今日响旺角廣華街等c6,有個后生仔响我車頭前面扮晒好急打左好多次電話,走埋黎好似好尷尬同我講:唔好意思小姐,我做速遞,唔見左個袋同銀包,已經去左油麻地警署報案,打俾屋企人三個幾鐘又無人聽,我住响東涌,可唔可以借廿蚊搭車番屋企,我留底個電話號碼俾你,聽日還番你?
我k...咁你張報案紙呢?
答:掉左哦,所以無呀.
我:咁你報案黎做咩?
答:...............
我:咁你屋企人無手機咩?
答:有呀,打唔通呀..
我:咁啱既....
答:........
我:咁你可以當左部手機先囉,個model咁新...
答:當左咪無得用電話囉...
我:想番屋企咪要當囉,唔使响街問人借,又熟得番個電話,你自己個樣都唔好意思啦, 一係你番去油麻地警署叫亞sir補多張紙俾你,咁我好樂意幫你....我未講完佢已經話ok,唔該晒....我用倒后鏡望佢又扮過野 好在個個彈開.
春有百花秋有月 夏有涼風冬有雪 若無閒事掛心頭 便是人間好時節