親子旅遊今日: 18|主題: 161582

收藏本版

發帖

返回列表

跳至頁

查看: 733 | 回覆: 1

[泰國] 芭提雅曼谷親子自駕遊分享 [複製鏈接]

doming

洋房

積分: 58

1^#

發表於 16-10-27 17:58 |只看該作者 |倒序瀏覽 |打印

出發前好擔心曼谷好塞車，但因為兩個家庭共四大一中兩小，在泰國搭的士好難約埋目的地，而且曼谷同香港一樣，上到的士女話唔識路又話塞車唔去，有大有細好煩，搭高架車要轉來轉去，所以決定出發前綱上租架11人Van,原本諗住租七人車無咁大架，但唔夠位擺行李，但11人車祇有棍波，但比七人自動波車平一半可能太大架無乜人會租。
早機一到步，一早深水埗買定七張4G電話咭，$40張又唔駛到步排隊即插即同贏左，去租車處取車，車已準備，最好用手機拍片，影低邊度有花，特別要注意油係咪全滿，唔係間間都機場取車，(後黎我有次泰國租車中招,我租過Europcar,Budget,Hertz,Thai 都係機場取車，Sixt就差好多，要搭佢架大Van同唔識嘅人一齊去露天車場，好似坐深圳揼骨專車咁，職員又黑口黑面，開車一段後才發現唔滿油，所以一定要睇油是否滿)
講番入提，我無租佢地GPS,用google map都好準，重學識點樣使用，最好係認Exit number ，出錯路機會抵D ，可能早上而且又係遊客區，唔塞車，平均都行過120km時速可能,但架豐田van真係超大真係好飄，跟本過120km係行唔到直線，沿途有7-11,停路邊買下野食，必買太陽油，隻樽有粒荔枝嗰隻超平超正，原來7-11已經唔再為AIS電話咭增值，要去Famaly先有得充值，香港買嘅電話咭係噤唔到睇餘額，所以要自己計住咁上下就要增值，打香港先打009852就會平好多, 買完野轉手比朋友渣，嘩，渣到左擺右擺，佢話好飄，為著全家安全起見，轉番我渣，咁即係呢五日都將會係我做司機

終於到左pattya Centara Grand Mirage ，我鍾意呢間酒店內置水上樂園，詳情上youtube睇下，車到酒店門口停車拎行李，比車匙個bellboy佢好似想叫我自己泊落停車場，我扮唔識聽比條匙同20銖佢就比張飛你，幫你泊好，唔係我懶，而係要幫手睇行李同細路，我去左泊車我老婆一個人點睇咁多野，朋友兩公婆都要睇住個女，你都想像到當時小朋友坐飛機坐車咁耐一著地有幾咁興奮同失控，但你又見到小朋友咁開心，乜都值(續)