懷孕前後 今日: 10 | 主題: 330200

積分: 21

1^#

發表於 08-11-23 20:30 |只看該作者 |倒序瀏覽 |打印

我有個女女14個月,我媽咪幫我湊!
我無一個固定既屋企,
因為第一我唔想同奶奶住(我地感情無問題,但我相信住埋就一定會有),第二我掛住個女,
所以我就好唔定一時就係奶奶到訓,一時返我媽到訓!
搬出去住,實在太大負擔,下年個女仲讀書喇!
而家岩岩有左bb,我唔想要! 因為咩都未穩定!
第一無屋住,第二無人幫我湊,
但我老公好想要,博下呢個係咪仔!
因為想要一仔一女!
但我覺得呢個係女囉,因為一有左就肥同個肚大!
第一胎都係甘!同埋我睇個清宮圖都係話我呢個係女!
唉...好大壓力!
同我老公傾親,次次都話:得啦,我會攪店!
講就易姐~如果真係要生多個出黎,
真係要搵屋,將軍澳d租真係好貴,我地仲要有部車!
一個月預最小8000蚊!(因為將軍澳近我媽咪)
仲要請個工人! 水電煤,寬頻,電話費,保險費,生活費...
咩都係錢,諗起都頭痛!!
又好驚如果又係女點算..?
我都知仔女都係自己,但..唉,我都唔知點講!!
我相信有d人會明白我!!
比你地會點做?

0 0 0

私人傳訊

babycute2009

男爵府

積分: 6428

2^#

發表於 08-11-23 20:36 |只看該作者

有左梗係要啦
你地一定要揸車咩? 我覺得揸車既使費係最無謂
你個女都有黎讀書啦, 生得第二個出黎時, 你媽咪幫你湊囉, 大女去左讀書, 多左好多時間喎

你同老公講定, 如果都係女, 佢係未都要先?

私人傳訊

積分: 21

3^#

發表於 08-11-23 20:57 |只看該作者

多謝你既reply,
其實我同我老公緊係唔想又係女啦~
甘無理由要生第3個麻!我都唔想做豬那!
所以就算我老公要,我都唔會要!
但個時bb都3個月,又覺得好慘,自己都唔忍心!
所以就想而家岩岩有左,就唔要!
我老公工作需要一定要用車,
真係用好多錢,車位同油~
我媽唔肯再幫我湊喇~佢話怕左~哈哈!

私人傳訊

積分: 21

4^#

發表於 08-11-23 21:13 |只看該作者

我自己都做左人媽咪,我緊係唔忍心!
我當然知道仔女都係自己,
唉.而家咩都係錢~咩都甘貴,而家生多個都甘頭痛,
更何況3個呢? 根本無可能生3個!
有一個女,緊係想要個仔,而且我老公好想要個仔!
佢屋企又得佢一個仔,無論現代社會有幾潮流,中國人傳宗接代係事實!
掉返轉,如果個時係生仔先,我地都會想要個女!
我知道我甘係唔岩,但真係環境所迫

私人傳訊

tokyogirl

積分: 4455

5^#

發表於 08-11-23 21:56 |只看該作者

你唔想要原因係因為你覺得係女﹐如果係仔你就會留﹐我覺得你有呢個諗法十分罪過!

當然家家有本難念的經﹐經濟考慮﹑健康問題等等﹐都可以諒解﹐但明顯你係要仔唔要女﹐咁點得架!?你自己都係女﹐點可以有呢個想法!?生命就係生命﹐好簡單!

如果無人幫你湊﹐又請唔起工人﹐可以考慮將小朋友放托兒所&幼兒園﹐最長可以朝8晚8﹐應該OK。船到橋頭自然直﹐小生命係上天欣賜﹐請你珍惜!

原文章由 520loveyou 於 08-11-23 20:57 發表
多謝你既reply,
其實我同我老公緊係唔想又係女啦~
甘無理由要生第3個麻!我都唔想做豬那!
所以就算我老公要,我都唔會要!
但個時bb都3個月,又覺得好慘,自己都唔忍心!
所以就想而家岩岩有左,就唔要!
我老公工作需要一定 ...

私人傳訊

loveyammie

積分: 2561

6^#

發表於 08-11-24 00:52 |只看該作者

原文章由 tokyogirl 於 08-11-23 21:56 發表
你唔想要原因係因為你覺得係女﹐如果係仔你就會留﹐我覺得你有呢個諗法十分罪過!

當然家家有本難念的經﹐經濟考慮﹑健康問題等等﹐都可以諒解﹐但明顯你係要仔唔要女﹐咁點得架!?你自己都係女﹐點可以有呢個想法!?生命就係生命﹐好簡 ...

同意

如果係仔你一定點都要囉
如果知係女即刻走去落tim呀

私人傳訊

milliechow

複式洋房

積分: 384

7^#

發表於 08-11-24 07:37 |只看該作者

我有個fd，生咗5個都係女，點解一定要仔？佢又係好似你咁諗，終於冇個細路係有家教嘅......因為太多教唔到。

同埋養部車啲$夠你養一個B有突，車可以租啫，點解唔可以放棄自己嘅物質享受而放棄BB？

[ 本文章最後由 milliechow 於 08-11-24 07:41 編輯 ]

私人傳訊

bosch

瑪瑙宮

積分: 128504

2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

8^#

發表於 08-11-24 08:28 |只看該作者

清宮圖唔準;
你自己本身唔想要, 點解又會攪到有左呢?
你今日唔生, 幾年後至生咪又係搏係仔;
你都係人地阿媽, 唔通你真係忍心去落左你個女既細佬/妹? 我覺得你唔好睇少落仔之後既後遺症. 有d野講就易.
第二個同生第一個既開支有幾大? 又同冇生bb 既開支分別有幾大?

你唔想要bb都係因為你重男輕女, 如果呢個係仔, 你仲要唔要佢?

私人傳訊

leungmunkin

複式洋房

積分: 130

9^#

發表於 08-11-24 09:20 |只看該作者

希望你可以諗清楚, 始終係一條生命. 之前我都落左個小朋友, 但情况唔同係check 到Ah B 是有問題的, 唔想佢出黎同以後都痛苦, 唯有作出這個殘酷的决定. 足足過左成年, 個心都係唔舒服. 自己仔女都係你既骨肉, 放棄佢係好殘忍的, 同埋你一定會後悔架! 三思呀!!!

私人傳訊

kitty0502

水晶宮

積分: 73995

好媽媽勳章

10^#

發表於 08-11-24 09:38 |只看該作者

你生過個肚緊係大得快啦，
肥係你自己食幾多野既，
我呢胎第三個啦，咪又係大得快，
2個月好似人地4個月咁，
個d清宮圖唔準架，
好心你唔好咁迷信啦，
我都同其他媽媽諗法一樣，
養架車夠養多個細佬啦，
仲有個d傳統思想真係唔要得

私人傳訊

sunggie

積分: 1764

11^#

發表於 08-11-24 10:02 |只看該作者

住邊都唔係好重要,將軍澳貴,就住觀塘,舊區可以平好多,入將軍澳都好快,再唔係就照住將軍澳,搵個細d單位,舊d樓,一樣平...唔好成日心中定一個好高標準去搵屋,咁就一定係貴,既然手頭緊,遷就下,我屋企人成日話,以前d人都係咁生,都係咁住間細房都ok...

我依家都生咗,喺99度坐月,公屋一間,200尺,一眼見哂,冇房冇私隱,都係咁過.有時環境係咁就要自己調節下心理去接受.咩都話過唔到自己,咁日子就好難過...

要唔要個小b...我都冇諗過有b,但有咗一定要.攪出人命就要負責,除非佢結構有咩大問題,就因為佢係女,所以唔要佢...我過唔到自己囉,係仔又點,點解一定好過女?大家都係人,都係自己骨肉...不過你都係同老公商量好先決定,唔好做咗決定第時后悔.

私人傳訊

foggyao

珍珠宮

積分: 36559

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

12^#

發表於 08-11-24 16:28 |只看該作者

原文章由 sunggie 於 08-11-24 10:02 發表
住邊都唔係好重要,將軍澳貴,就住觀塘,舊區可以平好多,入將軍澳都好快,再唔係就照住將軍澳,搵個細d單位,舊d樓,一樣平...唔好成日心中定一個好高標準去搵屋,咁就一定係貴,既然手頭緊,遷就下,我屋企人成日話,以前d人都 ...

同意, 而家d租跌到baba聲, 將軍澳細d私樓, 甚至居屋, under$8000一定租到! 再唔係觀塘居屋, 舊樓亦一定有, 我最近聽人講藍田居屋細單位, 已跌到5仟幾添!

點解你有屋住時又要即請工人? 你mami咪幫你湊緊嚕? 佢一知你有定住就即刻唔湊? 如唔係, 等你第二個出世先算嚕, 慳得一時得一時! 工人一定唔及自己人湊好!! 再唔係托兒所真係好好同幫到你, 方法係有好多, 睇你點稔同要求, 如要求高, 樣樣都要最好, 做徐小姐, 呀李太就得!

唔要bb?! 佢兩個月同三個月先唔要, 都係殘忍, 無分別!! 我自己就好相信報應, 唔一定要報晌你身上, 有時自己心愛另一半, 最錫嘅仔女先係最無辜嗰個! 我唔係想話嚇你, 不過我好深信呢樣嘢!

好多mami都講左個重點, 如你估呢個係仔, 你一定會要, 但而家你估係女, 就即刻稔住放棄佢, 仲不斷揾籍口比自己!!

身形, 我稔唔準, 因我第一個係女, 而家呢個係仔, 但兩胎身形同陀住嘅反應都係一模一樣, 我初時都好確定自己個係女, 好開心 (因我想再係女), 後來我知係仔, 真係唔開心左幾日, 但最終都接受左同覺得無所謂. 而我老公, 都係大仔, 佢都無稔傳統中國人呢d傳宗接待嘢 (佢就prefer女多d, 但仔都無所謂), 其實一定要仔, 呢d真係古老想法啫!

清宮圖 ~ 都唔準, 因第一胎時, 話我係仔, 結果... 問左好多人, 都話有中有唔中, 所以即係唔準.

好多人想要一個都無, 你有左就因為個性別而唔要? 就算你唔要呢個, 亦唔代表你下個一定係仔! 仔女性別係由老公d基因決定嘅.

[ 本文章最後由 foggyao 於 08-11-24 16:30 編輯 ]

私人傳訊

Toni22

子爵府

積分: 10248

13^#

發表於 08-11-24 18:20 |只看該作者

foggyao講得好正確, 就算你唔要呢個, 亦唔代表你下個一定係仔! 仔女性別係由老公d基因決定之如, 也是天賜的。bk有很多朋友想要bb也很困難, 用盡所有方法也不能成功。我自己也曾灰心、絕望過。請你想清楚再下決定, 不能後悔的。

私人傳訊

積分: 21

14^#

發表於 08-11-25 13:51 |只看該作者

唉...甘多位媽媽,我知道自己唔岩,係錯!
我自己都好唔舒服!好罪過~
命裡有時終須有,我希望bb肥肥白白同健健康康就得了~
我而家都諗住開始搵屋,
不過好似有左唔可以搬,要生左先得!
我一諗起又要比人剪同甘鬼痛...好驚呀~!

私人傳訊

foggyao

珍珠宮

積分: 36559

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

15^#

發表於 08-11-25 14:28 |只看該作者

原文章由 520loveyou 於 08-11-25 13:51 發表
唉...甘多位媽媽,我知道自己唔岩,係錯!
我自己都好唔舒服!好罪過~
命裡有時終須有,我希望bb肥肥白白同健健康康就得了~
我而家都諗住開始搵屋,
不過好似有左唔可以搬,要生左先得!
我一諗起又要比人剪同甘鬼痛...好驚 ...

如你擔心大肚唔想做搬屋呢個動作, 你可唔可以揾定屋先, 預定生完先搬? 有d業主, 可能想揾新租客, 但舊嘅又未完, 都會去地產度放住租先, 你去check check同問問啦!

唔洗怕啦, 你而家先初期係咁㗎喇, 要10個月裡面慢慢培養感情㗎!

我初初知有左第二個時(有準備), 都係無乜feel㗎, 心稔 '哦!有左呀!', 同埋乜都掛住個大嘅, 真係無乜理肚入面嗰個, 但陀陀下, 睇住bb大, 同見到佢樣, d感動又返晒嚟喇, 我而家都好期待細b出世, 慢慢嚟啦, 慢慢安排, 唔洗樣樣稔得咁急, 稔到咁盡, 好似自己無彎轉咁, 好多時, 真係船到橋頭自然直, 發現自己之前煩得太多㗎咋!

有乜稔唔明, 計唔惦, 唔好自己一個人煩, 同老公, 屋企人傾下, 再唔係上嚟問下其他mami意見, 都好幫得手丫!

私人傳訊

lokyee129 該用戶已被刪除

16^#

發表於 08-11-25 14:42 |只看該作者

提示: 作者被禁止或刪除內容自動屏蔽

私人傳訊

lokyee129 該用戶已被刪除

17^#

發表於 08-11-25 14:45 |只看該作者

提示: 作者被禁止或刪除內容自動屏蔽

私人傳訊

kitty0502

水晶宮

積分: 73995

好媽媽勳章

18^#

發表於 08-11-25 16:40 |只看該作者

咁就岩啦

希望你生個肥肥白白既bb，
我呢胎第三個啦，都係諗起比人剪同聯針就好驚

原文章由 520loveyou 於 08-11-25 13:51 發表
唉...甘多位媽媽,我知道自己唔岩,係錯!
我自己都好唔舒服!好罪過~
命裡有時終須有,我希望bb肥肥白白同健健康康就得了~
我而家都諗住開始搵屋,
不過好似有左唔可以搬,要生左先得!
我一諗起又要比人剪同甘鬼痛...好驚 ...

私人傳訊

菜菜子媽媽