為想大便果下，就已經去到門口一放鬆個人就會漏出黎咁既感覺