吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 0-6個月› 喂奶粉,好唔開心

0-6個月今日: 0|主題: 37441

收藏本版

發帖

返回列表

跳至頁

查看: 3656 | 回覆: 37

喂奶粉,好唔開心 [複製鏈接]

iamyiuyiu

別墅

積分: 738

1^#

發表於 16-12-13 21:52 |只看該作者 |倒序瀏覽 |打印

我bb 一個半月了！
開頭喂人奶，由於生完情緒好差, 半個月左右，發左2次燒，乳線炎，最後決定收奶改喂奶粉！
依家係全奶粉，但一諗起無喂人奶比bb!
同埋有左個陣入左幾個媽媽谷⋯⋯依家都生哂，日日大部分都討論緊泵到幾多，埋身幾耐，我好唔開心，覺得自己唔夠堅持，比唔到bb！
我知我咁唔開心可能係情緒病未好返！
唔知同邊個傾好⋯⋯上黎呻下！

0 0 0

私人傳訊

Momoko303

大宅

積分: 2094

2^#

發表於 16-12-13 22:34 |只看該作者

生完係會情緒不穩，如果餵唔到人奶就無需要勉強自己去餵，奶粉一樣好有營養，餵奶粉唔代表媽媽唔偉大唔夠愛！加油唔好咁負面

ps.我都係全奶粉媽媽

私人傳訊

vicky603

大宅

積分: 2200

3^#

發表於 16-12-13 22:58 |只看該作者

iamyiuyiu 發表於 16-12-13 21:52
我bb 一個半月了！
開頭喂人奶，由於生完情緒好差, 半個月左右，發左2次燒，乳線炎，最後決定收奶改喂奶粉 ...

我都鍡人奶鍡左個幾月，之後轉奶粉，不過我覺得冇得比較，食人奶又好，食奶粉又好，都一樣可以有健康既bb既，何必執著呢！一個人情緒唔好，食既方面唔5都會影響奶量，唔同到時又因為咁而唔開心，好無謂。好好地湊好小朋友唔好比佢餓親比佢病照顧得好d,抵番晒。加油啦！

私人傳訊

kayancola

複式洋房

積分: 217

4^#

發表於 16-12-13 23:44 |只看該作者

iamyiuyiu 發表於 16-12-13 21:52
我bb 一個半月了！
開頭喂人奶，由於生完情緒好差, 半個月左右，發左2次燒，乳線炎，最後決定收奶改喂奶粉 ...

我餵左4日人奶就停左..而家BB3個月大..反健康院姑娘仲讚照顧得好好..囡囡2個半月已經好硬淨..成日要學坐起身..頭仔又唔會搖黎搖去..
而我細過咪又係食奶粉大..身體好好..一年都係少病一至兩次..生第一胎用左3個鐘就搞掂..生完第三日已經可以周圍行周圍走..奶粉同人奶各有各好..俾d信心自己同小朋友

私人傳訊

Csychuchu

大宅

積分: 1585

5^#

發表於 16-12-14 01:19 |只看該作者

我生完心情麻麻，畏左兩星期就無畏喇，飲奶粉心情放鬆左～其實食咩奶都一樣大，最緊要開心:mother:

私人傳訊

Csychuchu

大宅

積分: 1585

6^#

發表於 16-12-14 01:23 |只看該作者

kayancola 發表於 16-12-13 23:44
我餵左4日人奶就停左..而家BB3個月大..反健康院姑娘仲讚照顧得好好..囡囡2個半月已經好硬淨..成日要學坐起 ...

點樣學坐起？

私人傳訊

sunshine_paris

大宅

積分: 3700

想生BB熱投

7^#

發表於 16-12-14 01:45 |只看該作者

我同你一樣，都係餵左半個月，個人因為餵到情緒好差所以決定停。其實個心好爭扎，偷偷地喊過好幾次。好明白你心情，間唔中都仲有少少內疚。
而家BB全奶粉，一切ok，自己心情好左，其實對BB都係好事。

私人傳訊

kayancola

複式洋房

積分: 217

8^#

發表於 16-12-14 06:42 |只看該作者

Csychuchu 發表於 16-12-14 01:23
點樣學坐起？

通常掃完風我會俾囡囡訓系手臂上休息..但佢會頭同腹部用力向前伸..跟住(emoji)(emoji)聲叫你幫手..我會俾手指佢拉著借力..坐到好似掃風姿態甘..坐好後佢就會好精靈甘周圍望

私人傳訊

iamyiuyiu

別墅

積分: 738

9^#

發表於 16-12-14 08:11 |只看該作者

sunshine_paris 發表於 16-12-14 01:45
我同你一樣，都係餵左半個月，個人因為餵到情緒好差所以決定停。其實個心好爭扎，偷偷地喊過好幾次。好明白 ...

無錯⋯⋯就係內疚！不過睇完你地講都好d！
你bb約大？
我成曰媽媽谷睇佢地喂人奶有咩問題⋯再討論解決！就會諗好多，點解人地咁辛苦都會努力！
我會努力睇開d！

私人傳訊

米米CLUB

大宅

積分: 1877

BB防敏心得分享勳章畀面勳章 BK Milk勳章

10^#

發表於 16-12-14 09:59 |只看該作者

我餵咗一個月就轉全奶粉，咁我先天不足都無辦法。

我好傻咁諗轉全奶粉壓力又少咗，返工唔使煩搵地方泵奶，奶奶照顧時又方便咗，心情即刻唔同咗

私人傳訊

sssssssss

男爵府

積分: 9857

11^#

發表於 16-12-14 10:08 |只看該作者

雖然我人奶9個月。不過我覺得奶粉都有奶粉的好，冇必要比較，你可以唔睇人地講乜架，每個人體質唔同，bb飲食習慣唔同。這就是奶粉熱賣的原因。

私人傳訊

lazywoman

大宅

積分: 1312

12^#

發表於 16-12-14 11:08 |只看該作者

我BB而家兩個半月,一出院果幾日我都係成日比佢埋身啜,但係10月果時好熱,傷口又痛,加上自己冇乜奶,所以一出院BB已經食奶粉,一開始全日我total泵得60ml咋兩邊加埋,我都係冇乜奶架,但我都照泵,話晒個泵都唔平嘛..果時好唔開心,喊過好多次,見人地咁多奶,覺得自己好冇用,冇乜奶比BB食,人地埋身另一邊漏出黎都過100ml !!老公又話人奶多D抗體,搞到都好大壓力,之後佢見我喊,我又成日訓係床乜都唔想做,又會出街行下,連BB我都冇精神去睇下,總之就係累同乜都唔想做,我懷疑果時係有D抑鬱,不過應該唔嚴重,生完10左右我成身出晒野,好痕,R到流晒血訓唔到,睇西醫食左藥完全冇用,心情超差,喊左好多次架啦生完,後尾食中藥食左兩星期就唔痕~之後一直都係keep住一日泵兩次先夠BB一餐(120ml左右),BB一日食大約6餐,我已經睇開左,心情好返好多,咪當一日有一餐人奶比BB好過冇啦,盡左力架啦~有時間自己累就休息,唔累就抱下佢,同佢傾下,換片,剪指甲,撩耳屎~而家返左工,一早泵奶已經要出門口,冇得抱,放工返黎食飯沖涼泵奶已經成10點,佢未訓我就同佢傾計,佢訓左我就照抱下佢~~~~~而家佢生長線keep住係90~我怕佢之後變肥仔呀~

所以,你都唔好唔好心,有時間同BB玩下!加油~

私人傳訊

tristyma

子爵府

積分: 12562

13^#

發表於 16-12-14 13:41 |只看該作者

同你情況差唔多，而家BB食緊奶粉，都算健健康康

私人傳訊

lyc_0609

大宅

積分: 4730

MommyPanel勳章 2018復活節勳章笑得好勳章瞓得好勳章開心吸收勳章 Xmas吸收勳章最關心BB問題熱投勳章

14^#

發表於 16-12-14 15:26 |只看該作者

唔駛內疚，每個媽媽既情況都唔同，自己盡左力就足夠了

私人傳訊

iamyiuyiu

別墅

積分: 738

15^#

發表於 16-12-14 15:38 |只看該作者

lyc_0609 發表於 16-12-14 15:26
唔駛內疚，每個媽媽既情況都唔同，自己盡左力就足夠了

可能我就係覺得自己唔夠盡力！
姑娘同99都會同我講湊得好好，因為囡囡生長線由25，滿月升到75！
6.5磅去到10磅！
但我會覺得肯飲奶係bb自己乖！唔係我湊得好！同埋無黃所以飲得好好！
但如果bb指甲整到面，（除一除手套勁快整到） or 痾屎我會幫佢洗pat, 我大意整濕衫尾要換衫，又驚佢凍親，會諗本身我小心d佢就唔會整親/ 整濕件衫！

我咁諗係咪有問題！ (emoji)(emoji)(emoji)