吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 關文回應-->求助無門好想死

自由講場今日: 1170|主題: 1332113

收藏本版

發帖

返回列表

跳至頁

查看: 3055 | 回覆: 31

關文回應-->求助無門好想死 [複製鏈接]

cocomna

複式洋房

積分: 101

1^#

發表於 16-12-7 17:44 |只看該作者 |倒序瀏覽 |打印

本帖最後由 cocomna 於 16-12-8 02:00 編輯

上篇:http://www.baby-kingdom.com/forum.php?mod=viewthread&;tid=18993405&extra=&page=1多謝管理員close我個post,唔使睇之後某D酸言酸語.
我每個留言都有認真睇,未能及時回應,因為尼2日都諗緊解決方法.
我都唔會再諗住死,因為生命好珍貴,唔係我都唔會咁辛苦生佢出黎,都唔敢想像我媽會幾傷心.

我真心多謝好多位JM教我應該點做,俾埋詳細既方法.真係好感激!仲有鼓勵我~
都多謝鬧醒我既JM,但關於某D野,想回應下.
話我脫離現實好,離地又好,無知又好,無腦又好,膠又好.

係,我認.我未做媽咪前真係唔知係咁辛苦,只知媽咪係尼個世界上.錯,應該話宇宙上最偉大既生物.
話我俾人中出,咁唔生都生左,我都唔會返轉頭望,我點解要俾人中出既?只會在將來日子做好安全措施.

之前做過檢查,醫生話我有多卵泡卵巢,有BB=中獎,所以有左個陣又驚又開心.
因為根本冇諗住要小朋友,自己都未顧掂.有諗住唔要,醫生話好難會再有,C6都話唔好,話佢會返多幾份工.
佢之前返Office,日日嘆冷氣,E+係出面日日曬,因為係新仔,所以人工低.
跟住可能返多份,又或者轉地盤.

話我依賴心強...
其實我5歲已經開始自己照顧自己,5歲前係婆婆湊,後面搬左入我老豆工廠(大陸)住,1個星期可能先見倒我爸1次,2個星期先見倒我媽1次,成間屋得自己一個,覺得好驚,一掛住媽咪就喊,心諗點解唔理我唔陪我又要生我出黎?(決定如果生BB一定陪住佢;大個先知要賺錢俾好生活我)
後面發現喊左,我媽都唔會即刻出現,就唔會再喊,知道喊都改變唔倒任何野.
再一次喊,係陪左我十幾年既狗死左.
結果,大緊肚個陣,變得唔似自己,好脆弱,郁D就喊,成日喊.完全唔知咩事...

我讀完書,去做野儲錢.去左第2度學野,錢用完,媽咪又生日.就飛返香港陪媽咪過生日,同諗住做多1年野儲多D錢再過去學埋佢.點知就有左,惟有放低自己既目標.
有左BB我即刻去搵野做,但點知咁辛苦,試過1日嘔6次,嘔到胃出血,慶幸嘔左5個月,唔係嘔到生.
係4個月個陣真係頂唔順,C6又叫我唔好做.就冇返工了...

關於卡數,我每個月都會清曬D卡數,但照完結構D卡數一直拖住,只還平時扣個D上網費同電話費.
(都多謝話我知卡數利息同大耳窿差唔多既JM,我會清曬佢)

有人話我唔做野攞綜援仲走去私家生同照結構,話我窮人扮上等人.
er..我冇咯

不嬲都反感D好手好腳唔做野拎綜援既人,都唔會為左拎綜援同C6離婚.
知道自己冇得拎個下,真係鬆左口氣

所以先會PO文問下有咩解決方法,點知就俾人攻擊尼樣,好似我一直都俾人綜援緊..唔PO文都唔知有食物銀行尼D野..
唔好意思,我真係覺得我見果個社工係白見

佢淨係叫我排公屋,叫我申請下低津,又話唔知申唔申請倒.咁即係點

我係無知..我從來都唔會去尋求尼D幫助,覺得要留俾真正有需要幫助既人,所以根本唔知有咩資助.
結果就俾人話公主攤大手板要人俾,最好資助公屋送上門.

照結構係醫生叫我照,我媽話唔使照,話我同C6都後生,唔會有個D野.
我都係過唔倒自己個關,驚少手少腳,兔唇.為求心安走去照,照完食左定心丸.
同埋我係政府生,邊有錢去私家

催生左2日再開刀

關於同吸毒者同住,我都唔想同佢住,而且佢會偷野,搞到我D野要拎曬入房,超唔方便.
佢好耐之前俾62趕左出去,跟住前排我大肚個陣又走返黎,係門口坐左3日,62心軟放左佢入黎.
佢係度,我成日都要提心吊膽,係我真正想搬出去既原因.

至於奶粉,有JM提議我轉其他大牌,我有選擇困難...想問埋細裝去邊度可以買倒?我見親都大罐..
我會睇菜煮飯架喇...真係好對唔住,我天真的以為最貴就係最好

人奶方面,已經扁曬,冇曬奶水...
至於LV好靚,人買你又買?sorry...我唔覺得LV靚,我都唔中意名牌...
奶粉買最貴,係單純想俾最好既佢,自己又冇餵人奶,見有人奶成分,朋友又推介先買尼隻.
會轉奶粉,所以究竟邊隻好...

:" />一定要逐隻試?

自己既問題自己解決,當然啦,唔通你幫我解決?所以我先會PO文問有咩方法去解決咯大姐.

再一次衷心多謝咁多教我點做既JM

都多謝你咁有耐性睇曬咁長篇大論
跟住落黎要做既就係轉奶粉,賺錢,搬出去

0 0 0

私人傳訊

bobo88hk

子爵府

積分: 13941

2^#

發表於 16-12-7 17:49 |只看該作者

真心勸樓主唔好暴露太多私人事其實無需要交待得咁清楚自己知條路點行就得

加油

私人傳訊

yueching

大宅

積分: 3493

3^#

發表於 16-12-7 17:53 |只看該作者

回覆：關文回應-->求助無門好想死

其實我唔知你期望見社工要俾到咩服務你
但你個情況，排公屋已經係一個建議
其他資助，好多時都睇晒同住家人，所以先唔肯定有無。。。

私人傳訊

cocomna

複式洋房

積分: 101

4^#

發表於 16-12-7 17:54 |只看該作者

回覆 bobo88hk 的帖子

好

私人傳訊

sumsum_so

伯爵府

積分: 16562

5^#

發表於 16-12-7 17:57 |只看該作者

其實唔駛係網上講太多自己既野。要答既啲人都答哂，其他自己深入既事唔需要話哂比人知。

私人傳訊

tobytang

侯爵府

積分: 24626

畀面勳章

6^#

發表於 16-12-7 18:00 |只看該作者

cocomna 發表於 16-12-7 17:44
上篇:http://www.baby-kingdom.com/forum.php?mod=viewthread&tid=18993405&extra=&page=1多謝管理員close ...

你有冇去健康院同bb打針?通常健康院出面會有各大奶粉商既promoter係度，等媽媽同bb出黎就叫佢地加入某某奶粉媽媽會，好多時候入左會既奶粉商會按bb幾大而寄或好平咁比細罐裝bb試，我兩個女細時我都有加，依家我估都仲有，有既話你不妨試下，如果唔想等咁耐，可以去2手市場嗰邊望下，間唔中會有人放售，平平地買返去比阿b試，樓主加油

私人傳訊

mother904

翡翠宮

積分: 79687

畀面勳章

7^#

發表於 16-12-7 18:04 |只看該作者

既已關帖，又何必再開帖解釋？你有你的生活，無需向人交待。

日日是好日

私人傳訊

ckat

侯爵府

積分: 20016

8^#

發表於 16-12-7 18:10 |只看該作者

回覆樓主:

唔好理人,唔洗交代喎

2手市場有奶粉買，係平d

Take Care

私人傳訊

米米子

子爵府

積分: 10990

2018復活節勳章

9^#

發表於 16-12-7 18:10 |只看該作者

回覆樓主:

雖然一開始話你係公主誤入貧民區，不過我不得不佩服你生出黎既勇氣

其實香港對低收入家庭保障係好足，公屋一定要排，關愛基金同低收入家庭津貼都要攞！唔好問社工你可以申請啲咩，直接叫佢開file同你申請

等丫b夠歲數上全日n班先諗做野喇，呢2年叫個老公比心機搵錢，同媽咪商量下搬返外家。希望在明天，捱過左就一片光明

私人傳訊

spikenard

水晶宮

積分: 69973

10^#

發表於 16-12-7 18:26 |只看該作者

回覆樓主:

買雅倍吧～好似7一11咁附近1定有得買，而且比較實惠200幾就有，藥房買平好多，選好奶粉轉奶粉方法，第1餐8餐裡的其中一餐轉新奶粉即係7餐舊奶粉1餐新奶，固定時間選午餐呢轉吧!
新奶粉……
8餐轉1餐新奶粉新3日
第4日8餐裡食2餐新奶粉又係食3日
第7日8餐裡轉3餐新奶粉又係食3日如似類推…………直到8餐都轉晒新奶粉為止

轉奶攻略，係福字歷mark好第1餐食新奶粉你咪連續係日曆mark3個1字，2餐新奶粉你咪mark3個2字如此類推

好多時轉奶粉係冇問題，只是媽媽轉得心急就易造成寶寶唔適應