吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 國家地區媽媽會› 請教美國教育利弊

國家地區媽媽會今日: 0|主題: 20265

收藏本版

發帖

返回列表

跳至頁

查看: 1155 | 回覆: 8

[美國] 請教美國教育利弊 [複製鏈接]

三伏

大宅

積分: 2610

1^#

發表於 16-11-22 08:15 |只看該作者 |倒序瀏覽 |打印

朋友講美國公校好差, 又大麻, 又避孕套, 又欺凌. 而且課程程度比香港低好多. 咁我又有疑問. 如果咁差點解美國係全球最強國家, 科技領先? 香港咁高程度點解又出唔到什麼世界領袖? 請長居美國或有心得的BK 可否分享下?

0 0 0

私人傳訊

CK_Kukky

大宅

積分: 1212

2^#

發表於 16-11-22 23:05 |只看該作者

回覆三伏的帖子

我覺得可以套用20/80理論囉，20%出色／勤勞／創新／（個list可以無限延伸）嘅人支撐另外個80％。

其實香港都出左好多好出色有成就，有份推動世界進步的人，不過始終美國大咁多人多咁多；至於你話科技，咁我又真係覺得香港相對發展得比較慢。

私人傳訊

三伏

大宅

積分: 2610

3^#

發表於 16-11-23 00:38 |只看該作者

CK_Kukky 發表於 16-11-22 23:05
回覆三伏的帖子

我覺得可以套用20/80理論囉，20%出色／勤勞／創新／（個list可以無限延伸）嘅人支撐另外 ...

香港科技可以推得咁慢係因為班官唔推都有工返. 試下其他地方公務員唔做野會點? 香港公務員制有18萬人管700萬港人 (未計合約個D). 新加坡3萬公務員管500萬人.

私人傳訊

rose-mag

王國長老

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

4^#

發表於 16-11-23 16:08 |只看該作者

美國咁大，實在好同差，公校差唔差睇邊個州邊個市邊個區，有D係好過私校添，我識好多人係小學中學送仔女去私校，高中就入公校，好多公校入好大學嘅機率好高添，起碼我呢度係咁。又大麻，又避孕套，又欺凌＞＞＞呢D邊度冇？係比率幾多啫，我有個朋友請教一個喺教會學校教嘅老師，好唔好俾個女讀私校，老師話唔係私校就一定好，私校有錢人多，要買大麻避孕套比公校窮鬼更容易，開生日PARTY派免費大麻都見過唔少，欺凌一樣有，可能更誇張添，近年欺凌都唔止於暴力，網絡欺凌、孤立你、蝦蝦霸霸一樣多，要仔女唔接觸倒不如教佢地點面對點樣去處理好過，而且真係唔入公校就一勞永逸？邊有咁簡單。

美國教育宗旨係訓練獨立思考、個性，近年著重實用性，課程真係冇香港咁多咁深，但要小朋友學嘅係成長必須要嘅技能，好多叻嘅鍾意讀書嘅根本唔駛逼，而係佢地享受讀書，鍾意返學，每朝自己彈起身。

花旗太太生活在花旗國，留意時差，你問我未必即時答到。

私人傳訊

三伏

大宅

積分: 2610

5^#

發表於 16-11-23 19:43 |只看該作者

rose-mag 發表於 16-11-23 16:08
美國咁大，實在好同差，公校差唔差睇邊個州邊個市邊個區，有D係好過私校添，我識好多人係小學中學送仔女去 ...

咁真係要小心揾學校了. 有親戚在加州. 但未必會去加州. 所以全美國咁大都唔知點入手好.
呢個世界好多野都無得避, 只係學習點去處理. 學識之後才會成長.

所以美國教育程度雖然D人講低過香港, 但其實係注重啟發, 獨立思考. 呢樣先會跟你成世. 好似香港學好多書本上的知識只係基本, 因為書本上都係舊的知識. 要點樣啟發再創新再思考才重要. 唔係日日10幾樣功課. 做完, 沖涼, 食飯都十點幾十一點. 又瞓覺. 有乜時間思考.

私人傳訊

CK_Kukky

大宅

積分: 1212

6^#

發表於 16-11-24 01:43 |只看該作者

本帖最後由 CK_Kukky 於 16-11-24 01:45 編輯

聽朋友講香港好多小學上堂唔俾講嘢，一講野就要罰。我自己都係香港讀書大，但印象中都好似無咁嚴重，記得我讀書個年代，有好多老師覺得啲學生上堂太靜唔肯講嘢，仲鬧我哋唔講嘢。

小朋友成日坐喺度齋聽唔講嘢，唔得喎。美國呢度上堂好鼓勵踴躍發言，鼓勵學生 voice their opinion。咁上堂個腦會活躍啲，淨係坐喺度聽，真係太死板。

私人傳訊

三伏

大宅

積分: 2610

7^#

發表於 16-11-24 07:34 |只看該作者

CK_Kukky 發表於 16-11-24 01:43
聽朋友講香港好多小學上堂唔俾講嘢，一講野就要罰。我自己都係香港讀書大，但印象中都好似無咁嚴重，記 ...

有乜野需求就有乜野供應. 好多家長鐘意小朋友 (好乖) 所以學校咪要佢地 (更乖), 有些學校上堂講野被罸應該有的. 功課10幾樣亦係正常. 因為家長覺得好多功課先至學到野. 其實學校可能都知要改變, 但無人敢改, 因為改完比人投訴, 自己就無得做. 所以形成唔做好過. 反正改左你地又唔會多謝.踴躍發言就啱女兒了. 老師成日話佢主動舉手發問同答問題. (雖然有時企响度得個窿

)