論盡家傭 今日: 1 | 主題: 133929

積分: 1891

1^#

發表於 16-11-7 13:00 |只看該作者 |倒序瀏覽 |打印

放假日八時前需要回到家，姐姐來了半年，上個月有一次她事前沒説遲返，當晚遲了一小時才短訊告知，她與朋友慶祝生日，要遲回家，但不是立即回來，而是等她玩完，10時走，11時才回到家。回家後，若無其事，sorry 也沒說。我以為她找了新工，博炒。一天後，跟她説這樣做不可以。她駁咀，話d朋友個個好遲先回家。她説只是這次，以後不會。自此，做嘢勤力咗d。原本已找了中介找新人，最後見佢表現好返，就算了。
點知昨晚又是11點才回來，這次更勁，短訊也沒發，也沒解釋。回來後，sir 問她想點，佢仲笑笑囗答up yo you.
真心問佢是否想博炒？短期我有什麼對策？

0 0 0

私人傳訊

積分: 61109

2^#

發表於 16-11-7 13:25 |只看該作者

回覆樓主:

你工人肯晚上11点返來而唔係半夜3点或天光先見人, 已算係咁。

你諗下以後d仔女出街玩到11点先至返, 你又可以耐佢地咩何?! 工人係大人黎, 而且現实係你個家規唔係法律, 佢到午夜12点返你都係無可奈何。僱主忍唔到, 就換人。

私人傳訊

natnataktak

複式洋房

積分: 428

3^#

發表於 16-11-7 13:28 |只看該作者

回覆樓主:

工人幾多歲?

私人傳訊

歌莉泡泡

積分: 3474

4^#

發表於 16-11-7 13:41 |只看該作者

法律外又有樣野叫家規既..
係咪你無一早定好佢歸期呀?工人好易學壞的~

私人傳訊

warpaper

積分: 2219

5^#

發表於 16-11-7 16:09 |只看該作者

其實真係無佢計過喎............ 就好似樓上JM咁講, 諗下將來你仔女係咁又可以點? 何況你同佢只係顧庸關係... 不滿只可以透過溝通到最後就係炒左佢解決.

私人傳訊

積分: 10867

6^#

發表於 16-11-7 16:15 |只看該作者

其實休息日幾點出門幾點返只是僱傭之間的協議，無硬性規定姐姐一定要幾點就返到家否則就係違約，大家都知勞工法例規定工人休息日係不少於24小時，所以協議歸協議，僱主盡可能彈性處理，況且姐姐休息日遲少少返僱主又唔會有損失，反正佢休息唔需要做家務，試過有僱主姐姐遲咗返聽agent講扣佢人工，亦有人建議姐姐遲返唔好開門比姐姐等佢係外邊過夜嚇吓佢，其實兩種做法都違法，分分鐘被人告違法扣薪及不提供住宿及令姐姐不在登記住址住宿，無謂咁執著大家讓一步就容易解決問題。

私人傳訊

積分: 6189

7^#

發表於 16-11-7 16:18 |只看該作者

出警告信, 否則無特別原因或事先通知再犯就炒,

私人傳訊

積分: 61109

8^#

發表於 16-11-7 16:27 |只看該作者

laibebemama 發表於 16-11-7 16:18
出警告信, 否則無特別原因或事先通知再犯就炒,

工人遲过晚上8点返, 僱主就出警告信?! 首先人地放假要人8点就返到屋企是否合理? 人地遟返, 即使出封警告信, 唔代表炒工人時可以唔洗補錢。警告信唔係管束工人放假遲返屋企的有效工具。

私人傳訊

積分: 10867

9^#

發表於 16-11-7 16:30 |只看該作者

如果休息日姐姐在法定規定時間返家都出警告信更甚去炒姐姐，這警告信就會成為日後姐姐指控僱主非法解僱的有力證明，姐姐11點返到家無違反合約反之僱主規定佢8點前返家係違反休息日的規定。

私人傳訊

ipfamily

積分: 1404

10^#

發表於 16-11-7 16:30 |只看該作者

11點先返都無問題，係佢休息日，佢早啲返又點？你想佢休息日工作？

私人傳訊

積分: 61109

11^#

發表於 16-11-7 16:34 |只看該作者

tuenmunoasia 發表於 16-11-7 16:30
如果休息日姐姐在法定規定時間返家都出警告信更甚去炒姐姐，這警告信就會成為日後姐姐指控僱主非法解僱的有 ...

本帖最後由 birdbird 於 16-11-7 16:35 編輯

有時d僱主就係未能睇清現實而做多咗d 唔應該做嘅野 (即係多餘野)。

私人傳訊

積分: 6189

12^#

發表於 16-11-7 16:39 |只看該作者

回覆 birdbird 的帖子

幾多點返係雙方商量的, 如果一早講好工人又應承, 突然又無通知遲返或者唔返, 個工人都有問題, 我無講過出警告信=可以炒人唔補錢, 如果警告都無用, 個工人有無心打工, 自己都清楚, 請佢走都請唔切啦,

私人傳訊

積分: 6189

13^#

發表於 16-11-7 16:45 |只看該作者

回覆 tuenmunoasia 的帖子

咩叫非法解僱??? 就算唔出警告信, 僱主都有權換工人, 滿唔滿意工人表現, 個個中標準唔同, 咁你講合法, 要點先可以炒個工人呢?

私人傳訊

積分: 61109

14^#

發表於 16-11-7 16:46 |只看該作者

laibebemama 發表於 16-11-7 16:39
回覆 birdbird 的帖子

幾多點返係雙方商量的, 如果一早講好工人又應承, 突然又無通知遲返或者唔返, 個工人 ...

警告信比遅到學生/遅上班的打工仔係有用, 比遲返屋企的家傭係多餘

私人傳訊

積分: 61109

15^#

發表於 16-11-7 16:48 |只看該作者

laibebemama 發表於 16-11-7 16:39
回覆 birdbird 的帖子

幾多點返係雙方商量的, 如果一早講好工人又應承, 突然又無通知遲返或者唔返, 個工人 ...

本帖最後由 birdbird 於 16-11-7 16:49 編輯

僱主要換工人、炒工人, 賠足錢又何需事前出警告信呢! 更何況封警告信係指工人放假遲返屋企, 跟工人的工作表現無直接關係!!!

私人傳訊

積分: 10867

16^#

發表於 16-11-7 16:58 |只看該作者

我自己經驗彈性處理姐姐休息日出門及返家時間會係雙贏，我自己無家規姐姐早上由7點至中午出門都有，通常10點前一定返到家，姐姐亦會主動在早上做些基本家務才出街，我亦唔會留任何嘢佢返屋企做，兩年多無出過任何問題，我就當佢係朋友一樣，事事有商有量，試過兩次我媽姐姐休息日有病都係姐姐主動話留家照顧我媽，總覺得大家體諒對方大家都得益。

私人傳訊

積分: 6189

17^#

發表於 16-11-7 16:59 |只看該作者

回覆 birdbird 的帖子

如果係咁講, 打工仔都一樣,僱主只要賠足錢或通知期就可以炒, 出左警告信都可以係多餘, 打工仔都可以無視封警告信。家傭都一樣係打工, 只不過佢工作地方喺屋企,

私人傳訊

積分: 10867

18^#

發表於 16-11-7 17:06 |只看該作者

laibebemama 發表於 16-11-7 16:45
回覆 tuenmunoasia 的帖子

咩叫非法解僱??? 就算唔出警告信, 僱主都有權換工人, 滿唔滿意工人表現, 個個中 ...

如你出警告信話姐姐遲返，跟住再炒姐姐就有合理懷疑你非法解僱姐姐，因為姐姐無違反合約，請問你姐姐遲返是否合理解僱理由，我咁寫係提醒你，你不須任何理由都可以解僱姐姐，但如你自我提供姐姐休息日遲到的警告信等姐姐有機會指控你是聰明做法還是愚蠢做法呢？

私人傳訊

積分: 61109

19^#

發表於 16-11-7 17:11 |只看該作者

laibebemama 發表於 16-11-7 16:59
回覆 birdbird 的帖子

如果係咁講, 打工仔都一樣,僱主只要賠足錢或通知期就可以炒, 出左警告信都可以係多 ...

你説的警告信係管制工人放假天的回家時間, 首先果個時間是否合理已經是一個爭拗点, 其次係工人假期。工人放假遲一小時回家與佢工作的時間及生産力並無衝突, 但打工仔返工遲到就肯定会影響公司的運作什至係生產力, 有d打工仔更註明上下班時間, 所以員工返工遟到而收警告信係一個有效及合理的管理方法。而對家傭放假遲返屋企, 係冇作用可言, 如勞工處或法庭見到有關信件, 也未必覺封信合理。

既然封信冇用, 出黎做咩?!

私人傳訊